عنوان الموضوع : زمن العجائب مسابقة جديدة
مقدم من طرف منتديات العندليب

كيفاش هذا عدل
تروح تفوت مسابقة يشرطوا في التنقيط الخبرة واقدمية الديبلوم
يعني حتى تكره والديبلووم تاعك يرشى به تتحصل على نقاط مالا علاه نقراو حنا ونتعبو
وزيد يجي واحد مترشح معاك هو ديجا راهو خدام يعني عندو دخل بصح يسبقك في المسابقة لانو عندو خبرة
والله ما فهمت والو في هذي البلاد
كرهت كرهت كرهت


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كرهنا اعمارنا من اجل منصب عمل .....على اساس الشهادة اخذو منا المناصب وعلى اساس الاختبار اخذوها منا

=========


>>>> الرد الثاني :

المشاركة الأصلية كتبت بواسطة faoaz11
كرهنا اعمارنا من اجل منصب عمل .....على اساس الشهادة اخذو منا المناصب وعلى اساس الاختبار اخذوها منا

والله مالقينا الحل في هذي البلاد دبروها لي فتحولهم لانام هذاك العام منعو وحنا طفرت فينا

=========


>>>> الرد الثالث :

روحي توكلي على ربي سبحانه هاذي ارزاق و رزقك ما يديهولك حتى واحد


هاني انا ليسانس حقوق 2006

و بديت نخدم 2007 رتبة عون مهني

و درك في عمري 28 سنة و عندي زوج دراري و مالقيتش الخدمة

مكتوب و الحمد لله عسى ان تكرهو شيئا و فيه كثيرا

اللهم يسر ولا تعسر

=========


>>>> الرد الرابع :

ربي سبحانو

=========


>>>> الرد الخامس :

راني نايضة نصلي و ندعيلك وان شاء الله تكون دعوة استجابة ربي يوفقك و لاتيأس من رحمة الله

=========


نهار لي يكون ربي مكتبلك حاجة لا خبرة لا حتى شيء

انا تخرجت منا توظفت منا لا خبرة ولا حتى شيء لكن المنصب ليس بالديبلوم ماعليش تبداو بحاجة صغيرة حتى يفرج ربي


المشاركة الأصلية كتبت بواسطة maramelmess
راني نايضة نصلي و ندعيلك وان شاء الله تكون دعوة استجابة ربي يوفقك و لاتيأس من رحمة الله

ربي يخليك هذي احسن حاجة تفيديني بيها
جازاكي الله الف خير

و الله حقرة انا مثلا تخرجت 2012 عمري 23 درك راني 25 سنة لا عقد ما قبل التشغيل لا نجاح في مسابقات

نقول حاجة حسبي الله و نعم الوكيل

وهو خير وكيل
وزيد يا اختي راهم يقولو بلي سلال قال ان مسابقات الوظيف العمومي محجوزة لعمال ما قبل التشغيل
يعني حنا برااااااااا

المتخرجين الجدد...كان لازم علينا لو كان جينا واعيين نديرو احتجاج قبل ما نخرجو من الجامعة..ضرك تطفرت فينا...قولو ان شاء الله مكيونش ادماج لانه كارثة بالنسبة لنا

خريجو الجامعة القدماء يشتكون من الجدد و الجدد يمسحون الموس في القدماء و النتيجة ما خدموا لا الجدد لا القدم

الأخت و لا الأخ لي تخرج في 2012 و تقلق على الخدمة و راه يقول بلي لي تخرج في 2000 هو السبب

ما هو الحل في نظرك؟ نعطوك الأولوية و نخلو لي عندو 10 سنين أو أكثر في الشوماج؟

أنا مثلا متخرج في 2003 بمعدل 12 خبرة 04 سنوات ... نترشح أنا و غيري لمنصب مقتصد و عند إيداع الملف نطمع لأن المسابقة تكون

على أساس الشهادة و مقاييس التنقيط في صالحي، على الأقل أتوقع أن يكون الناجح من ذوي الخبرة و قديم التخرج.

لتتفاجأ بقائمة (الناجحات) 07 كلهن من مواليد التسعينات !!!!

بنت التسعينات الناجحة لم تتقدم علي أنا في سلم التنقيط لا بالخبرة و لا بالأقدمية و لا بمطابقة الشهادة و لا نقطة اللجنة و لا و لا و لا

تقدمت بمعدل السنة الرابعة، فمديرية التغبية عوض أن يكون سقف تنقيط معدل السنة الرابعة 4 أو 5 نقاط فتتقارب الحظوظ، تمنح 12 نقطة

كاملة عن معدل السنة الرابعة ...

و بما أنه في وقتنا كان الأول في الدفعة لا يتجاوز 13 و إذا هبل يلحق 14، و بما أن الجامعة في السنوات الأخيرة يصل معدل متصدر

الدفعة 16 أو أكثر و معدل الكثيرين يصل 15 فحتما البطال المتخرج سنة 2000 سيحصل على نقطة أو اثنين عن معدله بينما الأخت الكريمة

ستحصل على ما بين 08 إلى 12 نقطة عن معدل السنة الرابعة و الحقها يا لي شبعت قعاد بالأقدمية و الخبرة !!!!

جوزنا على أساس الاختبارات و عمرنا الأوراق كتبة ما نجحناش ... دارو على أساس الشهادة طمعنا في الأقدمية و الخبرة ما نجحناش

زيدو نتوما الجدد مسحوا فينا الموس ... خرجتو قبل عام ولا عامين تقلقتوا ... حنا واش نقولو؟

نقول "حسبنا الله و نعم الوكيل" فيمن ظلمنا و أكل حقوقنا و حرمنا من النجاح حين كنا نستحقه و منحوه لأصحاب المعريفة و الرشوة

و بائعي الشرف ... أما أنا و أنت يا أخي المتخرج قبل عشرات السنين و يا أختاه المتقلقة على الخدمة فشعارنا خاطرة الشيخ محمد

متولي الشعراوي القائل : "لا تعبدوه ليعطي، بل اعبدوه ليرضى، فإذا رضي أدهشكم بعطائه" فاللهم اغننا بحلالك عن حرامك. سلام

حسبي الله و نعم الوكيل

غمونا ربي يفرج