عنوان الموضوع : هل يمكن دراسة الطب و الهندسة المعمارية في ان واحد !!!!! مسابقة جديدة
مقدم من طرف منتديات العندليب

السلام عليكم و رحمة الله و بركاته

يا هلا بكم يا اسرة المنتدى و الف مبروك لكل الناجحين في البكالوريا
انا راني حابة نسقسكم ان امكن .........

انا نجحت هدا العام في البكالوريا لكن بمعدل صراحة مفرحنيش و مفرحش حتى واحد خصوصا اني مجتهد كثيييييييييييير و ديما كنت الاولى .....لكن قضاء الله و قدره ....فالحمد لله على كل حال
و انا من اختياراتي درت هندسة معمارية صحيح انها لم تكن رغبتي في الاول و لم تكن طموحي لاني كنت في البداية نميل اكثر للطب لكن حبيتها و درت عليها احلام كثيرة .....
و قررت اني نعاود البكالوريا العام الجاي ان شاء الله ...بش ندخل الطب باذن الله
بصح من جهة خرى مرانيش حابة نتخلى على الهندسة المعمارية لهدا الشئ قررت اني اجد و اثابر قليلا بش نقراهم في زوج
فهل يمكن دراسة الطب و الهندسة المعمارية في ان واحد
يا ريت تجاوبوني .....

بارك الله فيكم
جزاكم الله كل خير ان شاء الله
و صح رمضانكم و صح فطوركم
ميرسي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اذا كنت سوبر مان تقدر الهندسة المعمارية وحدها والناس ماهيش سالكة تنا تحوس تجمع زوج تخصصات صعاب علي كل الله يوفقك

=========


>>>> الرد الثاني :

على حساب ما نعرف ما تقدر تقرى 2 تخصصات في أن واحد

لا تستطيع التسجيل في جامعتين في وقت واحد ( أرجو أن يؤكد او ينفي أحد هذا )

الهندسة المعمارية رأيت كم هي متعبة وتأخذ وقتا والطب تتطلب أيضا تفرغ كبير جدا لها

أرى أنه يجب عليك التضحية بأحدهما

=========


>>>> الرد الثالث :

زعما راكي ضامنة الطب العام الجاي ؟

=========


>>>> الرد الرابع :

المشاركة الأصلية كتبت بواسطة nadjib-90
اذا كنت سوبر مان تقدر الهندسة المعمارية وحدها والناس ماهيش سالكة تنا تحوس تجمع زوج تخصصات صعاب علي كل الله يوفقك

ماشي سوبرمان .....بصح راني حابتهم في زوج و ان شاء الله يعاوني ربي و نسلكها و الله المستعان
بصح المشكل هل يقبلوني و لا لا .....!!!!!

على العموم مشكور خويا
بارك الله فيك

=========


>>>> الرد الخامس :

المشاركة الأصلية كتبت بواسطة *ميما*
ماشي سوبرمان .....بصح راني حابتهم في زوج و ان شاء الله يعاوني ربي و نسلكها و الله المستعان
بصح المشكل هل يقبلوني و لا لا .....!!!!!

على العموم مشكور خويا
بارك الله فيك

كاين حاجة يسموها مستحيل كيما تكون في مكانين مستحيل فيزيائيا وعلي كل لا تستطيع حسب القانون الا دراسة تخصص واحد وحتي لو انهيت التخصص لازم تنتظر 5 سنوات لدراسة تخصص اخر ادرس فقط لما تدخل الجامعة راح تعرف مدي خطأنظريتك

=========


المشاركة الأصلية كتبت بواسطة formula1
على حساب ما نعرف ما تقدر تقرى 2 تخصصات في أن واحد

لا تستطيع التسجيل في جامعتين في وقت واحد ( أرجو أن يؤكد او ينفي أحد هذا )

الهندسة المعمارية رأيت كم هي متعبة وتأخذ وقتا والطب تتطلب أيضا تفرغ كبير جدا لها

أرى أنه يجب عليك التضحية بأحدهما

راك متاكد .........يتسما لازم نخير واحدة فيهم
بصح انا نعرف بزاف الباس الي داروا تخصص و زادوا قراو لغة بش تساعدهم

اوكي على العموم ميرسي
بارك الله فيك


المشاركة الأصلية كتبت بواسطة shy'n
زعما راكي ضامنة الطب العام الجاي ؟

ايه انا مكدبتش عليكم كي قلتلكم بلي راني مجتهده كثييييييييير
و انا نعرف النيفو تاعي و نعرف بلي هدا العام صرا اكسيدو و يقدر يصرا لاي واحد ....قدر الله ما شاء و فعل

hhhhhhhhhhhh les 2 sa3ab bazaff sah kayenin li y9raw 2filieres en meme temps waheda fihom sahlaa

لازم يكون عندك العرف معا أحمد بابا باش يعطيك نسخة أصلية أخرى لكشف النقاط لأنه ضروري يسحب منك بعد التسجيل بالجامعة

المشاركة الأصلية كتبت بواسطة *ميما*
ايه انا مكدبتش عليكم كي قلتلكم بلي راني مجتهده كثييييييييير
و انا نعرف النيفو تاعي و نعرف بلي هدا العام صرا اكسيدو و يقدر يصرا لاي واحد ....قدر الله ما شاء و فعل

أنا أيضااا مجتهدة كثييييير وراني خايفة بزااااف
دك نعاودوا و مانعرف

المشاركة الأصلية كتبت بواسطة nadjib-90
كاين حاجة يسموها مستحيل كيما تكون في مكانين مستحيل فيزيائيا وعلي كل لا تستطيع حسب القانون الا دراسة تخصص واحد وحتي لو انهيت التخصص لازم تنتظر 5 سنوات لدراسة تخصص اخر ادرس فقط لما تدخل الجامعة راح تعرف مدي خطأنظريتك

لا لا خويا انا منعرفش حاجة اسمها "مستحيل" مادام لي رب يقول لشئ كن فيكون ....انا عندي الارادة و راني متوكلة على ربي و الحمد لله ....و الله المستعان ان شاء الله
اما فيزيائيا فراني فكرت اني نقسم وقتي لهادوما الزوج
انا مشكلتي مع هدا القانون ....انا نعرف بزاف ناس دروا زوج تخصوصات !!!!!!

ايا على العموم مشكور خويا
بارك الله فيك

المشاركة الأصلية كتبت بواسطة nedjema amirazed
hhhhhhhhhhhh les 2 sa3ab bazaff sah kayenin li y9raw 2filieres en meme temps waheda fihom sahlaa

sah bezzzzzaf s3iba bessah rabbi inchallah y3awni
justement kheti rani na3raf bezzzzaf darou 2fillieres !!!!!

المشاركة الأصلية كتبت بواسطة sofiannnne11
لازم يكون عندك العرف معا أحمد بابا باش يعطيك نسخة أصلية أخرى لكشف النقاط لأنه ضروري يسحب منك بعد التسجيل بالجامعة

خويا مارانيش فاهمة واش راك تهدر .........
راني نقولك رايحة نعاود الباك ان شاء الله !!!!!!

المشاركة الأصلية كتبت بواسطة shy'n
أنا أيضااا مجتهدة كثييييير وراني خايفة بزااااف
دك نعاودوا و مانعرف

ان شاء الله كل واحد يوفقوا ربي
بارك الله فيك