عنوان الموضوع : وينتس يابنيتي ماعاد اشوفتس اختفيتي !!- عالم السياحة
مقدم من طرف منتديات العندليب

وينتس يابنيتي ماعاد اشوفتس اختفيتي !!



هذا امي اول مادخلنا المطعم تحسب اللمبات خربانه وانا اقول لها ياميمتي هو تسذا وش بلاتس قالت يلعبون عليكم مايبون يصرفون كهرب وقالوا يالله نقول ذي حركه مسوينها خل عنتس بس والله انه ملعوبن عليكم واخوتس هالخبل مغير يدفع ويمشي يازين بويتي بس انواره زينه الا لمبات الحوش مكسره من عيال الجيران جعل امر الله يرقع بهم .. وبتلت امي تسب فينا واخوي اللي جابنا في ذا اللي مطفيه انواره على قولته اميمتي لين وصلنا للقعده وجازت لها اشوى ان قعدتهم ارضيه والا كان ذبتني انا واخواني في ذا النوافير اللي ترش ..
هذي مقدمه --> تسمع بالمقدمات هي وخشتها ..
السلام عليكم .. شلونكم عساكم طيبين --> بدري فمان الله ..
تخبرون ياطويلين العمر اللي مايروح ولا يجي الا بطلعه الروح يوثق كلش بالصور وهذي حالتنا انا واختي كنا ماشفنا خير لو الحمامات نصورها ونقول شوفوا هالحمام اللي كنه مجلس حريم ..
مالكم بالطويله خلنا بالقصيره ونخش بالصور على طول قبل يطفى الاتصال ويروح موضوعي بح ..



طبعا ذا المطعم يصلح لرجال وحرمته مايبي له قشه بزارين وجيش حريم وثلاث رجاجيل متوهقين فينا ودهم يخلونا فيه ويهجون بس رحموا حق الاستقبال الضعيف ..



ياحلاه من جا مسرع وذبتس وخلى ذا الكهرب يرقلتس رقل --> هذا اخوي يناظرني ويقول بنفسه هالحتسي ..



توصيل طلبات رجليه ..
ياعزتي له ابو هنود ياانه مكروف كرف وتلقون راتبه طفسه ..





ولا باريس ..



اخواني الضعوف مالقوا يلعبون الا الهوكي وانا مغير اصورهم ويلقطون التسممره مني ويمسحون الصور ..
من زين هالخشش عاد عشان احطكم بتسمرتي
--> طالعين عليتس ياشينه الحلايا ..


فاز التسلب ننبر تو ..


طلعت وقعدت اشوف هالمصاريه واقول بنفسي ايييييييه ماحصلها الا ذا الاجانب في كل رقعه تلقينهم مالت علينا بس مصكوكن علينا بذا البيت مانشوف الدنيا والناس والسعه الصدر لو اروح البرحه عادي اهم شي نغير جو .. --> مسيكينه ..
تعبت ورحت ادخل لعشتنا ..
ومغير تشك تشك وامي تقول الله لايبارتس في ذا اللي شرى لتس التسمره ..



مايمديكم ابد ع اللوحه بغيت اقشعها واحطها في صالتنا ..


وجار وتلفزيون يسمعون بالتمدن ..
مير هالتلفزيون محد يمه مدري وشوله اخوي مستاجر وحده فيها تلفزيون لا به مباره ولا شي بس خساير ..



حتى السقف ماخليته في حاله اهم شي المكيف الصحراوي اللي ينفخ في دميجتس لين يصكتس راستس ..


ذي ورقه الطلبات وش تبون بس طبو وتخيرو لو الذبايح عندهم --> بلا فقش ..
اهم شي الزولية يوم شافتها امي قالت قومي اسئليهم قولي منين شاريها عشان اشتري وحدتن مثلها واحطها بالملحق بدال هالانجيله كنها ساحه مدرسة اهلية ..
امي قالت مابي الا رزيزه وانا قلت ابي اي شي لو خبزه بجبنه راضيه فيها --> ميب مصدقه انها طالعه ..
وصل العشاء .. طبعا اخواني الدلوخ عيو ياكلون معنا بما اني قالطه لانهم يقولون مانقدر ناكل ونقابل وجهتس اللي يجيب الغثيان .. ساد توفرون متسان ..


باين من تعفيطه السماط ان الهجوم عنيف للغايه ..



سمك معفط ..

عصير بالتفاح يغت ع التسبد حاار تسنه مطبوخ على نار هاديه ..


الشفاحه لاعبتن بنا لعب ..
هذا لون اللي مايعرف شي اسمه شوكه حده ياكل بيده ويخب ..






هالمكرونه تجيب العافية ..
بس لو ذا المكيف الصحراوي ماينفخ فيها لين غدت قوالب ثلج ..


رزيزه اميمتي ..
جعل عمرها طويل ..
ماخليتها تاكل الا لين اصور شوفوا بقايا الرز ع الملعقه ..
--> جتها كم صمخه ولا تتوب ..


صدز لاقالوا الحريم يحوقون السفره حوق رحت شفت سفره الرجاجيل مرتبه كنهم ماكلوا شي .. لاتقولون عشان البزران ذا التبن اللي قاعد على جنب توه يجي ياكل ..


ههههههههههههههههههههههههههههههههههه رحمت الورق عنب وقسم .. لو انه ادمي شق جيبه وهج ..









فيهم عرق ذا الحواطى اجل بنضف السفره اقولهم لاتضفون ويقولون لا فشيله يدخلون ابو شكيب وربعه وحنا بحوستنا .. بكيفكم التعب عليكم موب علي ياشين اللي مسوين لي فيها سنعات وهم مايدلون درب السناعه --> لاياشيخه ..
يالله نتغر بصوت واحد بووووع.. --> لازم يعني تحومين تسبودهم ماتصبرين ..


ياحلاه من غطس رجيلاته بذا البرتسه ..




يالله عاد بضف وجهي اشوفكم على خير بتقرير ثاني ان شاء الله لين حجيت على قروني .. --> معترفه انتس بقره ..
حيآ الله من زآر وخفف ..

فمآن الله ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبه قلبى حاسه موضوعك دمه خفيف بس تانى هنا اصعب كتير من العمه الشريرة ههههههههههههه
وعدتينى هناك تترجميلى
خدى عندك واوعى تزهقى منى حابه افهمك
البرتسه
تسبودهم
سنعات
يحوقون
الحواطى
صمخه
الشفاحة
معفط
الزوليه
الانجيلة
اقشعها
البرحه
التسمرة
فاز التسلب ننبر تو ..
هالخشش
مكروف
طفسه
هالحتسي




اوعى تطنشينى

__________________________________________________ __________

>>>> الرد الثاني :

المشاركة الأصلية كتبت بواسطة FLASHINGMIDO
حبيبه قلبى حاسه موضوعك دمه خفيف بس تانى هنا اصعب كتير من العمه الشريرة ههههههههههههه
وعدتينى هناك تترجميلى
خدى عندك واوعى تزهقى منى حابه افهمك
البرتسه
تسبودهم
سنعات
يحوقون
الحواطى
صمخه
الشفاحة
معفط
الزوليه
الانجيلة
اقشعها
البرحه
التسمرة
فاز التسلب ننبر تو ..
هالخشش
مكروف
طفسه
هالحتسي




اوعى تطنشينى

ههههههههههههههههههاي
يابعد قلبي انتي
ولايهمس ابشرحها لس كولها ولايهمس
حاولت ادلعس بس اسمس عنقليزي ماعرفت اقراه وانا اختس

نبدأ نترجم..

البرتسه>> البركة حقت الموية النافورة يعني
تسبودهم>> يعني الكبد بس صيغة جمع
سنعات>> يعني شاطرات
يحوقون>> يعني ياخذون او ياكلون كل شي
الحواطى>> يعني البدو
صمخه>> غبيه ماتسمع
الشفاحة>> يعني مشفوح بالله هذي كيف اترجمها امممم يعني نفسه واسعة للاكل
معفط>> يعني مومرتب
الزوليه>> السجادة
الانجيلة>> السجادة اللي من بلاستيك
اقشعها>> اشيلها من مكانها
البرحه>>الارض الفضاء
التسمرة>> الكاميرا
فاز التسلب ننبر تو .. >> فاز الكلب نمبر 2 اثنين
هالخشش>> هالاشكال
مكروف>> يعني مشغلينه وبالع العافية من التعب
طفسه>> يعني قليل مررررة
هالحتسي>> هالكلام


__________________________________________________ __________

>>>> الرد الثالث :

ههههههههههههههههههههههههههههه
يا قلبى عليكى يا سعوديه
اموت فيكم وحياة ربنا وادور على مقاطعكم على اليوتيب
خفه دم تجنن ربى يحفظك انتى وعيلتك وارضك
تخبوا ورا العبايات السودا قلوب انقى من لبن الحليب
تعبتك كتيييييييير ف الترجمه
بس معظم اللى مفهمتوش من كلامك عشان الكاف تقوليها تس
بالهنا والشفا على قلوبكم
ربنا يسعدكم ويبارك فيكم
على فكرة يا قلبى طظ ف الانجليزى
اسمى امانى مصريه

__________________________________________________ __________

>>>> الرد الرابع :

هههههههههههههههههههههههههههههههههاي
الله يسعدك

__________________________________________________ __________

>>>> الرد الخامس :

تقريرك حلوووو ومهضوووم

يعطيس العافية حبيبتي على هل الموضوع الخفيف..وعلى الترجمة الحلوة

اانا بحب يلي بيحكوا بالـــ تس بيطلع الحكي خفيف وغريب يعني شي تاني

بانتظار تقاريرك القادمة ياقمر