عنوان الموضوع : هل من اعلانات توظيف بولاية تلمسان مسابقة جديدة
مقدم من طرف منتديات العندليب

السلام عليكم يا جماعة الخير ارجو انكم تساعدوني

و الله حاسة باحباط و فقدت الامل في ايجاد وظيفة ,,انا متحصلة على ماستر في القانون و شهادة الكفاءة المهنية للمحاماة و جوزت شحال من مسابقة توظيف و لكن دون فائدة و دون ان تظهر حتى النتائج المعريفة تتمشى فقط دون مراعاة الشهادات و تنازلت الى مناصب بسيطة جدا و لكن اصطدمت بشبح المعريفة .., قانون في بلاد الظلم و المعرفة يحذفو شعبة الحقوق و القانون’ أحسن من المعاناة اللي رانا نعيشو فيها ضيعت 6 سنين من حياتي على باطل حسبي الله و انعم الوكيل,,
علابالي طولت مي الله غالب قلبي راه معمر ,,و نتمنى اللي يطيح في يدو كاش اعلان توظيف لولاية تلمسان يفيدنا بيه و ربي يحفظكم و يفرج على كل الشباب الجزائري المغبون ان شاء الله سلام.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

limene tehki ya khti

Lil asaf , la jedid fi al oufouq

hedi siyesat techghil fechila bikoul el maqayiss , ena chakhsiyane min el mou3aridine taa fikrat tayah mel niveau entaak , lekine allah ghalab ennes karhat


La da3i lil qalaq ya okhti , heda marahouch el mouchkil entaakn bark , lekine el mouchkil taa malayine echebeb wa chebette


Yji el faraj bi idhni ALLAH li wehdih

=========


>>>> الرد الثاني :

يقال أنه ستعلن في الأيام القليلة القادمة مديرية الجهوية للخزينة . مقرها باب الجياد . شارع أول نوفمبر بالقرب من لاجونس تع الحافلات

=========


>>>> الرد الثالث :

ygolak lablad li matkharjakch badalha ...

=========


>>>> الرد الرابع :

في الوقت الراهن كل الولايات فيها اعلان مسابقات غير تلمسان انا ثاني رومركيت هذ الشي ..و بخصوص المعرقة صحيح...كلش معريفة في تلمسان و الشكارة..لانعم يقولك يدوو من الاحتياط تاع المسابقة اللي مضت و لكن هذا غير صحيح ..يدخلوا ناس جامي فوتوا كونكور حسبي الله و نعم الوكيل في المسئولين...راهم ياكلوا السحت ...

=========


>>>> الرد الخامس :

يوجد مسابقات الأسبوع الماضي أعلن عن نتائجها . أقول هذه المناصب لسنة 2013 . مازال الخير إن شاء الله سيعلن عن المسابقات في الأيام المقبلة

=========


يعطيكم الصحة خاوتي و علابالي بلي الآلاف من المتخرجين راهم في معاناة كبيرة و الدليل أنو و لا واحد من الدفعة تاعي لقى منصب شغل غير 2 و لا 3 اللي راحوا لعقود "لانام" و لا 2 اللي نجحوا في مسابقة الدكتوراه ان شاء الله ربي يفرج علينا كامل في القريب العاجل و ميروحش التعب تاعنا باطل,,


شكرا على المشاركة

السلام عليكم اختي ، أحس بالمعاناة التي تحسين بها لانني مررت بنفس التجربة حتى انني فقدت الامل في العمل رغم انني متفوق دفعتي في الماستر و للاسف لم تفتح الدكتوراه في تخصصي ، و عييت من مسابقات التوظيف في ولاية تلمسان ، و خدمت نجار لمدة سنة حتى انني كنت نفكر فالهجرة سواء بطريقة شرعية او غير شرعية ، لكن بعد الصبر جاء الفرج و نجحت في مسابقة المدرسة الوطنية للمانجمنت و ادارة الصحة ، ننصحك متبقايش تتبعي في المسابقات داخل الولاية فقط و لكن ادفعي ملفات في وظائف خارج الولاية او في المدارس الوطنية كيما المدرسة الوطنية للمانجمنت و ادارة الصحة ، المدرسة الوطنية للادارة ، المعهد الاقتصادي الجمركي ، المدرسة الوطنية للضرائب و ربي يسهلك و يسهل لكل واحد ان شاء الله

و الله و انت تحكي حسيت كانو نفس معاناتي مريت بيها صح حتى انا مفتحوش الدكتوراه في التخصص تاعي و قعدت سنة و انا في الدار نعاني و ندمانة اللي قريت المهم رايحة ندير بالنصيحة تاعك بصح نظن هاد المسابقات الكل فاتو ان شاء الله يكون كاين مسابقات جديدة كما هادو و ربي يوفقك و يعطيك الصحة

سجلوا في التكوين المهني . سواء في التكوينات المتوجة بشهادة دولة أو في التكوينات المتوجة بشهادة تأهيلية التسجيلات تنتهي في 21 سبتمبر المقبل . هذا رابط الدليل الوطني لعروض التكوين
https://www.mfep.gov.dz/fr/rentreesep...4/accueil..htm

اختي IEDF مزالهم فاتحين و مزال مكملش الاجل تاع دفع الملفات
اطلعي على الموقع تاعهم
https://www.iedf-dz.com/uploads/2013/...rs-2014-ar.pdf