عنوان الموضوع : تــعــااالو نناقـــش معــايير التــنــقــيط لمــسـابقــة الأساتـــــــذة
مقدم من طرف منتديات العندليب

نتيجة لمعايير الإنتقاء الخاصة بالإمتحان على أساس الشهادة الذي طبقته وزارة التربية الوطنية إرتأيت إلى أن أضع بعض النقاط حول هذه المعاييير ومدى فعاليتها وماهي نقاط القوة فيها ونقاط الضعف ......وما أنا إلا إنسان مثل كافة الناس ....فإن أصبت فمن الله وإن أخطأت فمن الشيطان ....................حيث يقول الله في كتابه العزيز (وأمرهم شورى بينهم)
لهذا أود أن كل واحد من أعضاء وزوار هذا المنتدى الإدلاء بــــرأيـــــــه ...كي نُكون معا فكرة جيدة أو نبني مفهوووما صحيحا حول نقطة معينة أو منهج محدد

بالنسبة للنقطة حول الأقدمية : .......تمنيت كون يحطو نقطة الاقدمية ممثالة لنقطة المسار الدراسي
مثلا 0.5 عن كل نقطة زائدة في المعدل ......وكذلك 0.5 عن كل عام أقدمية
لأنو ذرك لي راو قاعد في الكرسي والمسائيل لكبار نتاع الدولة والوزارة راو توظف بعد الاستقلال ...كانت ثمة الخدمة كاينة والناس ماش بالزااااف كيما ذرك ...واللي قاريين قلال ....... ماشافش وماعاشش وما تعايشش مع البطالة
بالنسبة لل6 نقاط نتاع مطابقة الشهادة ينحيها يا سيدي لانو الناس الكل رايحين يديوها .....بالمليح بالقبيح بالشايب بالشباب بالطفلة بالطفل ..............وإذا كانت ستحتسب مقياس كبقية المقاييس والمعايير حبذا لو يكون فيها عدل .......
لأنو ..........كمثال بسيــــــيط .......ماش كيما واحد متخرج مثلا هندسة ميكانيكية ماش كيما واحد متخرج رياضيات والسبب هو أن لي متخرج رياضيات عندو الشونس غير في أنو يقري برك.......ماعندوش فرصة أخرى في مجااال اخر
لكن لي متخرج هندسة بمختلف أنواعها بالمدنية أو الكهربائية او الطرائق أو........ عندو الشونس يخدم في الشركات أو المؤسسات العمومية او.......او.....
معنتها يديرو للي متخرج رياضيات النقطة الكاملة ألا وهي 6
وللجينيات نقطة اقل من 6

هذا على سبيل المثال ذكرت مادة الرياضيات

أما بالنسبة للمقابلة مليح تكون شكلية فقط
مثلا واحد يكون عقون او فيه حاجة ناقصة ...... ترى للعيان .......ما يديش نقطة كاملة في المقابلة................وهاذي تبانلي راي قطرة من بحر أو مرة في ألف

ماش واحد يدي 1.5 وواحد يدي 3 ....هاذا زهرو مع لجنة متسييسة وتفوت برك وهاذا زهرو مع لجنة مزيرة
...في هاذي ما يكونش عدل على ما اظن

وبالنسبة ايضا لواحد يكون يخدم مثلا في المتوسطة مرسم ويعقب ثاني الكونكور في طور الليسي .....هاذا نشوف فيه إجحاف ......وحراااااام ......لأنو رايح يقيحر في خبزة واحد زوالي قتلاتو البطالة والهم
.......قادر واحد يقلي لالا بالصح راو رايح يخلي بلاصتو لي كان فيها .......نرد عليه ونقولو لالا رايح يخلي بلاصتو بالصح بعد عام اوووخر بطالة ....

والا واحد خدام في سلك أوخر وتلقاه يسلك حتى اكثر من أستاذ لكن يقلك نعقب باش ننجح بويسك خدمة التعليم فيها الراحة بالزااااف واشهر نتاع الصيف قاعد......الخ.......
هاذي نورمالمون دير ليها الوزارة حل
لانو عدد المشاركين في المسابقة ماشي ويكبر كل عام يزداد العدد

وفي الأخير أَنــــوه للمعضلة الكبيرة ألا وهي الخدعة الوطنية......واحد يروح يفوت العامين يشوف الهم والغم والميزيرية والحقرة والعبودية .....على جال لوريقة نتاع الكارت جوووون ...في أخر المطاف يروح يعقب كونكور يلقى ماكاش حتى ولو 0.5 تنقيط عليها ....والله ظلم ......أقسم بالله مشكل عوييييص .......حبذا لو يديرو حتى 1.5 عليها .....كأنك قريتي عام ونص إستخلاف
....................ومعذرة أولا واااااخرا إن قست واحد فيكم ........إنشاء الله راني وفيت وكفيت ...........ونتمنى تكون ردود منكم .......ولو بكلمة نعم أو لا.............وأي رد نتقبلو منكم وبصدر رحب لكن يكون على أساس الإحترام والمنفعة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

معك حقا خاصة في الاولوية لاهل الاختصاص والله هذا ظلم مثلا لاصحاب الرياضات والفزياء و.... وغيرهم في السنوات السابقة لاحرج لقلة المتخرجين في الاختصاص اما الان فهم بكثرة ولا فرصة لهم الا في التعليم على عكس الشعب التي تشارك معهم هندسة بمختلف انواعها بالمدنية او الكهربائية او الطرائق .... لهم فرص كثيرة في قطاعات اخرى ووجب على الوزارة وضع الا اهل الاختصاص للمشاركة في اختصاصه



وزيد راه دوختني الكل ياخذ 6 ليس لها اي معني اذا

قرار ظالم لاهل الاختصاص ويجب تصحيحه

=========


>>>> الرد الثاني :

أنا أعجبت بمعايير الانتقاء لهذا العام هي احسن من سابقتها على الاقل يتم القضاء على اصحاب الشهادات القدامى ثم تبقى المنافسة الا مابين المستويات القريبة, أما عن الاقتراح الذي اود ان اضعه هو أنه من المفروض أن تكون المسابقة على اساس الاختبار ثم بعد ذلك يجتاز الناجحين في الاختبار المسابقة على اساس الشهادة وفق هذه المعايير،هذا أفضل عن رأيي.

=========


>>>> الرد الثالث :

من المفروض المعيار في توظيف الاساتذة هو معيار الكفاءة ، اي انه يجب ان تكون المسابقات على اساس الاختبار الكتابي و يحتوي على عدة امتحانات في التخصص و امتحان في علم النفس التربوي ..

=========


>>>> الرد الرابع :

المشاركة الأصلية كتبت بواسطة عزه
أنا أعجبت بمعايير الانتقاء لهذا العام هي احسن من سابقتها على الاقل يتم القضاء على اصحاب الشهادات القدامى ثم تبقى المنافسة الا مابين المستويات القريبة, أما عن الاقتراح الذي اود ان اضعه هو أنه من المفروض أن تكون المسابقة على اساس الاختبار ثم بعد ذلك يجتاز الناجحين في الاختبار المسابقة على اساس الشهادة وفق هذه المعايير،هذا أفضل عن رأيي.

اصحاب الشهادات القدامى لا ينتهو قضو عليهم بمعدلات التخرج الجديدة الخيالية

من المفروض أن تكون المسابقة على اساس الاختبار افضل

=========


>>>> الرد الخامس :

المشاركة الأصلية كتبت بواسطة king28
من المفروض المعيار في توظيف الاساتذة هو معيار الكفاءة ، اي انه يجب ان تكون المسابقات على اساس الاختبار الكتابي و يحتوي على عدة امتحانات في التخصص و امتحان في علم النفس التربوي ..

معك حق المسابقات على اساس الاختبار الكتابي و يحتوي على امتحان في التخصص ذو مستوى عالي و امتحان في علم النفس التربوي

=========


مشكووورون على الردود القيمة...........


كل واحد راه يخيط على حسابه


الانتقاء على اساس الاختبار يقلل فرصة التلاعب و يعطي مصداقية للمسابقة فالافضل ينجح
المعدل يلعب دور كبير في النجاح ليسانس كلاسيك معدلات منخفضة 11 و 12 على اكثر تقدير و معدلات مرتفعة في ل م د 15 و 16 و حتى 17
و على هذا تاع الكلاسيك كبروا و هم يستخلفون و يشاركون في المسابقات و لا ينجحون و تاع ل م د خرج البارح ينجح اليوم لا يقع اللوم عليهم بل على الذي وضع هذه المقاييس الغبية و اللاعادلة


بالنسبة لرد الأخ chafi83

اقسم بالله ما حاميت بروحي والا حتى بواحد
لاني انا شخصيا هندسة ميكانيكية معنتها نرضى يعطي في معايير التنقيط العلامة الكاملة لمطابقة الشهادة لتخصص الرياضيات وانا يعطيني اقل منو

وبالنسبة للاخت جواهر عندك حق في كلامك ...هاذ نظام
less moi dormir) (LMD) '''''''likidation maximom desitudiant'''''' tic )

وايضا كاينين جامعات يعطيو النقاط ويقوفلو لي موايان وجامعات اخرين تجيب الديس غير بسيدي وسيدك..........ما تخرج المعدل 10 غير تلقى روحك تمرد ...وهاذا خاصة في الجامعات لقديمة والمعروووفة بمستواها التعليمي وباساتذتها مثلا جامعة باتنة وقسنطينة

وفيما يخص المسابقة على أساس الإختبار........ نشفى عقبتو في 2010 .....نعرف واحد لا علاقة عندو عرف كبيييير قطعولو اوراق الاجابة نتاعو وبدلوهملو باوراق مكتوبين من طرف اساتذة متخصصين في المجال .......والثقافة العامة .........مكتوبة من لنترنات .......ونجح في اخر المطاف .....

(الأمانة فيها ترافيك كبير نتاع الأوراق واللعبات)(وما خفي أعظم)

تبانلي على أساس الشهادة افضل

انا اقترح على الاقل ان تكون المسابقة على اساس الشهادة + اختبار كتابي
ويكون تنقيط 20 على اساس الشهادة + 10 نقاط على اساس الاختبار الكتابي
وهنا نشوف الرجالة والنساء نتاع الصح لي عندهم المستوى


بالعكس الامتحان الكتابي يزيد يطيح النقطة وراح تبقى المعريفة
هذا اخر الزمان ياصديقي

بالعكس الامتحان الكتابي يزيد يطيح النقطة وراح تبقى المعريفة
هذا اخر الزمان ياصديقي

تمنيت كون جات ع أساس الاختبار

الكل يعلم معدلات نظام الكلاسيكي منخفضة

ومعدلات نظام الجديد مرتفعة لكن الاختبار يكشف المستور

وكذلك أقدمية الشهادة لازم تكون نقاطها متساوية مع المسار

موش واحد زايد في 93خرج يقرئ في نتاجو

ولد 70مازال في الاستخلاف يجمل في النقط

je vois que cette année il y a un équilibre entre les anciens du classique et les nouveaux du LMD pour la simple raison que les uns ont la note de l'ancienneté et les autres ont la note sur leurs moyennes élevées et puis un LMD avec une attestation de travail gagne à coup sûr et un détenteur d'une licence classique avec une attestation de travail gagne à coup sûr donc je pense que la plupart li yechkiw, passez moi l'expression, lakhara ta3 la promo ta3hem wela fenyanin ma khadmouche w ka3dini khir yaklou fi khawethem li hna