عنوان الموضوع : الى تقوى الايمان لتحضير البكالوريا
مقدم من طرف منتديات العندليب

السلام عليك ختي صحا رمضانك وكل عام ونتي بخير
سمعت بلي وجهوك لبوزريعه مدرسه عليا
قوليلي وش التخصص ؟ وش هي ولايتك؟
حابه نتعرفك عليك كتر بلاك نتلاقا بيك ان شاء الله
انا من شلف ووجوني تماك تخصص فلسفة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وين راكي ختي

=========


>>>> الرد الثاني :

السلام عليكي اختي شيما صح فطورك حنونة انا من ولاية تيبازة سمحيلي ماكنتش في الدار هاد اليامات ...... المهم هادا العام ان شاء الله ندرس السنة التانية تخصص انجليزية في المدرسة العليا بوزريعة ان شاء الله نتلاقاو لانو نقراوفي جهة واحدة
راني متشرفة بمعريفتك يا الغالية
موفقة ان شاااااااااااااااء الله
*************************

=========


>>>> الرد الثالث :

المشاركة الأصلية كتبت بواسطة **تقوى الايمان**
السلام عليكي اختي شيما صح فطورك حنونة انا من ولاية تيبازة سمحيلي ماكنتش في الدار هاد اليامات ...... المهم هادا العام ان شاء الله ندرس السنة التانية تخصص انجليزية في المدرسة العليا بوزريعة ان شاء الله نتلاقاو لانو نقراوفي جهة واحدة
راني متشرفة بمعريفتك يا الغالية
موفقة ان شاااااااااااااااء الله
*************************

وعليك السلام اختي تقوى
الله يسلمك حنونه
متشرفه بيك والله والنعم

ان شاء الله نتلاقاو

انجليزية مليحه تماك ؟؟ وشرايمك فالفسفة
وقوليلي وين الاقامة ؟؟

=========


>>>> الرد الرابع :

ماعندكش اي وسيله اتصال بغيت نسقسيك على صوالح بزااف اريد تواصل بيني وبينك

=========


>>>> الرد الخامس :

سلام اختي شيما عندي واحدة حبيبتي تقرا فلسفة نظن انها مليحة في هاد المدرسة و لاحظت انو اساتدة لي يقرو هدا التخصص متفاهمين مع الطلبة ويمدو النقاط مليح و تقدري تجيبي عامك ان شاء الله

=========


ااااااه نسيت الاقامة كاين تماك داخل المدرسة
او ولاد فايت 1 او 2 او 3
وكاين تانيت دالي براهيم



وين راكي يا الاخت شيماء

المشاركة الأصلية كتبت بواسطة **تقوى الايمان**
ااااااه نسيت الاقامة كاين تماك داخل المدرسة
او ولاد فايت 1 او 2 او 3
وكاين تانيت دالي براهيم

صحا ختي ونتي وين الاقامة نتاعك
معليش تسقسيلي صحبتك وش يقراو فالفلسفة
جاوبيني

قوليلي الاقامة مليحه ثماك

سلام عليكي
ان شاء الله كي نتلاقاها راني نرجعلك الخبر
انا ما نقيمش بويسك نروح ونعاود نولي
وفيما يخص الاقامة حبباتي قالولي مليحة والله اعلم
موفقة ان شاء الله
******صح صيامك وفطورك*****

واش راكي في اقامة اولاد فايت2
ارجوووووووووووووك جاوبيني وشحال من وحدة في الشومبر

صح عيدكم كاااامل وكل عام وأنتم بخير

حابة نسقسيك أختي " تقوى الايمان" اذا مافييهاش احراج

و قولي لي شحال جبتي معدل مادة الانجيلزية؟ و شحال المعدل العام؟

راني نستناك بلييز جاوبيني

سلام الاخت زهرة عيدك مبروك وكل عام ونتي بخير
ديت الباك 14.05 ونقرا انجليزية مي 4 سنين وكانو يقبلو فيها 13.60
موفقة بادن الله

المشاركة الأصلية كتبت بواسطة **تقوى الايمان**
سلام الاخت زهرة عيدك مبروك وكل عام ونتي بخير
ديت الباك 14.05 ونقرا انجليزية مي 4 سنين وكانو يقبلو فيها 13.60
موفقة بادن الله

الله يبارك رب يهنيك و يوفقك ان شاء الله