عنوان الموضوع : واش رايكم نبلوكي العام ولا نكمل اعلان توظيف
مقدم من طرف منتديات العندليب

منذ عامين وانا احلم بالدخول المدرسة التحضيرية للعلوم الاقتصادية ديت الباك ولكن للأسف خصتني نقطة في الرياضيات غاضتني بزاف باسكو والله عييت معدل عالي والرياضيات خانتني بسبب نقطة واحدة عولت نعاود الباك ونقرا في الجامعة من جهة اخرى حبيت نسقسي زعما نقدر ؟ولالازم عليا نبلوكي العام؟مع العلم اني شعبة تسيير واقتصاد ودرت علوم اقتصادية والجامعة قريب حدا الدار.خايفة ما نبلوكيش العام ما نجيبش معدل مليح واش رايكم نقدر نحكم من زوج جوايه؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي أنا دايرة بيولوجي و كنت ناويه نقراها و نعاود الباك مي كي سجلت ديكوفريت بلي منقدرش خصوصا مع نظام lmd .......ما نقدرش نحكم عليك لآنووو كل واحد و قدراتوو شوفي لي قراو كيما نتييا و ما تنسايش صلاة الإستخـــــارة
ربي يحفظك اختي

=========


>>>> الرد الثاني :

kayen li kadrou w kayen li makadrouch
kol wahed ou kodourat diawlo
be tawfik

=========


>>>> الرد الثالث :

اولا قوليلي علاش حابة تبلوكي ... واش عطاوك كتخصص ... سجلتي ولا مازال
والبلوكاج لازم يكون عندك سبب وجيه حتى تقدري ديريه

=========


>>>> الرد الرابع :

انا الشي الوحيد اللي نقدر نقولو فكري مليح في اتخاذ القرار انتاعك معلاباليش اذا تقدري ولا لالا المهم شوفي واش يخرج اعليك انتي ويريحك

=========


>>>> الرد الخامس :

عطاوني علوم اقتصادية وانا كنت حابة المدرسة التحضيرية للعلوم الاقتصادية وضاعتلي بسبب نقطة واحدة في الرياضيات مع العلم اني شعبة تسيير واقتصاد
حبيت نسقسي زعما نقدر نعاود الباك من جهة ونقرا علوم اقتصادية في الجامعة من جهة اخرى ؟.والرياضيات تاعها كيما تاع الباك ؟ولا لازم عليا نبلوكي العام ونحط وقتي كامل لاعادة الباكالوريا

=========


السلام عليكم

نصيحتي ليك هي انو تبلوكي العام (تدفع شهادة طبية باش تبينلهم بلي ماقادراش تقرا هادا العام ولازم يديرهالك الطبيبب ب شهرين ولا اكثر.. )
وعاودي الباك براحتك ....انا شخصيا سييت نقرا فالجامعة وعاودت الباك ..مي صدقيني والله ما صالحا ...رايحا تتعبي بزااااف بزاااااف...علابالي بالاك فالاول تبانلك ساهلة كي تنظم الوقت مي العداب يجيك ف الدوزيام سوماستر كي تولي مع ليزيكسبوزي وليزانطيرو ومبعد 15 يوم تاع لي كونطرول td ولاكتر ومبعد 15 يوم تاع لي كونطرول....ومبعد كي يجي الباك تكوني استنزفتي روحك ....وتخاف ماتشديها حتى من جهة وتخسري كلشي ادا قدر الله .... وصدقيني تم تعرفي الندامة تاع الصح....وحتى ادا تفوقتي فيهم في زوج من بعد رايحا تخري حاجة وحده......وكيما يقولو "سقسي المجرب وما تسقسيش الطبيب"........شكرا.
ســــــــــــــــــلام