عنوان الموضوع : لماذا الشعب الادبية أو اللغات معدلاتهم ليست مرتفعة ؟ تحضير بكالوريا
مقدم من طرف منتديات العندليب

السلام عليكم و رحمة الله و بركاته

في حياتي كلها لم أسمع بشخص أدبي أو لغآت أجنبية تحصل على معدل 17 أو أكثر ؟؟
لمآذا ؟؟؟

فهل تعرفون من تحصل على هذا المعدل ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لوووول
ربما أن الشعبة شعبة فهم و ليست شعبة حفظ

=========


>>>> الرد الثاني :

باينة اللغات ليس مثل العلوم ةالفيزياء والريضيات هادي المواد تكتب قانون عندك العلامة فيها
ماش كيما اللغات كل واحد وكيغاه يفهم وكل واحد عندو جواب
الرياضيات مثلا عندنا جواب واحد كامل نكونوا متاكدين منو

=========


>>>> الرد الثالث :

ايه صح عندك الحق اللغات مواد فهم وليس فيها القوانين متل الرياضيات والفزياء و هدا هو السبب

=========


>>>> الرد الرابع :

السبب هو الحقرة ميمدوناش نقاط كلاح انا خدمت كلش صحيح في الانجليزية وتاكدت من اجاباتي مع اكثر من استاد واجوبتي مطابقة للتصحيح الوزاري وعلامتي كانت 15.5والمواد الاخرى كذلك توقعت اكثر لاتحصل على نصف مل توقعت صدقوني ملعوبة خلف الكواليس ميحبوش حاجة اسمها لغات او اداب يموتو في العلوم بالرغم انو كل العلميين في الجامعة تلقاهم يقراو حوايج ادبيين مثلا الفرمسية او الانجليزية او الادب العربي ياخي بلاد هذا رجع سيرك عمار فاقو با بن بوزيد وجماعة التعليم من اشط للشط

=========


>>>> الرد الخامس :

اييييييييه صح كاينة منها بلادنا تهتم بالمواد العلمية بزااااااااف
كي نجيو نشوفوا نلقاو اغلب العلمييييييييييييين يكملوا قرايتهم في الجامعااااااااات بمواد ادبية
انا وحا من الناس قريتتتتتت لغاتتتتتتتت وصلت للمدرسة العليا اني نقرا فرنسية ومعايا صديقاتي قراو في التانوية علمي وراهم معايا يقراو فرنسي

=========


اييييييييه صح كاينة منها بلادنا تهتم بالمواد العلمية بزااااااااف
كي نجيو نشوفوا نلقاو اغلب العلمييييييييييييين يكملوا قرايتهم في الجامعااااااااات بمواد ادبية
انا وحا من الناس قريتتتتتت لغاتتتتتتتت وصلت للمدرسة العليا اني نقرا فرنسية ومعايا صديقاتي قراو في التانوية علمي وراهم معايا يقراو فرنسي


حتى انا ندمت ليتني عاودت الباك علمية..البارح جاءني قريبي من الجامعة وقال لي انهم دخلو غير صحاب 15معدل والاماكن خلاصت ...واظن لانهم سجلوا العلميين ولكن هاذي حقرة وغير منطقي ...سبحان الله مواضيع الإمتحانات في المواد الأدبية نتاعنا ليست نفس المستوى بالنسبة للعلميين ..مافهمتش يحذفو الادبيين من الثانوية ويهنيو الناس

wach hwa akbar mou3adal nta3 les langues
???????????

في ولايتنا 15 وماسمعتش بواحد جاب كتلر على هاد المعدل

والله اعلم

الشعب الأدبية ماشي كما العلوم على خاطر كل واحد و فهامتو والتحليل تاعو مي العلميين عندك 1+1=2 ماكانش واحد يخالفك فيها

لا تياسو لا تياسو >> قطعو حوايجكم برك >> انا جبت الباك 14.11 معطاونيش مدرسة عليا الله لا تربح بن بوزيد والله لا تربح حروابية ونعلبوها بلاد >> يتمسخرو بينا >>> بفففففففففففففففففففف لعبة حنا نلبعو في الغميضة واقيل بففف

من قال ان الشعب الادبية لا يوجد فيها متفوقين!
انا متحصلة على باك 2012 شعبة لغات اجنبية بمعدل 16,72 و الحمد لله.و لقد التقيت بالعديد من الناجحين الادبيين تحصلوا على 15 و 16

المشاركة الأصلية كتبت بواسطة mouh-18
الشعب الأدبية ماشي كما العلوم على خاطر كل واحد و فهامتو والتحليل تاعو مي العلميين عندك 1+1=2 ماكانش واحد يخالفك فيها

ليتها كانت بتلك البسآآآطة!!!

الرياضيات و الفيزياء و العلوم ما جاتش انك تحفظ قانون ولا زوج و خلاص هذيك هي راك ضامن 20/20

أولا: ما تجي تفهم الدرس راسك يحبس
ثانيا: لابغا تفهم الدرس b1 لازم تحل مليون تمرين في تمرين و يا ربي ... وكل تمرين فيه فكرة جديدة و فيها التخمام بزاف
ثالثا: العلوم صعيبة على خاطر لازم تعرف تستغل الوثائق مليح sinon نتا تجاوب على حاجة و التمرين يهدر على حاجة خلاف alors كل واحد على حساب فهامتو كيما قلت .. كل واحد واش يقدر يشوف فالوثيقة

++++++

المواد تاع العلميين أكثر على تاعكم ولا؟ يسمى الوقت تاعهم تاع المراجعة ضيق اكثر

so

اللي يشوف بلي اللغات مواد فهم على عكس الرياضيات و الفيزياء اللي فيها غير القوانين

!!BIG QUESTION MARK

Anyways

كل واحد واش يشوف و كل واحد واش يخرج عليه

ربي يوفقنا كامل ان شاء الله

ياو انا كرهت هاد اللغات حكمت قط مع الالمانية يا ريت درت علوم او موان كي ندير طريقة يمدولي عليها شوي فاللغات ماكاش منها تغلط فكلمة يروح المعنى اكل