عنوان الموضوع : نصيحة للي جاب الباك وحاب يعاودو للثالثة ثانوي
مقدم من طرف منتديات العندليب

بداية مبروووووووووووك عليكم و حمدو ربي على هذه النعمة
انا جبت العام لي فات الباك وكنت حاب ندير طب مصحتليش قلت الحمد لله قدر لله وما شاء فعل وقررت نزيد نعاودو وندير واش نحب بلوكيت عامي فالجامعة وركزت على الباك قريت وتعبت والنتيجة مكانتش بعيدة بزاف على العام لي فات
انا نقولكم لي راه حاب يعاودو يخممممم ملييييييح مليييييييح القرار راح يكون صعيب لكن انصحكم بصلاة الاستخارة و دائما قولو الخير فيما اختاره لي لله واذا قررتو تعاودوه اقرولو مليح ومتستهزاو بحتا مادة
ربي يوفق لجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرااااا خيي
انا بالنسبة ليا العام الجاي باك قلت اذا ما جبتش 14 نعااود هههههههههههه
خاطر حابة نقرى في مدرسى عليا طبعا انا شعبة تسيير ... ربي يجيب فيها خير

و ربي يوفقك خويا و يسهلك حياتك

=========


>>>> الرد الثاني :

اخي كم معدل قبول الطب ؟

=========


>>>> الرد الثالث :

صحيح أخي ماتقوله
أنا تاني عاودته السنة ليبر مي مابلوكيتش لاني ديالي
مي المعدل تاني ماكانش بعيد على معدلي تاع السنة لي جازت

الحمد لله و كيما تقول

الخير فيما اختاره الله
خمموا مليح خاوتي قبل ماديروا اي حاجة و حاولوا تنظموا أموركم مليح
لاخاطر في الناهية ماتقراو غير لي كاتبها ربي
سلام

=========


>>>> الرد الرابع :

شكرا لك حتى انا نخمم نعاود اذا ماعطاونيش واش نحب
ولكن الحمد لله
ادا ماكانش مشكل اعطيني شحال جبت في باكك الاول و تاني
اختك منال

=========


>>>> الرد الخامس :

انا قرار باش نعاودو جاني نهار الفيزياء و قررت نعاودو
مي كاين حاجة مازال مالقيتلهاش الحل
نبلوكي العام ولا نقرا و نحضر للباك في نفس الوقت

=========


اخي هل يمك الدراسة في الجامعة و تحضيير للبكالوريا ام انه امر صعب


انا تاني جبتو هاد العام ب 13,07 بصح اني حابة نعاودو
ma3edjebetnich la moyenne par ce que ma 9ritlouch sa7 mni hada el 3am
ma dertch les coures
ma 7efedch histoire geo
filou ma 9rithach ga3 dite fiha 6
bach tenes7ouni?

المشاركة الأصلية كتبت بواسطة abir94
اخي كم معدل قبول الطب ؟

اخي معدلات القبول متقدرش تعرفها دوك حتى مور التسجيلات اما واش راهم يقولو ما هي الا توقعات

المشاركة الأصلية كتبت بواسطة بريق الأمل14
شكرا لك حتى انا نخمم نعاود اذا ماعطاونيش واش نحب
ولكن الحمد لله
ادا ماكانش مشكل اعطيني شحال جبت في باكك الاول و تاني
اختك منال

الاول 13,15 و الثاني 13,88

المشاركة الأصلية كتبت بواسطة ryouna
انا قرار باش نعاودو جاني نهار الفيزياء و قررت نعاودو
مي كاين حاجة مازال مالقيتلهاش الحل
نبلوكي العام ولا نقرا و نحضر للباك في نفس الوقت

الاخت خمييي مليح لان باش تقراي فالجامعة وتعاودي ماشي ساهل لان القرايا تاع الجامعة تديلك وقتك وتعياي بزاف لان منداك تلقي روحك من 6 تاع الصباح ونتي برا حتى 8 تاع الليل باش تدخلي لدار متقدري ديري والو وهكذا يلحقلو الامتحنات تركزي معاهم وتنساي الباك و فالنهاية يلحق الباك وتلقاي روحك والو

المشاركة الأصلية كتبت بواسطة saly sara
انا تاني جبتو هاد العام ب 13,07 بصح اني حابة نعاودو
ma3edjebetnich la moyenne par ce que ma 9ritlouch sa7 mni hada el 3am
ma dertch les coures
ma 7efedch histoire geo
filou ma 9rithach ga3 dite fiha 6
bach tenes7ouni?

عسى ان تكرهو شيئا و هو خير لكم
مازال الوقت وخمي مليح شوفي قدراتك انتي واش راكي قادرة

المشاركة الأصلية كتبت بواسطة klk
الاخت خمييي مليح لان باش تقراي فالجامعة وتعاودي ماشي ساهل لان القرايا تاع الجامعة تديلك وقتك وتعياي بزاف لان منداك تلقي روحك من 6 تاع الصباح ونتي برا حتى 8 تاع الليل باش تدخلي لدار متقدري ديري والو وهكذا يلحقلو الامتحنات تركزي معاهم وتنساي الباك و فالنهاية يلحق الباك وتلقاي روحك والو

مبروك عليك
أنا كذلك نعاود الباك العام المقبل ولكن الدراسة في الجامعة لاتتطلب منك يوم كامل بل يوجد بعض أوقات الفراغ
شخصيا سأدرس في الجامعة ونعاود الباك فقط أنظم وقتي وقتي

المشاركة الأصلية كتبت بواسطة سارة1995
اخي هل يمك الدراسة في الجامعة و تحضيير للبكالوريا ام انه امر صعب

امر صعب وانا صراحة لي نعرفهم قراو منا و منا يا يجبوه بمعدل اقل من لي قبلو يا ميجيبوهش اصلا ولكن هادي ماشي علوم دقيقة وكل واحد و القدرة لي يمدهالو ربي

المشاركة الأصلية كتبت بواسطة akram-100
مبروك عليك
أنا كذلك نعاود الباك العام المقبل ولكن الدراسة في الجامعة لاتتطلب منك يوم كامل بل يوجد بعض أوقات الفراغ
شخصيا سأدرس في الجامعة ونعاود الباك فقط أنظم وقتي وقتي

يا اخي هادا رايي وقريت فالجامعة وماكن عندي حتى وقت فراغ اذا راك تهدر بصفة متهدرش الدروس هدا امر اخر
ربي يوفقك