عنوان الموضوع : ونتهت البكلوريا باك ادبي
مقدم من طرف منتديات العندليب

السلام عليكم جميعا
نتمنى تكون الاجتماعيات طلعتلكم شوي المورال انا لحد الان مزلت مصتدمت من سوجي تاع الفلسفة طيحو دموع رجالة ونساء انا مي لي حطولي سوجي وانا نبكي انبلوس ديسا معاودة الباك وهادي لحرقتلي قلبي مصبت كيفاش نبدى وكيلهم ربي وهدا لي دار الاسئلة مكار ومعندوش القلب وعلى جالو راح ضحيةها واحد مسكين شاف سوجي حبس قلبو ومات سون بلاص ماشي دكا مسكينا يماه يتحرق قلبها وهاد شي اكل علاش غير على جال الفلسفة الله يلعنها ويلعن الوزير وللاساتدة ولي دارو الاسئلة اكل حسبنا الله ونعم الوكيل نتمنى برك ميحرقوناش في تصحيح واصلا حنايا الادبيين هكدا تجور محقورين وهدا العام اكدولنا هدا شي ودمرونا وحطمو طمحاتنا حسبنا الله ونعم الوكيل وكيلهم ربي ويزيدو يقولو 70بالمئة نسبة النجاح انا نضنها نسبة رسوب بعد مدمرونا هدا مكان دكا الباك تخلاص استناو نتيجة دكا وان شاء الله ميكون غير الخير مع ربي سبحانو


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا جماعة والله غير الله يهدينا و يهديكم الاسئلة كانت عادية جدا وبورتون الرياضيات والله مادرت حاجة لانو انا ماقريتهاش و الفلسفة ثاني نورمال وميش للدرجة هاذي واش طامعين يديرولنا 1+1 كم تساوي
انا اصلا العادة والارادة والله جامي قريتها ولا سمعت بيها مي كاينة فالبرنامج وكي تجي نتقبلها نوورمال و في الاخييير ان شاء الله ربي يجيب الخير وخلااااص

=========


>>>> الرد الثاني :

ضرك خلاص صرا لي صرا كاين وين خدمنا و كاين وين حصلنا و الباقي على ربي ان شاء الله يوفقنا

=========


>>>> الرد الثالث :

والله غير عندك الحق سهيلة راااك تشوفي وش دارو فيناااااااا خلااااص راح البااك

=========


>>>> الرد الرابع :

المشاركة الأصلية كتبت بواسطة ttsounami07
والله غير عندك الحق سهيلة راااك تشوفي وش دارو فيناااااااا خلااااص راح البااك

ايه يا خو راح الباك وكيلم ربي

=========


>>>> الرد الخامس :

معليش لي فات فات درك نشوف قدام

=========


آنآ عندي 6 سنين مبكيتش
جآت ورقة فيهآ تقريبآ 25 سنتم طيحتلي الدمعة ...


ايه و الله انا ماشي غير بكيت و الله غير جامي نضريت كيما هداك اليوم و راه يزيدو يديرو اللوم في التلميذ و الله غير كرهنا من هد البلاد غير لي يجي يدير حاجة من عندة الاساتذة يزيدولهم في الشهرية تحسب طبيب ماشي استاذ و حنا لي نظلو نجرو و من سيتمبر و حنا نسناو في هدا اليوم يجو يديرونا العادة و الارادة لي كانت في 2011 و لي مستحيل باش جي و لكن ساردد كلمة حسبي الله و نعم و الوكيل كامل التعب و الشقاء كانت نتيجته الصفر

rabi yenjhkoum

اهلا سهيلة وش راكي ان شاء الله تكوني خدمت
ربي ينجحك خيتي

اهلا منى وشراكي والله غير راني مدمرة وان شاء الله ميكون غير الخير

هذي مكتبة من عند ربي سبحانو

انا و الله ما خدمت من نهــآآآر الثلاثاء انا نبكي لحد اليوم

هدي سياسة التعليم مارهمش حابين الشعب الادبية ف الجامعات وش حنديرولهم وكليهم ربي pàààs plùùùùùùùùùùùùs


سلام سهيلة ربي معاك ان شاء الله
ربي ينجحك
وش راهي انفال سلمي عليها

انا ف الفلسفة درت المقدمة تاع استقصاء نظن اني ندرتها صحيحة و ف التحليل درت الموقف 1 قلت بلي البرغماتيون راهم يقولوا بلي الحقيقة نسبية
من بعد درت النقد لقد بالغ انصاؤ هذا الموقف في قولهم بان الحقيقة نسبية
و من بعد درت موقف 2 الحقيقة مطلقة و زدت نقدتهم قلت بلي نسبية و درت الراي الشخصي و الخاتمة راني قلت بلي نستنتج بأن الاطروحة صحيحة

يعطونا 4 درتها جدلية مع استقصــآآآآآآآآء


المشاركة الأصلية كتبت بواسطة منى 92
سلام سهيلة ربي معاك ان شاء الله
ربي ينجحك
وش راهي انفال سلمي عليها

ان شاء الله يا منى ان شاء الله انفال مسكينة تاني راهي مدمرة من الفلسفة