علوم التمريض...ساعدوني اعلان توظيف
عنوان الموضوع : علوم التمريض...ساعدوني اعلان توظيف
مقدم من طرف منتديات العندليب
[center][center][center]صحا رمضانكم
ان شاء الله تكونوا بخير
مبروك على كل واحد مدوله واش يحب
انا جبت 13.83 و علوم التمريض ب 13.84
هبلوني تاع الصح
عطاوني رغبة 11 مدولي علىوم المادة
درت طعن و مدولي هندسة معمارية بمستغانم
دورك بغيت نستفسر نقدر ندير طرونسفار لعلوم التمريض؟
و وينتا نديرو كي نروح نسجل ولا كيفاه؟
ربي يخليكم عاونوني خاوتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا في الانتظار
=========
>>>> الرد الثاني :
السلام عليك ورحمة الله وبركاته
والله تقريبا كلنا نعاني من نفس المشكل
اختي بالنسبة للطرونسفار فهو في سبتمبر
كل واحد يقدر يديرو لكن للمعدل دور كذلك
وفقك الله
=========
>>>> الرد الثالث :
صحا فطوركم خاوتي
بار الله فيك اخي الياس
وفقك الله
في انتظار آراء الاخوة
الله يخليكم جاوبوني على التساؤل تاعي
=========
>>>> الرد الرابع :
هه جزء فقط،، يمكنك التحويل بعد الدخول الجامعي
=========
>>>> الرد الخامس :
السلام عليكم ا
اليوم كنت في جامعة مستغانم قالولي تقدري تتحولي في سبتمبر دوك ما عليك غير تسجلي
اعطاوني علوم التمريض
=========
و عليكم السلام
بارك الله فيكم خاوتي _الياس و لكحل بلال_
ربي يفرحكم
اختي بغيت نتواصل معاك ان امكن
ابعثيلي ***** تاعك في رسالة خاصة يل تقدري ولا حطيه هنا
و ثاني بغيت نسقسيك انتي ماراكيش حابة تقراي علوم التمريض ؟
و يل اجابتك نعم واشي هو التخصص اللي راكي تحوسي عليه؟
انا ثاني من غليزان
متشرفة بمعرفتك اختي
تغيضك اللي جزء واحد يا خويا بلال
نعرفك ناس ملاح من خلال مشاركاتك
يادرا واش مدولك؟
ربي يوفقك خويا
تستاهل كل خير
تحياتي
المشاركة الأصلية كتبت بواسطة wafa1404 
السلام عليكم ا
اليوم كنت في جامعة مستغانم قالولي تقدري تتحولي في سبتمبر دوك ما عليك غير تسجلي
اعطاوني علوم التمريض
ماقدرتش نبعثلك فلخاص
اني نستنا ردك هنا اختي
راني نستنا ردك اختي وفاء
شعال جبتي المعدل؟
واش راكي باغية تقراي؟؟
هم يضحك وهم يبكي
على جزء صغييييييير يهبلوك ربي يسهل إن شاء الله
المشاركة الأصلية كتبت بواسطة bleu flower
هم يضحك وهم يبكي
على جزء صغييييييير يهبلوك ربي يسهل إن شاء الله
تبانلي غالبك رمضان اختي
صحا صيامك
و لو ممكن توضحيلي كلامك
مافهمتكش مليح
تحياتي ختيتو
قصدي على جال جزء صغير ضاع حلمك
وربي يسهلك لي فيه الخير
راني خربطت فالهدرة سامحيني بلاك غلبني رمضان
يا اختى والله العفسة تاعك نفسها تاعى انا تان خرجلى شوا 0 ودارولى علوم مادة بصح درت طعن وبغيت نقلبها علوم تمريض ليقتها مكانش مع انو معدلى 13.79 ياهلنى ندخل ليها فى بجاية لانها معدل القبول تم 13.57 بصح لى حيرنى كى درت طعن لاه محطوهاليش وفىالاخير خيرت هندسة معمارية وعمران بسطيف ومبغيتش نبدل الحمد لله على كل شىء ................صح رمضانكم
المشاركة الأصلية كتبت بواسطة bleu flower
قصدي على جال جزء صغير ضاع حلمك
وربي يسهلك لي فيه الخير
راني خربطت فالهدرة سامحيني بلاك غلبني رمضان
ماشي مشكل اختي
اسمحيلي انتي حنونة
بالاك انا مافهمتكش غاية برك
ربي يوفقك انتي ثاني
صحا رمضانك
رد مع اقتباس
