عنوان الموضوع : الله يخليكم اللي يعرف يجاوبني اعلان توظيف
مقدم من طرف منتديات العندليب

السلام عليكم خاوتي راني حاصل كاش ما تعاونوني
عندي بكلوريا 2016 و الحمد لله جبت 13.41 قريت العام اللي فات بيطرة في البليدة و ما عجبتنيش بيطرة باغي ندير تحويل نقرا في الاغواط علوم تكنلوجيا او مدرسة العليا للاساتذة . المهم وش هو خطوات التحويل و يا حبذا بالتفسير الممل يرحم والديكم و متى فترة الانتقالات و ماهي حظوظي في الدخول الى المدرسة العليا للاستذة -انجليزية تعليم ثانوي
و السلام عليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مدرسة العليا للاساتذة يلزم باك جديد

=========


>>>> الرد الثاني :

لاه معجباتكش بيطرة ؟؟؟؟؟؟ ممكن السبب

=========


>>>> الرد الثالث :

أنا ثاني عندي نفس الإستفسار إجراء تحويل بباك العام اللي فات

=========


>>>> الرد الرابع :

المشاركة الأصلية كتبت بواسطة Kentauros
لاه معجباتكش بيطرة ؟؟؟؟؟؟ ممكن السبب

lما نحبهاش + حفاظة + فرنسية

=========


>>>> الرد الخامس :

بامكانك اختيار علوم التمريض لكن تبقى نفس المشاكل حفاظة وفرنسية فاي جامعة يلزمك فيها الفرنسية

لاي استفسارات تخص التخصصات : https://www.dzbac.com/forum/showthread.php?tid=2927

=========


مدرسة عليا يلزم باك جديد

+ عند الانتقال يحسبو بمعدلات القبول للعام لي ديت فيه الباك

+ الأولوية للجدد في التسجيل


خويا الترونسفار ف سبتمبر
تروح للجامعة نتاعك يمدولك استمارة التحويل تعمرها +كشف النقاط مصادق عليه و فوتوكوبي على شهادة التسجيل مصادق عليها
هكدا انا طلبو مني العام الماضي
ممكن يطلبو منك حاجة اخرى
على حسب الجامعة
و من بعد تستنى لاكتوبر المهم لازم دايما تروح تشوف ادا قبلوك او لا
ادا المعدل نتاعك مايكفيش ادا عندك معريفة جرب


المدرسة العليا لازم باك جديد

salam
malheureusement je pense pas que l'école superieure est disponible pour toi
et pour le ssciences vétérinaires je pense que c'est bien par ce que toutes les branches scientifiques sont en français
que dieu t'aide

بالتوفيق لكن حسب ما قالولي التحويل صعب شويا

بارك الله فيكم خاوتي على الردود اما بخصوص بارميديكال فأنا هارب من كل شيء يتعلق بالطب ما نحبوش غير مكن اكمل فيه
ادعولي ربي يسهل لي