عنوان الموضوع : المدرسة التطبيقية للهندسة -بجــاية- هل من معلومات؟؟ مسابقة جديدة
مقدم من طرف منتديات العندليب

السلام عليكم ورحمة الله تعالى و بركاته
انا من مواليد 1985 متزوج و اب لطفلة عندي استدعاء يوم 15/01/2015 الى المدرسة التطبيقية للهندسة -بجــاية-
هل من معلومات عن المدرسة
من حيث الفائض (هل المدرسة تجند الملتحقين الاوائل ام الاواخر ** يعني نروح مع 15 جانفي و لا ندير الروطار**)
ماهي حظوظ الفائض بالنسبة للمتزوجين و الكبار في السن)
بارك الله فيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة houssam_setif
السلام عليكم ورحمة الله تعالى و بركاته
انا من مواليد 1985 متزوج و اب لطفلة عندي استدعاء يوم 15/01/2015 الى المدرسة التطبيقية للهندسة -بجــاية-
هل من معلومات عن المدرسة
من حيث الفائض (هل المدرسة تجند الملتحقين الاوائل ام الاواخر ** يعني نروح مع 15 جانفي و لا ندير الروطار**)
ماهي حظوظ الفائض بالنسبة للمتزوجين و الكبار في السن)
بارك الله فيكم

يا اخي انا متزوج وكنت هناك في دفعة سبتمبر و خرجت معفى مؤقت
شوف كون تروح في الأربعة او الخمسة ايام الاولى يلبسوك لانو ميكونش عندهم ليخدم خدمات المحيط و الاطعام بما انا الدفعة السابقة خلصت صطاج لكن بما انك متزوج و اب الله يبارك ماضنيتش يلبسوك الا رحت بكري راك رايح تتمرمد و توكل العيش بارد بالخبز الصابح و تسوفري مع البرد وتحية العلم و دير الصف و سورتي جنرال كل خطرة راك تهبل تقدر تروح جوايه ال 20 من نفس الشهر و ربي معاك

=========


>>>> الرد الثاني :

بارك الله فيك اخي
ربي يفرج همنا ان شاء الله
نصيحة من اخوكم لي جاتو اورد ابال غير يروح يفوت ما يغلطش غلطتنا نستناو فالاعفاء
انا من ضحايا قانون الاعفاء 2011 (دفعة 2009) عطاوني (انا و الالاف مثلي) استداءات ب 6 اشهر باه نهزو ركارت جون و من بعد دارو علينا لقينا رواحنا بين ليلة وضحاها عصاة بعد المرور على المحكمة العسكرية سنة 2011استفدت من حكم البراءة كوني متزوج و الذكر الوحيد فالعائلة (عندي اخ منخرط في صفوف الدرك الوطني) لاتفاجأ بعد اشهر برفظ ملفي من العاصمة
بعد ذلك خرجتلي اردبال في مارس الماضي (2014) الى مدرسة المعتمدية البليدة ولم اذهب
الان (2015) مدرسة الهندسة بجاية
ربي يهنينا اجمعين من هذا المشكل الكبير
سطايفي 1986 بارك الله فيك

=========


>>>> الرد الثالث :

انت رايح يا الاخ سطايفي

=========


>>>> الرد الرابع :

Center]اولا السلام عليكم
اخي عندي سؤال وان شاء الله رايح انصيبو عندك
انا من مواليد ١٩٨٤الشهر الاول اي ٣٠ سنة
وكان عندي مشكل مع الخدمة الوطنية
حكموني او اداوني لبليدة كعاصي حاكمولي او ممبعد
قتلهم بلي مريض شكيت شوية قالولي جيب الدوسي انتاعك
كي اديت الدوسي فوتولي لفزيت على المرض
مي قالولي على شهر ولي مي انا موليتش العندهم
والان عندي حوالي سبعة اشهر وانا معلق الى انجاء العفو
حبيت نعرف الا العفو اقيس كل من بلغ الثلاثين ام به استثناءات
تقبل تحياتي اخي وشكرا واسف ان ازعجتك بمشكلتي [/center]

=========


>>>> الرد الخامس :

يا اخي القانون يشمل كل من لحق 30 سنة قبل 31 ديسمبر 1984 حتى العصاة

ان شاء الله اعفاء

=========


المشاركة الأصلية كتبت بواسطة mbsc10
انت رايح يا الاخ سطايفي

ان شاء الله رايح و ربي يفرج علينا