عنوان الموضوع : منتديات العندليب منتدايا العزيز للثالثة ثانوي
مقدم من طرف منتديات العندليب

سلام خاوتي الحمدلله أنا شعبة لغات أجنبية جبت الباك ب 11.20 وكل هدا بفضل الله و منتديات العندليب اللي استفدت منو بزاف ومازال نزيد نستفاد انشالله و راني حاب ندير صحافة لكن قبل كل شيء عندي خيارين راني متردد بينهم الثاني هي لغة إنجليزية و لهدا خممت قلت ندخل الجامعة و نقرا عادي و نعاود الباك كمترشح حر هكدا نقدر إنشالله بعد ما نكمل الدراسة نقرا اللغة الإنجليزية، واش رايكم خاوتي و لي عندو تجربة يفيدني يبها و ينصحني و مبروك لكامل لي جابو بكالوريا 2015 و لعقوبا لي ماجابوش نشالله يجيبوه بمعدل شباب ينسيهم فالعام اللي ضاع



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اولا مبرووووووووووووك علييك لعقوبة للنجاحات الكبرى ان شاء الله
انا مانجحتش هاد عامي الاول مي لمورال زيروو باسكو خدمت وكنت حابة ندير صحافة كيفك .المهم.ننصحك دير التخصص لي انت حابو بزاف وماتسقسيش على الناس صح شاور وشوف آرائهم مي في التالي نتا لي راك تقرا باش من بعد ماتندمش ..اما ع تخصص انجليزية راهو في يدك تقدر تسجل حر وتقراه من بعد
وبالتوفييق داائما

=========


>>>> الرد الثاني :

يعطيك الصحة الجواب اللي كنت نحوس عليه ، معليش كي ماجبتيهش هاد المرة ربي شاف الخير فيها العام الجاي قادرا تديه بمعدل ممتاز انشالله المورال برك اللي لازم يكون طالع أختي عاوداتو تاني مرة و جابتو ب 13.89 و المرة الأولى 9.96 المهم الإرادة و المثابرة وانشالله نفرحولك العام الجاي

=========


>>>> الرد الثالث :

الله يباارك علي وخيتك ماشاء الله فرق كبيير وان شاء الله نكون كيفها وعندك لحق لمورال لازم يبقى طالع
ومن درك مبرووك عليك الصحاافة والله تخصص هايل ومميز وسيرتو اذا لقيت خدمة بعد التخرج مباشرة ..انا ان شاء الله نديرها ...كنت نحسب روحي جايبة لباك وطبعا كنت نسقسي عليها مي قعدو يقولولي ماشي مليحة ومافيهاش خدمة سيرتو للمراة مي كنت معوله نديرها باسكو الانسان يعيش حياة واحدة واذا مادارش لي يحلم بيها تولي حياته مملة
بالتوفييق ان شاء الله اخي وكي تتوفق في تخصصك نستفيد منك اذا ربي كتب


=========


>>>> الرد الرابع :

عبالكم والله طلعتولي المورال انا تان من صغري ونا نحلم نكون صحاافي مي كامل قالول اخطييك ودير استااد انا جبت المعدل 12.19 وطاوني اختيارات مي حااب صححافة ورب يوفقك خويا وليد مالا نتلاقاو فلافاك تاع بن عكنون ان شاء الله لوول

=========


>>>> الرد الخامس :

مبرووك علييك خويا حمزة بالتوفييق ان شاء الله
درك راهم 2 صحفيين هنا بعد عامين ان شاء الله نولي الثالثه ههههه ياك نقراو قبل علوم انسانية بعدها نتفرعو ؟؟
ان شاء الله ربي يحققلنا لي في بالنا باسكو مكاش حاجة تفرح قد انو الانسان ينجح لنفسه

=========


اه واش هي الشعب لي قريتوها ؟؟


المشاركة الأصلية كتبت بواسطة sarah.be
الله يباارك علي وخيتك ماشاء الله فرق كبيير وان شاء الله نكون كيفها وعندك لحق لمورال لازم يبقى طالع
ومن درك مبرووك عليك الصحاافة والله تخصص هايل ومميز وسيرتو اذا لقيت خدمة بعد التخرج مباشرة ..انا ان شاء الله نديرها ...كنت نحسب روحي جايبة لباك وطبعا كنت نسقسي عليها مي قعدو يقولولي ماشي مليحة ومافيهاش خدمة سيرتو للمراة مي كنت معوله نديرها باسكو الانسان يعيش حياة واحدة واذا مادارش لي يحلم بيها تولي حياته مملة
بالتوفييق ان شاء الله اخي وكي تتوفق في تخصصك نستفيد منك اذا ربي كتب

انشالله أختي أنا تاني قالولي ماشي مليحا بصاح انا حبيتها صاحب خويا دارها و راه يقدم فقناة النهار و يخلص مليح و يبعتوه رحلات شكون بحالو نشالله نتوفقو و نولو كيفو

المشاركة الأصلية كتبت بواسطة sarah.be
اه واش هي الشعب لي قريتوها ؟؟

أنا شعبة لغات (لغة ألمانية)

المشاركة الأصلية كتبت بواسطة hamza touazi
عبالكم والله طلعتولي المورال انا تان من صغري ونا نحلم نكون صحاافي مي كامل قالول اخطييك ودير استااد انا جبت المعدل 12.19 وطاوني اختيارات مي حااب صححافة ورب يوفقك خويا وليد مالا نتلاقاو فلافاك تاع بن عكنون ان شاء الله لوول

انشالله خويا حمزة مالا نتا من العاصمة نتلاقاو نشالله و ندرسو كيف كيف تاني و ربي يوفقنا نشالله

المشاركة الأصلية كتبت بواسطة sarah.be
مبرووك علييك خويا حمزة بالتوفييق ان شاء الله
درك راهم 2 صحفيين هنا بعد عامين ان شاء الله نولي الثالثه ههههه ياك نقراو قبل علوم انسانية بعدها نتفرعو ؟؟
ان شاء الله ربي يحققلنا لي في بالنا باسكو مكاش حاجة تفرح قد انو الانسان ينجح لنفسه

انشالله أختي صاره لكن هادي تاع لي نقراو علو إنسانية بعدها متفرعو ماعلاباليش بيها درك سمعتها برك

السلام عليكم
صحا رمضاانكم
..ايه خويا وليد في بروميار نقراو علوم انسانية بعدها كل وين يتفرع كاين فيها تاريخ وكاين فيها صحافة وكاين فيها علم مكتبات وغييرهم
مام علم مكتبات قالولي ملييح يعني كيما تلقاش روح كي تتخرج قادر تخدم في المكتبات العمومية نتاع الدوله
وزيدو سقسو وشوفو وان شاء الله مايكون غير لخيير
اه مام انا نقرا لغات وتاني المانييه

انا حبيت نجوز لغات،ولكن عمري لا قريت المانية،هل هي سهلة في الامتحان؟

بالنسبة لصحافة،هو تخصص جيد ،وفيه فروع عديدة،المشكل في الانجليزية في بوزريعة،و لذلك متقدرش تجوز عام جاي و تدير انجليزية ،راح يصرالك تداخل،نفرضو انتقلت راك في سنة ثانية صحافة متقدرش تقرا انجليزية سنة اولى

المشاركة الأصلية كتبت بواسطة sarah.be
السلام عليكم
صحا رمضاانكم
..ايه خويا وليد في بروميار نقراو علوم انسانية بعدها كل وين يتفرع كاين فيها تاريخ وكاين فيها صحافة وكاين فيها علم مكتبات وغييرهم
مام علم مكتبات قالولي ملييح يعني كيما تلقاش روح كي تتخرج قادر تخدم في المكتبات العمومية نتاع الدوله
وزيدو سقسو وشوفو وان شاء الله مايكون غير لخيير
اه مام انا نقرا لغات وتاني المانييه

انشالله أختي أنا قررت ندير صحافة و انشالله فيها خير

المشاركة الأصلية كتبت بواسطة موح الحراشي
انا حبيت نجوز لغات،ولكن عمري لا قريت المانية،هل هي سهلة في الامتحان؟

بالنسبة لصحافة،هو تخصص جيد ،وفيه فروع عديدة،المشكل في الانجليزية في بوزريعة،و لذلك متقدرش تجوز عام جاي و تدير انجليزية ،راح يصرالك تداخل،نفرضو انتقلت راك في سنة ثانية صحافة متقدرش تقرا انجليزية سنة اولى

ماكاش مشكل أختي ديري دروس خصوصية يعاونوك بزاف ، وبالنسبة لثاني باك لالا ماراحش نقرا في نفس الوقت إيدا جبت نشالله هاد الثاني باك نقدر نبلوكيه بعد مانكمل دراستي و نتخرج نقدر نعاود نحلو و نقرا بيه فالجامعة