عنوان الموضوع : استفسار عن المدرسة العليا للأساتذة ارجوكم ساعدوني اعلان توظيف
مقدم من طرف منتديات العندليب

أريد أن أعرف ما طبيعة الأسئلة في الامتحان الشفوي للمدرسة العليا للاساتذة تعليم ثانوي في المواد الانجليزية والاعلام الالي والتاريخ والجغرافيا أرجو من كل من لديه خلفية عن الموضوع أ يفيدني راني محتاجة بزاااف للاجابة السريعة وجزاكم الله عني ألف خير:


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أسئلة بسيطة مثل:
لماذا تريد أن تصبح أستاذ ؟ و بعض الأسئلة الهدف منها اختبار نظرك , سمعك , نطقك , خطك و استعدادك لأن تصبح أستاذا

=========


>>>> الرد الثاني :

المشاركة الأصلية كتبت بواسطة ency5group
أسئلة بسيطة مثل:
لماذا تريد أن تصبح أستاذ ؟ و بعض الأسئلة الهدف منها اختبار نظرك , سمعك , نطقك , خطك و استعدادك لأن تصبح أستاذا

هذا مكان اخي يعني ماكانش اختبار كتابي مثلا في علوم الدقيقة او الاعلام الالي او العلوم ؟؟؟؟؟؟؟؟

=========


>>>> الرد الثالث :

ما يمدلكش تحل تمرين او تدرس دالة او شيء من هذا القبيل

وهل كل المدارس العليا تدير نفس الشي او تختلف صعوبة الاختبار بين الجزائر وقسنطينة والاغواط ؟؟؟؟؟

=========


>>>> الرد الرابع :

بارك الله فيك خويا بصح انا سمعت قالولي يسألوا حتى على المادة ومعلومات عامة عليها ويعني واحد كي يجاوب يقبلوه ولا حتى هي فيها معارف

=========


>>>> الرد الخامس :

في الأول كامل يسقسوهم * وين تسكن ؟ علاش خيرتها ؟ تبغي التدريس ؟
باش يشوف النطق عندك - ماتقلقش عادي

و امبعد على حساب الشعبة لي خيرتها

مثلا : الاعلام الآلي = يسقسيك عندك ميكرو ؟ تخدم بيه ؟ شوية أسئلة على الميكرو ؟
المهم تجاوب حتى و تقوله مانيش عارف - وهدر معاه عادي قوله خصني نقرى باش نخدم و ندير مستقبل

نصيحة مني :
اذا عطاوهالك روح فوت المقابلة بكري مع الاوائل
كل عام لي يجو retard نصهم يخسروهم على حساب المقاعد لي يسحقوها

=========


أنا مديا الباك ب 12.92 و حابه نقرى فالمدرسة العليا للأساتذة بقسنطينة لغة انجليزية متوسط ولا ثانوي معمبليش يقبلوني و لا لا ... بليييييييز أعطوني أعلى معدل للأدبيين و معدلات القبول لكل فرع ( العربية .. التاريخ و جغرافيا ... الفلسفة و لا معلم مدرسة ابتدائية لغة عربية) ....بلييييييييييييييز فيدوني بسرعة


الأسئلة الشفوية هي مجرد اختبار و لو بسيط لقدرات الطالب الفكرية و الذهنية و نسبة النجاح فيها كبيرة جدا ... أما بالنسبة لمعدلات القبول فهي مرتفعة نوعا ما حيث وصلت العام الماضي الى حولي 14.30 كمعدل ادنى للقبول ... و للمزيد من الاستفسارات نحن هنا لتوضيح الصورة اكثر