عنوان الموضوع : تسجيلات مجنونة "ادخل لتسمع قصتي" مسابقة توظيف
مقدم من طرف منتديات العندليب

السلام عليكم و رحمة الله تعالى و بركاته
صح فطوركم
انا بسجلت في بجاية رياضيات تطبيقية , المهم كي رحت نهار الخميس نسجل مشيت من المدينة ديالنا على الخامسة صباحا ووصلت على الثامنة و نصف
دخلنا على بركة الله للجامعة و امبعد المهم قالونا روحو سلكو ديال عشرين ألف في لومفي15 او 16,انا رحت لل16 و كي جاو المشرفين على التسجيلات قالونا ألي يسكن بعيد يمدلنا لاكارت ديالو و شهادة التوجيه و كي نعيطولو يمدلنا 20 ألف فرحت انا و عطيتلهم لاكارت و شهادة التوجيه,و امبعد تخلطت الدعوة لتما و خرجو علينا المشرفين ماسجلت ماوالو ضربتها6 ساعات و انا ندور و نحوس على لاكارت ديالي و المشرف ألي نتلاقاه و نقلو راني عطيتكم لاكارت و ضيعتوهالي يبعثني ل اومفي و يقلي استنى فيه زدت ضربتها وحد الساعتين و انا على هذيك الحالة لا سجلت و زيد عليها ضيعت بطاقة التعريف الوطنية,مي الحمد لله عندي 6فوتوكوبي ليقاليزي و كي ولات ال 4 مساءا روحت للدار بويسك ماكنتش هاز معايا دراهم باه نكري في الفندق
صدقوني راني كاره حياتي من التسجيلات هادم و المشكل الكبير انو في الدوسي قالونا هاتو ملف الحالة المدنية و انا مين راح نجيبو لكان البلدية تحل نهار الاحد يعني انا لازم نروح نهار الاثنين و راني خايف كن نروح اليوم الاخير مانسجلش نهائيا
مي انا قررت نروح غدوة على الربعة انتاع الصباح و ماندي ملف الحالة المدنية ماوالو و لا وش رايكم
والله الحال بعيد 300 كيلو كاملة
والله عييت



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

موقف لا تحسد عليه
الله يعينك لكن لو تنتظر حتى تفتح البلدية أفضل باش متشقاش

=========


>>>> الرد الثاني :

المشاركة الأصلية كتبت بواسطة floona
موقف لا تحسد عليه
الله يعينك لكن لو تنتظر حتى تفتح البلدية أفضل باش متشقاش

يعني كن مانديش فيش انديفيديال مايقبلوش الدوسي؟؟؟
لا اله الا الله محمد رسو الله

=========


>>>> الرد الثالث :

يا اخي انا ما طلبوليش تاع الحالة المدنية هادي ههههههه

=========


>>>> الرد الرابع :

قصدي باش ماتشقاش والعبد صايم
أنا مطلبوش علي هاذي الورقة سجلت عادي

=========


>>>> الرد الخامس :

لا ما يطلبوهالكش أ خاي
غيل ما تخممش

=========


نسيت قولي مدولك لكارت ولا راحت


والله عندي تاني البروبلام ديال لافيش هادي يا خويا و أنا من بجاية نسيت ما خرجتهاش علابيها ما سجلتش الخميس و الجمعة

Floona
شكرا على المرور
الأميرة ميمي
والله كنت نسنى في هذي الكلمة برك باه نروح و انا قلبي مطمن مع انها مطلوبة ضمن الملف مي والله نروج غدوة بلا بيها و كن مايقبلوش نوكلهم الملف و هوما صايمين

Floona
لاكارت ذهبت مع الرياح
الله لا تربحهم يارب

تائبة الى ربها
مافهمتش من دون جامعات الجزائر كاملة بجاية برك ألي نفحتلها على هذا الملف

مكانش منها بصح عيب عليهم زيد غدوة حوس إن شاء الله تلقاها

ههه و الله ما عرفت يا خويا بصح ماشي غير بجاية لوكان تحوس فالمنتدى تلقى اللي قالو بلي كاينة, أنا علابالي بيها بصح نسيت نخرجما هاذ La fiche individuelle d'état civilمن بعد اتصلت بوحدة سجلت خلاص سقسيتها اذا كان عطاتها لهم و قالت لي ايه من بعد اتصلت بيا وحدة أخرى و قالت لي بلي ما نحتاجوهاش ماراهيش Obligatoire علا بيها أنا غدوة نروح باش نشوف ولا نعود نهار الاحد اذا كانت ضرورية كي نخرجها

rabi ykoun m3ak
w allah yahdihom hadou lmochrifin 3arfin ness sayma w jayin men b3id 3lah maysahlouch l ijra2at wyatghadou 3la chi awra9 w f dakhla tkamlouhom
ta9dar tab3ath wahad ghirak????????????

غريب...ماقدرت نسمع والو....