عنوان الموضوع : ندير طعن و الا لا افيدوني مسابقة توظيف
مقدم من طرف منتديات العندليب

السلام عليكم و صحة فطوركم
حبيت نسقسيكم جبت الباك العام هذا بمعدل 12.5 شعبة رياضيات و بعثوني شعبة رياضيات و اعلام الي حبيت نبلوكي العام و نعاود الباك على خاطر معندي حتى رغبة ندرس الشعبة هذي و زيد معدلي كان 16 و الله غالب ربي قدرلي هكا واش رايكم زعمة ندير طعن و كي ندير طعن زعمة واش يبعتوني و الا نبلوكي و نعاود و خلاص مع العلم انا في كل الحالات راح نعاود على الباك


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أولا : صلي على نبيك محمد صلى الله عليه وسلم وما تقرريش مستقبلك هكا وانتي غضبانة لأنك راح تضيعي واضيعي مستقبلك باااااطل

ثانيا: أحمدي ربي أنك اديتي الباك، يااااااااااسر مش لاقيينو

ثالثا: سجلي وين حطوك عاااادي ( حتى ما توليش ضربتين في الراس )
وزيد لأن التخصص اللي وجهوك ليه 1000 من يتمناه . واذا فرطتي فيه والله تندمي

رابعا: عندك خيارين اثنين وزيد الاخوة ممكن يفيدوك

1- ديري تحويل اذا كان ضمن اختياراتك الأدنى حاجة ما مدوهالكش أو ديري طعن كيما تحبي،

اذا استجابوا للطعن الحمد لله اذا ما استجابوش، اقراي في الجامعة عادي العام الأول لأنه عادة يكون ساهل خاصة أنك شعبة رياضيات

واقري واجتازي الباك حرة، ديري الارادة وجيبيه مليح وديري واش تحبي بيه،

وعسى أن تكرهوا شيئا ويجعل الله فيه خيرا كثيرا

وكوني متأكدة الله مش راح يضيعلك تعبك اذا كنتي صح صافية معاه

بالتوفيق


=========


>>>> الرد الثاني :

اولا صلي صلاة الاستخارة
و انا نصيحة من عند مجربة سجلي رياضات و اعلام الي و بلوكيه و اقراي للباك احسن لك و الله صدقيني ماكيش راح تندمي
تندمي كي تقراي من ومن و قادر ماتلحقيش و تكملي حياتك تقراي في حاجة ماكيش حابتها

=========


>>>> الرد الثالث :

شكرا اخوتي على الافادة حبيت نعرف كيفاه ندير تحويل انا مخيرتهاش الشعبة هذي في اختياراتي العشر

=========


>>>> الرد الرابع :

اذا كانت في الاختيارات ما عندكش حق الطعن أما التحويل فلازم أولا تسجلي فيها عادي الأسبوع المقبل و في بداية سبتمبر تقديمين طلب تحويل فال departement

=========


>>>> الرد الخامس :

مفهمتش الفرق بين الطعن و التحويل و مهيش في اختياراتي العشر هوما داروهالي

=========


المشاركة الأصلية كتبت بواسطة جزائرية كوول
السلام عليكم و صحة فطوركم
حبيت نسقسيكم جبت الباك العام هذا بمعدل 12.5 شعبة رياضيات و بعثوني شعبة رياضيات و اعلام الي حبيت نبلوكي العام و نعاود الباك على خاطر معندي حتى رغبة ندرس الشعبة هذي و زيد معدلي كان 16 و الله غالب ربي قدرلي هكا واش رايكم زعمة ندير طعن و كي ندير طعن زعمة واش يبعتوني و الا نبلوكي و نعاود و خلاص مع العلم انا في كل الحالات راح نعاود على الباك


السلام عليكم صح فطورك

ادا كانت هادي من اختياراتك العشر ماعندكش حق الطعن نهائي
أنا نقلك حل وانت كيما تحبي سجلي في الشعبة الي وجهوك ليها تسجيل عادي وكأن شيئ لم يكن وفي سبتمبر في نفس الولاية أو الجامعة اجري على التحويل لأي تخصص آخر تحبيه
موفقة


الطعن كي تكون اختياراتك العشرة بمعدلات قبول تفوق معدلك فلا يُعطى لك أي اختيار منها للأسف و يُعطي لك البرنامج تخصص معين على أنه الملائم لك فتجدين في موقع التسجيل قبل تأكيد التوجيه زر لتقديم الطعن بينما من مُنح له تخصص من اختياراته العشرة فلن يجد الزر يعني ماعندوش حق الطعن لأن التخصص هو من وضعه في اختياراته وان لم يحبذه يعني حتى لو كان العاشر,لكن لديه حق التحويل في سبتمبر الى تخصص آخر يسمحه معدله
بصح نصيحة بسيطة علاه و الى ماذا ستحولين؟أنا درستها و قد أعجبتني كثيرا ,الدراسة شيقة و فيها مستقبل باذن الله وان كنت تفكرين اعادة البكالوريا فهو من أحسن الاختصاصات الملائمة لذلك,دراسة و مراجعة في نفس الوقت

السلام عليكم




إخواني الطلبة إليكم الوثائق اللازمة للتحويل مابين الجامعات
  1. 3إستمارات تحويل تسحب من المكتب المخصص للتحويل بالجامعة
  2. نسخة مصادق عليها من شهادة البكالوريا
  3. نسخة مصادق عليها من شهادة التسجيل او الشهادة المدرسية للسنة الحالية
  4. نسخة من كشف النقاط بالنسبة الطلبة القدماء
  5. مبرر التحويل (تحويل الإقامة .شهادة طبية .....)

هام جدا : يجب الحصول أولا على موافقة المؤسسة المستقبلة


ربي يعيشكم حبيت نسقسيكم لقيت بلي معدل قبلول هندسة معمارية و عمران في قالمة 12.40 زعمة نقدر ندير طعن و ندير تحويل تم

ya khti takadri tdiri tahwil fi septembre nchalah mais lkhti rayha trouhlek ikama mine tbadli ljami3a