عنوان الموضوع : لكل من منحبت له المدرسة العليا بوزريعة اجيبكم عن استفساراتكم مسابقة توظيف
مقدم من طرف منتديات العندليب

السلام عليكم انا نقرا مدرسة عليا بوزريعة سنة تانية لكل استفساراتكم راني هنا وصح رمضانكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

t3ichi e7kilna 3la le concour ta3 l'oral mrc d'avance


=========


>>>> الرد الثاني :

صح فطورك ما هو تخصصك زايضا واش هي الشعبة اللي قريتيها في الليسي ومعدل البكالوريا

=========


>>>> الرد الثالث :

khti madabik t9olina 3la l concour
Rabi y7afdek

=========


>>>> الرد الرابع :

المشاركة الأصلية كتبت بواسطة marwa thouraya
صح فطورك ما هو تخصصك زايضا واش هي الشعبة اللي قريتيها في الليسي ومعدل البكالوريا

انا كنت لغات اجنبية وجبت 14.56 مدولي تاريخ وجغرافيا ليسي والحمد لله

=========


>>>> الرد الخامس :

المشاركة الأصلية كتبت بواسطة wiya miya
khti madabik t9olina 3la l concour
rabi y7afdek

بالنسبة للكونكور كاين لكل من فرنسية تقرا نص وتشرح كلمات
انجليزية تهدر في اي موضوع وشوية الكونكور صعيب
تاريخ عندك يسألك 3 أشخاص ولا 2 سؤال عام انت وزهرك يعني كيما انا سقساوني كي نفوت رمضاني
فلسفة مقالة كتابية وتهدر تاني في موضوع قريتو
والعربية تاني كتابي وشفهي
الاسئلة ماشي صعاب مي لازم تركزو على اللغة العربية وعلى المشية مين تدخل للقاعة اللي تفوت فيها وتاني الاناقة يعني البس عادي

=========


اللي نعرفهم العام اللي فات انجليزية حبست عند معدل 14.89 وتاريخ وجغرافيا عند 13.89 هادو ليسي والباقي الله اعلم نوصيك ادا خسرت في الكونكور دير اعادة توجيه ماتروحش وين قاسوك باسكو ادا خسرت يمدولك اي مادة تقراها في اي جامعة دير اعادة توجيه ولا ترونسفار ادا المعدل ماسمحلكش باش تدخل للجامعة لأنو تاع الترونسفار يدخلوهم بزاف على حساب ماشفت السنة وكاش حاجة اخرى راني هنا


أنا راني حابة نكون أستاذة جامعية يعني نحب نكمل الدكتوراه .ممكن في المدرسة العليا للأساتذة نكمل ولا نحبس عند أستاذة في الثانوية ولا المتوسط ونخرج


وين راكم جاوبوني

انا استاذ جامعي و من اجل التدريس في الجامعة يجب عليك الحصول على الدكتوراة في نظام ل م د أما بالنسبة للنظام القديم فتكفي معه درجة الماجستير

اسألي الأخت أسما من مستغانم اذا كان من الممكن اكمال الدراسات العليا بعد الحصول على اجازة المدرسة لانو ليست لدي معلومة اذا كانو يسمحون لكم بالمشاركة في مسابقات الدكتوراة ام هي حكر فقط على المتحصلين على الماستير،
لو يسمحون لكم بالتسجيل في الماستير فعلى الاقل يمكنكم الحصول على الماستر و بعدها الدكتوراه
بالتوفيق و صحا فطوركم

اريد ان أسأل الاخت الطالبة ببوزريعة عن فنادق قريبة هناك لأني اريد أن أجتاز مسابقة القضاء في سبتمبر و لا اعرف العاصمة جيدا لأني من مستغانم
شكرا مسبقا

المشاركة الأصلية كتبت بواسطة wissem khiter
أنا راني حابة نكون أستاذة جامعية يعني نحب نكمل الدكتوراه .ممكن في المدرسة العليا للأساتذة نكمل ولا نحبس عند أستاذة في الثانوية ولا المتوسط ونخرج

انا نعرف بلي كاين ماجستار طيقي ديريه تما بعدما تكملي قرايتك والدكتوراة على حساب مانعرف نورمالمون كاينة تانية

المشاركة الأصلية كتبت بواسطة eglisias
اريد ان أسأل الاخت الطالبة ببوزريعة عن فنادق قريبة هناك لأني اريد أن أجتاز مسابقة القضاء في سبتمبر و لا اعرف العاصمة جيدا لأني من مستغانم
شكرا مسبقا

والله مانعرف اختي مي على حساب علمي في بوزريعة مكانش مي في بن عكنون وينما كاينة المدرسة العليا للقضاء نورمالمون تلقاي مي غالية على هدا ننصحك تروحي لساحة الشهدا بلاك تلقاي