عنوان الموضوع : لمن لايريد تادية الخدعة الوطنية
مقدم من طرف منتديات العندليب

السلام عليكم اولا انا قد اديت هذه الخدعة و الحمد لله انا حي ارزق
فاقول لاخوتي كما قلت لاصدقائي اذا كنت تاكل على معريفة متينة مش خداعة روح هرب من العسكر واذا كنت تاكل على دوسي عائلي روح هرب واذا كنت متيقن بلي تدي الاعفاء روح هرب
واذا ياخويا ماعندك حتى حاجة من هاذو والله منسوا عفس عليها كي تدخل تندم وتكره وتحسبلها بالنهار واليوم يفوتو عام وشهرية مليحة مش كيما حنا عام ونص شهرية متكفيش و كي تكمل تحس جبل قلعتو وتولي بقدرك متخاف من باراج جوندارم متبقا تستنا دايمن يجيو يرفدوك كي الكلب اكرمكم الله من الدار فوتناها بالقدر حكم قولك حتى واحد مايوصلك واليوم حمد الله نمشي رافع راسي و نبغي نبدا نخدم نبدا بلا ما نخاف
معلومة مهمة, يقولو الباب اللي يجيك منو الريح سدو و ستريح انا كي كملت لقراية مشيت عندهوم برجلي وقلتلهوم باغي نركب واليوم راه عندي قريب عام ملي كملت و متخممش تخمام عوج تقول غي حشوة وضياعة ولي بعرفو ميفوتهاش ووووووو خمم بعقلك بسك هاذ الهدرة متعطيكش الاعفاء راك غي تزيد تكبر و في الاخير تفوتها مع ولادك تتميزر
وحاجة ثانية مديرش على هدرة الناس بسك ان 98 في المئة من صحابي قالولي متروحش و اليوم هما حاصلين ونا الحمد لله والخدمة راك مسلم وامن باالقضاء و القدر
عفوا عل الطالة
للعلم فقط فوتها ف تندوف سلاح النقل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك اخي لول شيء اصلي صلاة الاستخارة واتوكل على الله و الكاتبة تلحق و الخيرة فيما اختار الله و ان ئاء الله ربي يبعدها علينا

=========


>>>> الرد الثاني :

بصح كاين صحابك لي خرجو فائض ولا لا ؟

=========


>>>> الرد الثالث :

خويا الايكو ياك قلتلك بلي فتلمسان حكمونا قع وزدولنا عشرة منطفراوي وهران يعني فالثكنة هذي الدفعة تاعي مكنش فائض كاين اما اعفاء لسبب طبي وهم قلة وكاين اللي عطاوه سورسي والبقية فوتتها
اما صحابي من برا فكما ذكرت البرومو تعي تع الجامعة فوتناها حنا ثلاثة برك ومطلقوناش والبقية درك كي نعيطلهوم اغلبه راه عاصي بسك جاتو ثلاث مرات وممشاوش وكاين وحد طلقوه لسبب طبي داير اوبيراسيون ووحد برومو تع ثانوية طلقوه فائض فالحراش بصح كبير شوية ومكنش انسومي
هذي هي يعني اغلب صحابي راهوم انسومي علابيها راني ناكدلكم باه متكونش كيفهم وصدقوني نفس لكلام اللي قلتولكم نفسو قلتولهم باه نديرلهم الكوراج بصح قع الشباب تفكر تفكير وحد بغيين يديو قع الاعفاء بسهولة امالا ستناو قرار العفو الشامل عن جميع الشباب والله الموفق

=========


>>>> الرد الرابع :

ربي يجيب اللي فيه الخيييير ان شاء الله

=========


>>>> الرد الخامس :

المشاركة الأصلية كتبت بواسطة just do it
السلام عليكم اولا انا قد اديت هذه الخدعة و الحمد لله انا حي ارزق
فاقول لاخوتي كما قلت لاصدقائي اذا كنت تاكل على معريفة متينة مش خداعة روح هرب من العسكر واذا كنت تاكل على دوسي عائلي روح هرب واذا كنت متيقن بلي تدي الاعفاء روح هرب
واذا ياخويا ماعندك حتى حاجة من هاذو والله منسوا عفس عليها كي تدخل تندم وتكره وتحسبلها بالنهار واليوم يفوتو عام وشهرية مليحة مش كيما حنا عام ونص شهرية متكفيش و كي تكمل تحس جبل قلعتو وتولي بقدرك متخاف من باراج جوندارم متبقا تستنا دايمن يجيو يرفدوك كي الكلب اكرمكم الله من الدار فوتناها بالقدر حكم قولك حتى واحد مايوصلك واليوم حمد الله نمشي رافع راسي و نبغي نبدا نخدم نبدا بلا ما نخاف
معلومة مهمة, يقولو الباب اللي يجيك منو الريح سدو و ستريح انا كي كملت لقراية مشيت عندهوم برجلي وقلتلهوم باغي نركب واليوم راه عندي قريب عام ملي كملت و متخممش تخمام عوج تقول غي حشوة وضياعة ولي بعرفو ميفوتهاش ووووووو خمم بعقلك بسك هاذ الهدرة متعطيكش الاعفاء راك غي تزيد تكبر و في الاخير تفوتها مع ولادك تتميزر
وحاجة ثانية مديرش على هدرة الناس بسك ان 98 في المئة من صحابي قالولي متروحش و اليوم هما حاصلين ونا الحمد لله والخدمة راك مسلم وامن باالقضاء و القدر
عفوا عل الطالة
للعلم فقط فوتها ف تندوف سلاح النقل

يا حبيبنا ... مفهمتكش راك مشغول بالناس لي مجاوزتش بزاف .... راني نشوف المواضيع تاعك في المنتدى ... على حساب شوفة نت راك جاوزت العسكر و thanit منهم علاه عليك هاد الحالة جاع ؛؛؛ كل ماندخل نلقى حاجة تاعك و دير بزاف ELBLABLA .... يا أخي الواحد راهو حصل مع روحو لوكان قدرنا رانا جوزناه.... الله غالب كل واحد و ضروف ؛؛؛ يلا كاين حاجة تفيد صحة بصح يلا دير مواضيع باش ناس يوليو يعرفوك روح شوف بلاس أخرى هنا كل واحد و همو... بتوفيق

=========


ياجماعةن وحد مايدبر عليكم هدا مستقبلكم ، راكم ضيعوا في وقتكم العام لي يروح مايرجعش اتكلوا على ربي اوروحوا احسن لكم ، انا كنت نقول مانروحش ومبعد قيت روحي فاتني العمر والخدمة وروحت والحمد لله خرجت باللاعفاء . ربي يوفقكم ان شاء الله وتخرجوا باالاعفاء


المشاركة الأصلية كتبت بواسطة serza
ياجماعةن وحد مايدبر عليكم هدا مستقبلكم ، راكم ضيعوا في وقتكم العام لي يروح مايرجعش اتكلوا على ربي اوروحوا احسن لكم ، انا كنت نقول مانروحش ومبعد قيت روحي فاتني العمر والخدمة وروحت والحمد لله خرجت باللاعفاء . ربي يوفقكم ان شاء الله وتخرجوا باالاعفاء



هل الفتيات يجوزو العسكر ؟؟؟

المشاركة الأصلية كتبت بواسطة serza
ياجماعةن وحد مايدبر عليكم هدا مستقبلكم ، راكم ضيعوا في وقتكم العام لي يروح مايرجعش اتكلوا على ربي اوروحوا احسن لكم ، انا كنت نقول مانروحش ومبعد قيت روحي فاتني العمر والخدمة وروحت والحمد لله خرجت باللاعفاء . ربي يوفقكم ان شاء الله وتخرجوا باالاعفاء

واش من مستقبل في العسكر ... في كلتا الحالتين ... الخدمة المليحة بالمعارف ... انشاله ربي يهني كل واحد راه حصل مع هاد لحكاية تاع العسكر بيمن فيهم خوكم ... السلام

ربي يسلكنا على خير والله كلامه صحيح كل عام نقولو فيها اعفاء ويطلقونا رانا نضيعوا في وقتنا واعمارنا برك نروحو نديرو حل لرواحنا خير

كل واحد و مكتوبوا نعرف واحد جوز الخدمه العسكريه و راه 4 سنين بطال بينما زميله في الدفعه لم يلتحق و اختار العمل و التهرب حتى نال الإعفاء و دار التاويل و اخينا اللي جوزهم جا و حكم الحيط الى يومنا هذا