عنوان الموضوع : اللي راح ل CRD de Boumerdes يفيدنا وش سالوه اعلانات التوظيف
مقدم من طرف منتديات العندليب

السلام عليكم
تم بحمد الله مناداتي لتاست CRD de Boumerdes في 9 اكتوبر وماني فاهم والو
+ ممكن تقلولي وش فيها الاستمارة اللي اعطوهالكم
وشكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

استمارة معلومات عادية الاسم اللقب الئ اخره / مقابلة شفهية عادية

=========


>>>> الرد الثاني :

روح لبومرداس لازم تكون علئ الثامنة امام الباب
ادي معاك زوج صور شهادة الميلاد نسخة من اليبلم نسخة من كارت مندوفر بطاقة الاعفاء نسخة من بطاقة التعريف

=========


>>>> الرد الثالث :

c facile makane walou nchalah tjouz biiiiiien

=========


>>>> الرد الرابع :

الاستمارة
فيها معلوماتك ويسقسيوك على معلومات والديك الديبلوم تاعك .........شحال فوت من عام في الليسي واش من ديبلوم عندك خارج الجامعة........والميموار تاعك.....
بالنسبة للمقابلة الشفوية: أول شيء هو يقولك تكلم عن نفسك وعلى الدراسة تاعك يسقسيك على الميموار ماهو المبلغ الذي تطمح له...لماذا اخترت شركة سونطراك.....ماهي أمنيتك في الحياة....
لأي معلومات أخرى عيط لي في هدا الرقم: 0663-44-39-69

=========


>>>> الرد الخامس :

استمارة عادية جدا ونقولك حاجة راهم يفهموك فيها وتقدر تسول لي بحذاك وكلش نورمال
اما المقابلة الشفوية يسقسيك وش اكتبت في الاستمارة هذا مكان المقابلة عادية جدا
ملاحظة برك اذا ماعندكش سورسي غير روح دبر سورسي هذا هو كلش ورايح يدعمك في النجاح
اما بالنسة للناجحين انهم يتلقوا تكوين لمدة عام وفي النهاية تقدم على شكل مذكرة
واومبعد تترسم للمنصب نتاعك

وبالتوفيق ليك ولينا انشاء الله

=========


هل المقابلة بالفرنسية او بالعربية


أخي من فضلكم كيفآه درتو بش عيطولكم please

المشاركة الأصلية كتبت بواسطة aeksba
هل المقابلة بالفرنسية او بالعربية

في زوج عربي فرنسي و كيما تحب هدرة نورمال

المشاركة الأصلية كتبت بواسطة amiminou
أخي من فضلكم كيفآه درتو بش عيطولكم please

سونطراك بعثت في جويلية للوكالة نتاع الجنوب فقط
سجلنا ودرنا تاست الاول في حاسي مسعود في رمضان
والثاني هذه الايام في بومرداس

شكرا خويا مخادمة