عنوان الموضوع : السفر إلى الخارج والخدمة الوطنية
مقدم من طرف منتديات العندليب

السلام عليكم اخواني


في مارس 2015 وصلني الاستدعاء الثاني ولكني لم اذهب


في شهر جوان القادم انوي السفر إلى فرنسا للسياحة


هل يسمح لي المرور بالمطار بدون سورسي او بطاقة اعفاء

أقصد في المطار هل أستطيع المرور بدون اي مشكل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ادي تولي روشارشي اذا جاك الثاني
لازم تسوي وضعيتك مع الدولة و العسكر و لو بسورسي
ولا الرشاوي راك فاهم بلادنا العوجة

=========


>>>> الرد الثاني :

اذا ماش راك روشارشي راح تفوت نورمال

=========


>>>> الرد الثالث :

اذا كان هذا الاستدعاء مرفق بأمر الالتحاق فاحتمال كبير في شهر جوان تصبح مبحوث عنه لذا حذاري.


=========


>>>> الرد الرابع :

الاستدعاء الثاني الدي معه امر بالالتحاق هو الاستدعاء الاخير
وادا مارحتش رح تكون عااصي . وانت وزهرك ويكتا يصدر الامر وتكون مبحوث عنك .. كاين الي بسرعة يصدر الامر بالبحث عنو وكاين لي يطول
في المطار ما يحوسوش عليك ادا عندك سورسي ولا اعفاء ما عندهم حتى دخل .. لكن ادا كان مبحوث عنك ثم يشدوك
انا صاحبي كيما حكاية سبتمبر الي فات الاستدعاء الاخير
والسمانة الي فاتت كان رايح لفرنسا قبضوه في المطار .3 ايام في محجوز في باب الزوار واليوم الرابع بعثوه للبليدة
نصيحة لازم تتاكد قبل ما تقرر تخرج وتروح للمطار
لانو ادا قبضو عليك رح تتشوكا ويجيك واحد الاحباط
. والله غير صرات لصاحبي كرهت حياتو . تكون خارج من الدزاير وتبقى 3 ايام في الحبس صعيبة شوي
ربي يسهلك انشاء الله خويا

=========


>>>> الرد الخامس :

مديرش الأمان
أنت الان عاصي و ممكن جدا تخرج روشارشي..ويتم القبض عليك
عليك بالتريث قليلا
+
إذا كان لديك معارف في الشرطة فإسال قبل أن تخرج

=========