عنوان الموضوع : افعل مثلي و ستنجح في البكالوريا تحضير بكالوريا
مقدم من طرف منتديات العندليب

هل تريد النجاح في شهادة البكالوريا...؟
سؤال سخيف .........!! ومن لا يريد....

أول شيء كالمي روحك و لا تدع الخوف يدخل إليك مهما يكن بل اعتبر نفسك ستمر على أي مرحلة من مراحل الدراسة التي سبق وأن درستها و لا تدع هاجس الباك الباك الباك.................. يسيطر عليك.


بصراحة لا ألوم التلميذ عندما أجده خائف و لكن ألوم الوسط الذي هو فيه فالوالدين من جهة و الأساتذة من جهة،
التلفاز من جهة، و الراديو من جيهة و اللي تلقاه فالطريق يقولك جيبلي الفال...!!! (يا مساكيـــن و يا مسكينة )


ما هي الجمل التي تردد كثيرا و كثيرا بينكم يا تلاميذ؟ سوف أخبركم (كل يوم نقول غدوة نبدا نقرا مني بصح و مازل ما هدانيش ربي.... ،و الله فات العام وأنا ما خلصت والوووو.... آآآآه الباك وصل و كل شي راح من راسي.....، أنا حفظت هاديك و هاديك و أنت ياصاحبتي.....؟؟؟ )
و مازال الخير هاذو غـيـــــــــــــــر شوية.


و أنا نقولكم بكل إختصار الباك ما هو إلا امتحان جد عادي كنت نتفرج فالتلفاز كما نحب و ندخل الأنثرنث كما
تنفحلي و يقولولي مستحيل تدي الباك لأنك ما خايفاش . صدقوني نهار رحت نفوت الباك كأني رايحة نفوت 6éme........

و ما كنتش حافظة و فاهمة كلش لأن من سابع المستحيلات و لكن كنت واثقة من نفسي ولهذا أقول لك يا عزيزي التلميذ

أدرس جيدا و لكن دون إفراط يعني إذا شفت روحك ساهر الليل بصح ما دخل والو في راسك أرقد خيرلك .

لا تضن أن دروس الدعم ستساعدك كثيرا ففي كثير من الأحيان هي مضيعة للوقت و للمال حاولوا ماتزيدوش من مادة أو مادتين على الأكثر و سأقول لكم لماذا؟ أولا الوقت باه تروح تقر الدعم وترجع كنت قادر تحفظ فيه درس و أنت فالدار، ثانيا إذا الوقت باه تراجع دروس القسم ما تلقاش متى ستراجع دروس الدعم؟؟؟؟؟. ثالثا الدروس تتكثف وراح تكون فوضوي ودائما تعبان يعني توصل ترقد طووول و صدقوني كاين من أعاد السنة بسبب دروس الدعم.

أدرس في الوقت اللي يساعك و تعودت عليه الكثير يقولو الدراسة في الصباح الباكر أحسن وقت للدراسة و هذا ليس شرط (كان أحسن وقت عندي هو منتصف الليل أكون في أتم قدراتي الدراسية ) يعني متى تكون مرتاح وقادر تدرس بشرط أن تكون
فعلا تدرس ( ماشي تتفرج فالحيط ولا الكراس... اني علابالي بيكم انا تاني كنت نديرها...هههههههه)

-لا تقلق عندما تجد الوقت يقترب وأنت لم تنهي كل شيء بل كن مقتنعا بما سبق ودرست وإذا كنت تستطيع أن تتحصل على علامة 10 في أي مادة فكن راضيا مادام الوقت لن يكفيك يعني خير من والووووو

نقاط الثلاثييات ليست لها أهمية على الإطلاق سواء جيدة أم سيئة ممكن كنت تتحصل على علامات سيئة و في البكالوريا تتحصل على علامات جيدة والعكس صحيح و أبسط مثال نقدمهولكم كنت في مادة الفلسفة ما
نطلعش من 6 و ماعلاباليش واش نقراو فيها خلاص ولكن إصراري خلاني ما نستسلمش و خلاني نبحث على مقالات و
حفظت و فهمت حوالي 7 مقالات وبفضل الله وجدت مقال من المقالت اللي حفظت كاين فالباك و تحصلت أفضل علامة في الثانوية في مادة الفلسفة رغم أنو الكراس و الله ما عندي... !!!

= = = = = = = = = = = = = =

أكثر ما يخطئ فيه التلاميذ هو التركيز على مادة من المواد الأساسية حتى وإن لم يكن يهمل المواد المتبقية ولكن تلك المواد لا تحضا بنفس الاهتمام ولنفترض أنك في يوم امتحانك لتلك المادة مرضت ولم تستطع التركيز أو حدث لك فزع كبير لأن نجاحك يعتمد على تلك المادة ولم تستطع الاجابة كما كنت تريد. فاحدر من هذه الفكرة التي أودت بالكثير إلى الإعادة.

إذا وجدت نفسك جالس في غرفتك لساعات وساعات وأنت لا تدرس و العائلة المسكينة تظن أنك منهك في الدراسة فأخرج و اجلس معهم ذلك أفضل من أن تخيب أملهم في نهاية السنة. و يقولو وليدنا فرا وماداش

لا تقارن نفسك بزملائك حتى وإن تفاخروا بإنهائهم المراجعة لبعض المواد وكن متأكدا من أن دراستهم كانت سطحية

اسأل نفسك دائما هذا السؤال لماذا لا أتحصل على الشهادة ما الذي ينقصني؟ و هل الحاصلون على الشهاده أفضل مني
-تفاءلوا خيرا حتى و إن لم تكنوا مستعدين أتم الاستعداد و ما تفايلوش على رواحكم بالفشل و ربي قال تفاءلوا خيرا تجدوه

في الحقيقة يا مقبلي البكالوريا أريد أن أقدم لكم مساعدتي و نصائحي كثيرة ومتواصلة بإذن الله وذلك من
خلال تجربتي و ما مررت به قبل نجاحي


أريد التكلم في نقطة مهمة أيضا لا تقل أبدا إذا أعدت السنة فسوف أنتحر فهذه الجملة أصبحت متداولة كثيرا هذا

امتحان ماديتوش تقدر تعاودو ولكن امتحان الأخرة لنار لنار كي تنتحر ما عندك كيفاه تعاودو ؟؟؟

أتمنى أنكم قد استفدتم من هذه النصائح التي مررت بها وتمكنت من نيل الشهادة بفضلها و بفضل الله

لا تترددو في طرح أسئلتكم و استفساراتكم يا أعزائي أنا في خدمتكم بالتأكيد فربما أستطيع المساعدة في الكثير
سؤال بسيط منكم يمكن أن يكون سببا في نجاحكم وهل توجد فرحة مثل فرحة النجاح


أتمنى النجاح لكل المقبلين على الشهادة و حظ سعيد




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

njkhukghbvj,v gjcg cg

=========


>>>> الرد الثاني :

جميل هذا الموضوع

=========


>>>> الرد الثالث :

شكراُ على هذا الموضوع

=========


>>>> الرد الرابع :

شكرا على النصائح القيمة انا عندي الباك هاد العام او والله ارتحت كي قريت واش راكي كاتبة لخاطرش او صراحة راني خايفة من الباك فوق ماتتصوري كيما قلتي انو الباك شهادة مهمة من جهة او من جهة اخرى كل واحد فينا يتمنى يفرح العائلة بلاك هاد واش راه مخوفني او مبروك عليك او دعيلي باش ننجح وربي يوفق الجميع ماتنسيناش

=========


>>>> الرد الخامس :

المشاركة الأصلية كتبت بواسطة حنان عدادي
شكرا على النصائح القيمة انا عندي الباك هاد العام او والله ارتحت كي قريت واش راكي كاتبة لخاطرش او صراحة راني خايفة من الباك فوق ماتتصوري كيما قلتي انو الباك شهادة مهمة من جهة او من جهة اخرى كل واحد فينا يتمنى يفرح العائلة بلاك هاد واش راه مخوفني او مبروك عليك او دعيلي باش ننجح وربي يوفق الجميع ماتنسيناش

أنا في الخدمة يا أختي العزيزة والعائلة تفرح بيك كي تقراي صح و الباك على ربي المهم تعبتي وربي ما يضيعش تعبك
اللهم اجعلها من الناجحين هذا العام و لا ترجع الأيدي خائبة خاوية يا الله
وانشاء الله كي اليوم تفرحينا بنجاحك كوني ايجابية فقط

=========


مشكووووور على الموضوع

الحمد لله انتهيت من عقدة الباك من عام الاول بدون مشاكل

صح فيه ناس يخلعوك راك متجيبش الباك راك متديرش ..... الخ

الى قلبو ضعيف يمرض ويخلع من هذي نعرف بزاف الناس لصراتلهم هذي التهلويسة

واشكرك على الموضوع صح فطوركم


ان شاء الله او شكرا على الرد وعيد سعيد

بارك الله فيك ومبروك عليك النجاح وعلنا الله نحن ايضا من الناجحين

;; ;والله يا اختي صدقتي في كلامك فالاشاتدة هما لي يخوفونا من اباك و الوالدين تاني بصح الله غالب واش ديري
نزيدك حاجة مازال ما نبدو حتى القراية الاساتدة راهم في اضراب
الله غالب
لي فيها الخبر الله يجيبها
و الله يا انت ياjesse راك جبتها ما زال انا هدا العام انشاء الله يا ربي

أنا جديدة في المنتدى وانا من المغرب وعندي باك هاد العام الله ينجحني وينجح الجميع

السلا م عليكم
شكرا على هذه النصائح

مشكور ة اخت الكريمة على الموضوع
انشاء الله نحاول قدر الامكان باش نجيب الباك
ربي يوفق جميع الممتحنين

شكرا يا faress و يا عمور جمال، هدى من المغرب ، وردة، و هدى dz على مروركم على موضوعي
أتمنى لكم النجاح والتفوق في الشهادة انشاء الله


الطالبة غربي ثانوية الشهيد حميدي عيسى **--سلمان --**أرجو ا
الدعاءلي ولجميع الطلبة المقبلين على شهادة البكالوريا **ووفق الأساتذة فيما يقدمون **
قسم :3اف 2 يسلمون عليكم