هيا نعرف معدل القبول في الشبه الطبي اعلان توظيف
عنوان الموضوع : هيا نعرف معدل القبول في الشبه الطبي اعلان توظيف
مقدم من طرف منتديات العندليب
نريد جميعا أن نعرف معدل القبول في الشبه الطبي
كل واحد حاب يسجل في الشبه الطبي يكتب
معدل البكالوريا الذي تحصل عليه
حتى نعرف بتقريب معدل القبول
أرجواا المشاركة ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أنا راح نبدى .. أنا حاب نسجل في الشبه الطبي عندي معدل 12.60 بكالوريا 2014 شعبة رياضيات
أنا أدعواا الله أن يتم قبولي و يتم قبولكم .. بتوفيق
=========
>>>> الرد الثاني :
يا اختي انا عندي معلومة من مصادر مؤكدة انو معدل القبول من 14 للفوق
و الله اعلم
انا عندي معدل 11,20 رح نسجل مي راني عارفة بلي منربحش
رب يوفقنا اجمعين و لي فيها الخير ربي يجيبها
شكراا
=========
>>>> الرد الثالث :
مكانش منها ..واحد ما علابلواا بمعدل القبول .. بعد التسجيل الأولي .. يحدواا معدل القبول ..
=========
>>>> الرد الرابع :
السلام عليكم .....
أخي سامي فكرة مليحة هاذي ......أنا معدلي قريب من معدلك يعني 12.80 .....وراني متفائلة بزاااااف بش يعطونا بويسك هدا العام ماكانش للي نجحو بزاف وثاني المعدلات كامل ضعيفة علا بيها الفرصة تعنا تزيد بش يعطونا باراميديكال ........إن شاء الله : )
في أمان الله
=========
>>>> الرد الخامس :
11.80 وفاقد الامل
=========
المشاركة الأصلية كتبت بواسطة yousef-alg 
11.80 وفاقد الامل
السلام عليكم .....
اخ يوسف ماتفقد الامل ماوالو 11.80 يعني المعدل 12 إحتمال كبير يقبلوك ....بويسك المعدلات كامل صغيرة وماتلقاش كثر من 14 وعلابالك للي عندهم كثر يروحو للطب وما إلى ذلك .......تفااااااااااائل بالاك يقبلوك
بالتوفيق في أمان الله
المشاركة الأصلية كتبت بواسطة عفاف عفة
السلام عليكم .....
اخ يوسف ماتفقد الامل ماوالو 11.80 يعني المعدل 12 إحتمال كبير يقبلوك ....بويسك المعدلات كامل صغيرة وماتلقاش كثر من 14 وعلابالك للي عندهم كثر يروحو للطب وما إلى ذلك .......تفااااااااااائل بالاك يقبلوك
بالتوفيق في أمان الله
المشكل أنه جماعة 14 هوما لي راح يطلعواا معدل القبول في الشبه الطبي .. حتى يصبح 13 فما فوق
يا ربي يقبلوني في الشبه الطبي ويقبلوكم .. آمين
معدلي 14.85 و اطمح للاتحاق باذن الله
معدلي 14.22 انشاله يقبلوني
المشاركة الأصلية كتبت بواسطة أسامة ارثر
معدلي 14.85 و اطمح للاتحاق باذن الله
يا اخي علاه مادرتش صيدلة ولا طب أسنان .. مجرد سؤال ؟!
المشاركة الأصلية كتبت بواسطة mima safia
معدلي 14.22 انشاله يقبلوني
يا أختي كنتي قادرة ديري مرسة عليا للأساتذة التعليم الإبتدائي
كنتي قادرة ديري المدرسة العليا للبيوتكنولوجيا
كانواا عندك بزاف من الإختصاصات الجيدة .. علا خيرتي الشبه الطبي ؟!
السلام عليكم انا معدلي 14.40 علوم تجريبية
يا جماعة 12 أفقدواا الأمل في الشبه الطبي .. جماعة 14 حسدونا في شويا شبه الطبي
كانواا عندهم بزاف الخيارات مليحة بزاف من مدارس عليا و غيرها .. بصح هوما خيرواا أنهم يحسدونا في الشبه الطبي
معدل الشبه الطبي 13 و طلع .. الله غالب ما كتبش ربي ..
ya akh sami mo3adal kol wilaya kifah matef9ed l amal ma walo ana 13 w nchlh rabi ywafa9na kamal
رد مع اقتباس
