عنوان الموضوع : رايج ندير سورسي لقيت روحي روشارشي...بعض النقاط للتوضيح من فضلكم
مقدم من طرف منتديات العندليب

السلام عليكم و رحمة الله تعالى و بركاته
ليوم 27 اكتوبر
رحت لباب الواد ... ندير سورسي ... شهادة مدرسية ماستر علما اني ليسانسيي (كلاسيك)
رحت افي الدخلة تاع الصيف ...قالي ارجع في سبتمبر لانه خلاص وقت السورسي ضرك في سبتمر يعارواح
المهم
في اواخر اوت حوست اسكو راني روسارشي لقيت روحي لالا وخرجت من البلاد و رحعت عادي عبر المطار
ليوم رحت رحت ندير سورسي قالي راك في لاروشارش ....
عطاوني ضرف الى الشيد وكيل الجمهورية لدى مالمحكمة العسكرية البليدة........مغلوقة ومكاشيا مختومة يعني مانفتحهاش..
علما اني اخر استدعاء جا معاه امر باللحاق (الورقة البيضاء)
...

ليوم اللي مجرب هل كي نروح للمحكمة يعكوني سورسي؟؟
معلومة هاااااااااااامة نقرا في isgp للي عندو علم في هدي النقطة اسكو يمدو سورسي بالسارتافيكا تاعهم
و شكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

من تم من المحكمة يهزوك انصحك ماتروحش

=========


>>>> الرد الثاني :

المشاركة الأصلية كتبت بواسطة mohamedsport
من تم من المحكمة يهزوك انصحك ماتروحش

و كون يهزوني علفلا اساس عاصي و نتعاقب بلاك بالحرمان من القراد اللي لازم؟؟

=========


>>>> الرد الثالث :

والحل كيفاش مثلا..

=========


>>>> الرد الرابع :

روح للمحكمة وخذ معك أي شيئ ........ والا سيحكم عليك غيابيا و تتعقد الامور .

=========


>>>> الرد الخامس :

نعم أخي، كنت روشارشي، في مارس السابق، رحت للمكتب الخاص بنا في باتنة، قتلهم اعطيولي mise en route نروح للمحكمة العسكرية (احنا في قسنطينة)، قالولي علاه، قتلهم روشارشي، اعطاولي الورقة في ظرف مسكوتشي، رحت للمحكمة العسكرية (في مارس قبل اسبوع من الانتخابات)

هذي هي تجربتي مع المحكمة العسكرية:
ما احكاش معانا البروكيرور اصلا، كل مدة يجيو يعيطو لعشرة الى عشرين نوقفو في الرواق، يخرج البروكيرور يقولنا (شوفو شباب، لي مريض يهز ملف طبي في يدو، لي كفالة يهز الملف في يدو، لي يقرا يهز في يدو زوج شهادات مدرسية -بالطبع فوتوكوبي-، و توقف في الصف تسنا في دالتك، توصل دالتك تعطيه الملف و يرجعوك لقاعة الانتظار

كانت عندي شهادة مدرسية، قلت للبروكيرور باغي نعقب، قالي ممنوع، قادر نخليك تروح تعقب عادي، مصح امبعد يفيقولك بلي مازلت تقرا يعقبوك للشرع -تصريح خاطئ-، اعطالي بلوف و قالي اديه للمكتب انتاعكم يخدمولك سورسي

بالطبع حتى أنا كي حوست في الانترنت قبل مانروح، القيت نفس الحكايات لي يقولوهملك، بلي لازملك ملف قاوي و لسان حار -تعرف تحكي و تشكي- ماش تمنع منهم، على هذاك الأساس اديت الشهادات المدرسية و دبربت شوي على حوارات لي قادر يصراو و كيفاه راح نتفاعل معاهم هكل ماش نبرر العوام لي فاتو واش كنت ندير ماش على الأقل مايبعثونيش نعقب عاصي، هاك تشوف النتيجة زي خلاف

و الله أعلم أخي، ياخي تعرف الأوضاع في الجزائر، كل مرة واش يطبقوا

حظ موفق أخي


=========


المشاركة الأصلية كتبت بواسطة أخ المسلمين
نعم أخي، كنت روشارشي، في مارس السابق، رحت للمكتب الخاص بنا في باتنة، قتلهم اعطيولي mise en route نروح للمحكمة العسكرية (احنا في قسنطينة)، قالولي علاه، قتلهم روشارشي، اعطاولي الورقة في ظرف مسكوتشي، رحت للمحكمة العسكرية (في مارس قبل اسبوع من الانتخابات)

هذي هي تجربتي مع المحكمة العسكرية:
ما احكاش معانا البروكيرور اصلا، كل مدة يجيو يعيطو لعشرة الى عشرين نوقفو في الرواق، يخرج البروكيرور يقولنا (شوفو شباب، لي مريض يهز ملف طبي في يدو، لي كفالة يهز الملف في يدو، لي يقرا يهز في يدو زوج شهادات مدرسية -بالطبع فوتوكوبي-، و توقف في الصف تسنا في دالتك، توصل دالتك تعطيه الملف و يرجعوك لقاعة الانتظار

كانت عندي شهادة مدرسية، قلت للبروكيرور باغي نعقب، قالي ممنوع، قادر نخليك تروح تعقب عادي، مصح امبعد يفيقولك بلي مازلت تقرا يعقبوك للشرع -تصريح خاطئ-، اعطالي بلوف و قالي اديه للمكتب انتاعكم يخدمولك سورسي

بالطبع حتى أنا كي حوست في الانترنت قبل مانروح، القيت نفس الحكايات لي يقولوهملك، بلي لازملك ملف قاوي و لسان حار -تعرف تحكي و تشكي- ماش تمنع منهم، على هذاك الأساس اديت الشهادات المدرسية و دبربت شوي على حوارات لي قادر يصراو و كيفاه راح نتفاعل معاهم هكل ماش نبرر العوام لي فاتو واش كنت ندير ماش على الأقل مايبعثونيش نعقب عاصي، هاك تشوف النتيجة زي خلاف

و الله أعلم أخي، ياخي تعرف الأوضاع في الجزائر، كل مرة واش يطبقوا

حظ موفق أخي

ا
خي اظنك تخلط بين امور فحالتك لو سألتني قبل ما تروح نعطيك نفس الاجابة

لما تروح للمحكمة ولديك اثبات انك تدرس و ذلك اثبات اعلى من شهادة مثل صاحب موضوع وكيل محكمة يعطيك برأة في نفس يوم بلا مزيتو لانه دراسة اقوى سبب باش تدي سوري هذي نقطة

النقطة الثانية هي لي راك تحكي عليهم يشكطو اصحاب ملفات طبية وكفالة لان اي خطأ في ملفهم يعني التجنيد المباشر

بنسبة للصاحب موضوع ادي شهادة مدرسية ورح عادي ينحولك صفة عاصي وارجع للمكتب التجنيد يخدمولك سورسي


يعطيكم الصحة خاوتي ...شكرا لكم هذا الكلام اللي كنت حاب نسمعو.....جزاكم الله خيرا

ياوحد ميخلعك
+
وجد دوسي ميديكال ولا كفالة وروح ليهم
المهم تسو ي وضعيتك
+
غذا شدو عيك دوسي يعطوك ورقة تشبه لسورسي في شكل إستدعاء
+
تواصل معي هنا
يمكنني ان أفيدك
مثبــت: ||¬أهــــــ هنـا التـرحيب بالأعضاء ـــــلا ً أسئلة +إستفسـارات ¬|| ‏( 1 2 3 ... الصفحة الأخيرة)