عنوان الموضوع : مكياج بسيط [طلتي الخاصه للمناسبات المهمه] تسريحات و مكياج عصرية
مقدم من طرف منتديات العندليب

مكياج بسيط [طلتي الخاصه للمناسبات المهمه]



بسم الله الرحمن الرحيم ..

حبيباتي شلونكم .. اتمنى تكونون بخير ..
كثير هالمنتدى قدملي .. و و الله احبكم كلكم في الله ..
و اليوم ودي اقدم لكم طلتي البسيييطه مره الخاصه فيني .. اسويها بالمناسبات المرررره مهمه .. و كلللله يعلقون لي عليها .. و اي احد يقول اني طالعه تحفه مع اني تقريباً مو حاطه اي مكياج ابد
هي مررره بسيطه و عشان كذا تكون تغيير للبنات اللي يحبون الميك اب و كذا .. و تحسين انك مرتاحه بنفس الوقت ..
سويتها اول مره بالحفل الافتتاحي لمؤتمر عندنا بالجامعه .. و بعد ما الكل علق عليها و حبها سويتها بخطوبتي ..

طيب نبدا ..
اول شي قبل الليله نفسها بتستعدين نفسياً انك راح تطلعين قمر و احلى واحده ان شاء الله .. و هالايمان لحاله مع الثقه راح يخلونك من جد تطلعين مثل الاميره ..
اعتني ببشرتك قبل فتره بالتنظيف و السكربز و الماسكات و كذا .. لأنها قبل كل شي تعتمد على ان البشره تكون نظيفه و نضره .. انا عن نفسي قبلها بيومين بسوي فيشل كامل لوجهي .. قبل لا اشيل شعر وجهي .. و اليوم الثاني بشيل شعر وجهي عشان اخلي وقت وجهي يخف الاحمرار حق الشيل و كذا ..
في نفس اليوم :-
حاولي لا تتعرضين للشمس ابد .. و لا للحر .. اذا ممكن تكونين بالمكيف كل اليوم يكون احسن ما سويتي .. بعدها اطحني حبتين بندول .. و حطي عليهم معلقتين زبادي .. اخلطيهم مررره كويس و خليهم بالثلاجه ربع ساعه .. بعدها حطيها على وجهك لين تنشف و اغسليها بالراااحه .. بعد ما تخلصين اذا بشرتك جافه رطبيها .. اذا دهنيه خليها .. انا عن نفسي بشرتي عاديه و اخليها بعد الزبادي ما اسوي كريم مرطب .. بعد شوي لحالها تصير عادي ..
اغسلي وجهك بالماء البارد كل شوي .. و اذا عندك حبوب من الجو او كذا اغسلي وجهك بالصابون اللي تحبينه و تستعملينه و قبل لا تغسلينه بالماي حطي معجون اسنان على الحبوب .. خليه عشر دقايق بعدين اغسليه .. انا عن نفسي استعمل كلوز اب .. جربت سقنال مره و حسيت الحبوب برزت اكثر ما حبيته ..
اجلسي شوي بعدين عيدي الزبادي .. حاولي تحطينه كم مره باليوم على وجهك لأنه يخلي البشره تسترخي و تروق .. و تحسين كأنك صاحيه من النوم .. اجمل وقت تكون فيه البشره ..
بعد استعمل الكريم المنظف من كلين اند كلير .. اشتريت الغسول بس ما حبيته احسه يجفف البشره اكثر من اللزوم .. بس اذا بشرتك دهنيه بيطلع حلو عليك .. خصوصاً انه يوقف اللمعان و يمحيه تماماً كل اليوم .. بس لا تستعملينه اكثر من مره باليوم .. كنت مهووسه بمنتجات كلين اند كلير و كانت مره تنفع مع بشرتي بس اختي قالت لي انها تضر البشره بعد فتره و عشان كذا وقفتها ..

الميك اب :-
بعد ما وجهك بقى ما شاء الله رايق و نظيف .. بندخل بالميك اب و التسريحه ..

للميك اب بتحتاجين :-

1- كريم اساس مميز .. بتختارينه بحيث انه يبين مررررره طبيعي كأنك مو حاطه شي و بنفس الوقت يأمن لك تغطيه حلوه .. انا شخصياً استعمل كريم اساس 207 من flormar .. دورت له صوره بالنت و ما لقيت .. المهم استعملي كريم الاساس اللي ترتاحين له و تحسينه حلو و يناسبك .. لأن اهم شي بهالطله انك تكونين مرتاحه مع نفسك

2- كونسيلر من درجه تناسبك .. و بعد اهم شي انه يبين طبيعي .. لأن قلنا ان سر الطله هو انك تظهرين طبيعيه و كأنك مو حاطه ميك اب .. للهالات السود اذا فيه .. للتجاعيد الصغيره .. للاحمرار .. للحبوب المحمره .. و كذا ..
انا استعمل قلم الكونسيلر حق golden rose

مره حلو و سهل التحكم فيه و يعطيك تغطيه ممتازه ..

3 - بودره .. سايبه او مضغوطه ما تفرق .. اهم شي مثل ما قلنا انها تبين طبيعيه و تناسبك .. و ماااا تغير لونك .. حذاري ثم حذاري تحاولين تستعملين درجه افتح من لونك عشان تظهرين فاتحه .. كذا بتخربين كل شي و بتخربين اللوك و كل شي .. لازم نفس درجتك .. اذا مختلفه عنها تكون اغمق بدرجه .. لأن البودره الغامقه تبين الوجه انظف و تغطي عيوبه .. على عكس البودره الفاتحه اللي تبرز العيوب ..
انا استعمل بودرة MAC السايبه .. استعمل درجه اغمق من درجتي لأنها تظهر طبيعيه و تظهر بشرتي مررره حلوه و نظيفه و خاليه من الشوائب
[IMG]https://www.moderncosmetics.com/wp-**************/uploads/2016/07/mac-powder.jpg[/IMG]

4- كريم اخفاء حواجب اذا كنتي ما تنظفين حواجبك

5- الطريقه اللي تحبينها في تخطيط حواجبك .. قلم .. تاتو .. فرشه .. اللي تحبينه بس خلي بالك بعدين انك ما راح ترسمين حواجبك ..

6- بلشر بشكل كريم او جيل .. مو باودر .. بلون دافئ و طبيعي

6- اهم شي لهذا اللوك و الحاجه الاساسيه اللي تضمن لك التغيير .. رموش صناعيه .. بس تخلين بالك انك ما تاخذين شي اوفر .. يعني حاجه بسيييطه مره و تبين طبيعيه .. مثل هذي

هذي مثلاً مناسبه .. و الافضل انك تستعملين الرموش المتفرقه .. يعني مو اللي تجي كلها سيت واحد .. بس اللي تجي مجموعات صغيره بس تملين فيها الفراغات بين رموشك و الأماكن اللي محتاجه تكثيف ..
[IMG]https://**************5.videojug.com/5b/5b050518-7859-8c99-3bcb-ff0008ca992f/how-to-apply-individual-fake-eyelashes.WidePlayer.jpg[/IMG]


طيب نبدا ..

1- اغسلي وجهك بصابونة عسل او الغسول اللي تحبينه .. بعدها جففيه بمنديل .. اضغطي ضغطات خفيفه على وجهك بالمنديل لين ينشف .. نظفي اسنانك و استعملي الفرشه سويها على شفايفك .. عشان تشيل كل الزوائد الجلديه من على شفايفك و الجلد الميت و كذا .. بعدين ما تطلعلك قشره اذا المرطب جف

2- اذا بشرتك جافه حطي مرطبك المفضل و خليه شويه تتشربه البشره .. اذا بشرتك دهنيه يفضل انك ما تستعملين مرطب .. انتظري شوي لين بشرتك ترجع لطبيعتها بعد الغسيل .. و حطي فازلين على شفايفك .. شوي بس

3- ابدي حطي الفاونديشن على ظهر يدك .. بعدين من يدك حطيه على شكل نقاط على كل وجهك .. بعدين استعملي فرشاه او اصابعك "انا استعمل اصابعي" لتوزيعه و دمجه بحيث ما يظهر او يظهر طبيعي ..

4 - عطيه فتره للوجه يتعود عليه .. بعدين هاتي الكونسيلر .. حطي منه على ظهر يدك و من ظهر يدك حطي تحت عيونك .. و الاماكن اللي فيها احمرار بوجهك .. و الحبوب الحمرا .. و كذا .. و بعد ادمجيه باصابعك برقه ..ضربات خفيفه بس سريعه عشان يندمج كويس ..

5- حطي البودره كلمسه اخيره لتجنب اللمعان في البشره الدهنيه و العاديه .. و عشان تساعد على تثبيت الفاونديشن و الكونسيلر ..

6- هاتي البلشر و حطي منها بأطراف اصابعك بشكل خفيييييف على عظمة خدك .. ادمجيها كويس عشان تظهر طبيعيه .. بعدين خذي نفس البلشر الكريمي و حطي منه على شفايفك اللي اصلاً حاطه عليها فازلين .. زيدي البلشر على شفايفك شوي بس اعملي حسابك انه يطلع طبيعي ..

7- هاتي خافي الحواجب و ابدي حطي على الزوائد اللي ما تبينها من حواجبك و الشعر الزائد لين ما تخلين حواجبك نظيفه و رسمتهم حلوه ..

8- هاتي الشي اللي تخططين فيه حواجبك .. و ابدي بخفه كبيره بس املي الفراغات بحواجبك .. لا تخططين كل الحواجب .. بس املي الفراغات ..

9- هذا موضوع من المنتدى هنا حطته الاخت العزيزه Lina84 عن تركيب الرموش الاصطناعيه .. و اكيد ان شاء الله بيساعدكم اذا ما تعرفون
طريـــ..ــقة تركيـــب الرمـــوش الأصطناعـــيه

و التسريحه انا عن نفسي مع هذا اللوك اسوي هذي التسريحه



و بالهنا عليكم ان شاء الله تعجبكم ..
هذا اول موضوع لي ماهو طلب او كذا خخخخ جاملوووني و الله متعوب عليه
محبتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حلوو
يعطيك العافيه حبيبتي

تسلم الانامل
منوره القسم
لاننحرم من جديدك
=)

__________________________________________________ __________

>>>> الرد الثاني :

وجدت هنا موضوع وطرح شيق
ورائع اعجبني ورآق لي
شكراً جزيلاً لك .
وبالتوفيق الدائم.

__________________________________________________ __________

>>>> الرد الثالث :

روعة ومتعوب عليه
موفقه يا عسل
نريد جديدك دائما

__________________________________________________ __________

>>>> الرد الرابع :

يعطيك العافيه

__________________________________________________ __________

>>>> الرد الخامس :

»؛° جــــزاكًـ الله ألًفـ خــــٍيرَ °؛«
موَضوعَكـ ذوقًـ واختياركـ ْ
بهً موفًقـ أنًتَضرِ كلُِ جديدًكـ
وفنً قلمكًـ..محبتي
»؛° نعہ_ـومہ_ـه °؛«