عنوان الموضوع : أيهما أفضل : أستاذ ثانوي / ظابط في الجيش ؟؟ اعلانات التوظيف
مقدم من طرف منتديات العندليب

بسم الله و الصلاة و السلام على رسول الله
السلام عليكم و رحمة الله تعالى و بركاته

نجحت في بكالوريا سابقة 2016
و كنت في نفس الوضع الذى انا عليه الان
لا تكاد تفوتني لحظة - ما نخممش فيها -
أرهقت من هذاااا و الله لقد اتعبني كثيراََ

اخترت العام الماضي - مواصلة الدراسة -
ذهبت الى الجامعة فوجدت نفسي في حالة أسوء
من حالة العسكري داخل تلك - الاقامة الجامعية السيئة -
و السيئة جدا ...كرهت حياتي داخلها و كدت ان انحرف لولا ان
تخليت عنها و ركزت على البكالوريا ... ..
ميزيرية كحلة - و الاكثر ما اثار سخطي و كرهي لها
المنظمات -
التي تدعي و تتبنى دفاعها عن حقوق الطالب
و هي بحد ذاتها - عصابات - ايه و الله عصابات - تنهب و تسلب حق الطالب

قضيت العديد من- الايام السوداء - هناك
وقتي كله مضى في - لاشــان
-
في انظار الحافلة - الكوس - ..في انظار ان تقلع هذه الحافلة ......
.................................................. ........................
المهم هذا كله كان من الماضي القريب
أما اليوم
بعد ان اعدت البكالوريا احرار
تمكنت من الحصول على الرغبة 1
أستاذ تعليم ثانوي / علوم دقيقة
و في آن الوقت تلقيت اتصالات من مختلف المدارس
العسكرية بعد ان سجلت في مواقعها الالكترونية

هنا اختلفت على الاراء
و صعب علي إتخاذ القرار
ووجدت نفسي في صراع دائم مع الاختيار
و كأنني احرر في مقالات جدلية
فمرة ادافع عن هذا الاتجاه و انتقد ذلك و مرة العكس
والله انا محتار في امري ؟؟
...........................................
-



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخي و الله ستكون غلطة عمرك ان تكونت كاستاد و انت ترى اليوم التلميد يعاند في الاستاد و يتوعد في الاستاد ناهيك عن الاجر الزهيد مقارنة بالاسعار
الجيش افضل لك اخي و لي و لجميع الدكور انا لولا مشكل ضعف البصر عندي لسجلت دون نقاش لان الجيش هو مايضمن الحياة الشريفة و الاجرز الشهرية المتينة
و هو مايعطيك تكوين ممتاز لك ، أنضحك بالجيش الوطني الشعبي لكن احسن الاختيار

=========


>>>> الرد الثاني :

اذا انظممت الى الجيش فقد سلمت حريّــتك وقدمتــها على طبق من ذهب ...

سوف تصبح ملك ومتاع للدولة ودمية تحركها الدولة ذات اليمين والشمال ..وتعيش فقيد الحريــة

الوجه نتاع يمآآآك تشتاقوو

مجرد رأي فقط والله الموفق

=========


>>>> الرد الثالث :

السلام عليكم

استخر ربك واتبع ميولك فما خاب من استخار

واستفت قلبك ولو افتاك الناس

ودع ما يريبك إلى مالا يريبك

=========


>>>> الرد الرابع :

نت ميزرت فالاقامة وكرهت حياتك
ثمعلى الاقل دير واش حبتلك
العسكر راهي حياة كخلة ميزيرية اضربها في 1000 من الجامعة
ننصحك بالتعليم الثانوي وعملك فيها مضمون متراطيش فالفرصة واخطيك من الجيش
هدي نصيحة اخت لخوها

=========


>>>> الرد الخامس :

المشاركة الأصلية كتبت بواسطة مسيردى
اخي و الله ستكون غلطة عمرك ان تكونت كاستاد و انت ترى اليوم التلميد يعاند في الاستاد و يتوعد في الاستاد ناهيك عن الاجر الزهيد مقارنة بالاسعار
الجيش افضل لك اخي و لي و لجميع الدكور انا لولا مشكل ضعف البصر عندي لسجلت دون نقاش لان الجيش هو مايضمن الحياة الشريفة و الاجرز الشهرية المتينة
و هو مايعطيك تكوين ممتاز لك ، أنضحك بالجيش الوطني الشعبي لكن احسن الاختيار

واش من ضمان للحياة
بمجرد دخولك راحت حياتك لالعائلية
حتة الزواج وهوما لي يخيرولك الزوجة
حتى ولادك من بعد متقدرش تبقا باش تربيهم
حتى دار كي ناس متستقرش فيها
وخليك من التبديلات لي قادرين يوصلوك للمخاطر واش من ضمان هدا لي يخليني نبعد على ربي ةديني وحياتي العائلية
بلاكون تروحو للميزيري برجليكم

=========


منعرف للزوج ملاح و للزوج تقدر تضمن فيهم المستقبل ..اانا من وجهة نظري المدارس العسكرية أحسن و انت خمم و شوف
ربي يعين


راكي غالطة انا ولد خالة الوالد كولونيل كي حب يتزوج كان ظابط صف عادي تزوج من اختار هوما دارو بحث على والديها برك
و علاه يتسما التعليم الثانوي مليح راهي دراسة دارتها النقابات قالك 75/100 من الاساتدة يخرجوا بامراض مزمنة و خطيره بعد التقاعد
تفضي للموت ، ماننساوش الميزات الي تضمنها العسكر من حيث التسهيلات المادية و اولوية السكن و زيد و زيد
خلونا اختي من التفكير هدا لو كان لارمي ماشي مليح مايكونش قاع هدا التهافت عليه و مادام انتي اختي بنت علابالي نظرة السوداوية للعسكر الي عندكم
بصد ديري في بالك بلي هو يحب و لايكره يروح للعسكر يجوز الخدمة العسكرية
لدا خو ننصحك بالعسكر و راهو كاين منتدى هنا حول التوظيف في العسكر روح لتم و سقسي

انتم تظنزن انو الجيش واش تشوفو فالتلفزة
روحو سقسيو الضباط واش يقولوكم
العام لي فات واحد دخلت لتلع رويبة كان يقرا معانا
قالنا اول خطاب لقاوه علينا قالهم المسسول عليهم يماكم انساوها هنا ودلالها خليه في داركم ومتروحوش تشكيو لماليكم لانو معندهم مايديرولكم
قلارا عام ورجع لانو مقدرش سيستانم مزير بزاف

المشاركة الأصلية كتبت بواسطة مسيردى
راكي غالطة انا ولد خالة الوالد كولونيل كي حب يتزوج كان ظابط صف عادي تزوج من اختار هوما دارو بحث على والديها برك
و علاه يتسما التعليم الثانوي مليح راهي دراسة دارتها النقابات قالك 75/100 من الاساتدة يخرجوا بامراض مزمنة و خطيره بعد التقاعد
تفضي للموت ، ماننساوش الميزات الي تضمنها العسكر من حيث التسهيلات المادية و اولوية السكن و زيد و زيد
خلونا اختي من التفكير هدا لو كان لارمي ماشي مليح مايكونش قاع هدا التهافت عليه و مادام انتي اختي بنت علابالي نظرة السوداوية للعسكر الي عندكم
بصد ديري في بالك بلي هو يحب و لايكره يروح للعسكر يجوز الخدمة العسكرية
لدا خو ننصحك بالعسكر و راهو كاين منتدى هنا حول التوظيف في العسكر روح لتم و سقسي

يعطيك الصحة دارو عليها بحث تصور لزكان يحبها ومقبلوهالوش
ثما كاين يخير بينها وبين الخدمة وادا خيرها يفصل من العمل
وزيد بما انو يكلك شوف عقليتو كيفاش تبدلت
+
انتا صح طفلة مي معنديش نظرة سوداوية لانو علابالي واش هو الجيش ومراني نقول غير فالصح وادا نت حاب العسكر وعندك معريفة فيه متبعثش ولاد الناس لي لي تاكلين على ربي ومعندهمش معارف
+
نعبلوها تسهيلات قدام تقييد حياتي
+
التعليم واش بيهم راهي اكبر الرواتب عند الاساتة بلا الرابال ةالسكن الوظيفي
والمدارس العليا تسنيي كونطرة تاع عمل معاهم
+
معليش الخدمة العسكرية واجبة مهيش بزاف برابور 25 سنة لي يضيع فيها اجمل ايام حياتو

ويبقى هدا راي كل واحد فينا رانا كبارو نتحكلو مسوولية اختياراتنا

من نيتك اخي راك تستقسي

الجيش افضل بالتاكيد

و الاساتذة راهم قدامك و الظباط راهم قدامك

سقسي و شوف

المشاركة الأصلية كتبت بواسطة سطايفية بكل فخر
انتم تظنزن انو الجيش واش تشوفو فالتلفزة
روحو سقسيو الضباط واش يقولوكم
العام لي فات واحد دخلت لتلع رويبة كان يقرا معانا
قالنا اول خطاب لقاوه علينا قالهم المسسول عليهم يماكم انساوها هنا ودلالها خليه في داركم ومتروحوش تشكيو لماليكم لانو معندهم مايديرولكم
قلارا عام ورجع لانو مقدرش سيستانم مزير بزاف

يا اخت وش حبيتي يقولوا
راه جيش نتاع الصح ينسا دلالوا هدا رح يصير ضااابط مقااتل حبيتيه يكون ماما و papa

حب الام والعائلة في القلب واحدد ما يقدر ينيه

اخي انا انصحك بالمداارس العسكرية واي معلومات تريدها انا هنا بحكم انا حكيت مع وااحد من الاكاديمية نتاع شرشال

هههههه انا نبعث ولاد الناس الله يهديك
+
واش من السكن الوظيفي وواش من الر ابال راه من نيتك
لو كان جا التعليم مليح مايجوش قاع الاضرابات
المهم كيما قال الاخ
الظباط قدامك و الاساتدة قدامك و سقسي
انا الي كنت نقرا عندهم قالولي بلي حتى درنا التعليم و ندمنا
قطاع معمر بالمشاكل

انا سجلت في المدرسة تاع الرويبة وان شاء الله ننجح فيها

أخي الكريم أنا من رأى الشخصي ربي يسهلك في الجيش بسك السيففيل كامل رانا قرينا في الجامعة و شفناها و ماتخلعكش المدرسة العليا رانا نعرفو خرين كارهين حياتهم فيها و بالتوفيق