عنوان الموضوع : غراتان البطاطا واللحم هايل من عند ام تيتا طبخ جزائري
مقدم من طرف منتديات العندليب

مساء النور لبنات وشراكم لاباس عند ام تيتا اليوم حبيت نحطلكم غراتان موالفة نديره وبنين ومفيهش حوايج بزاف وراح تحبوه ويعجبكم انشاء الله نبداو بسم الله
هاذو المقادير
راهم باينين لحم مرحي وشوية بصل وثوم ومعدنوس وملح وفلفل اسود وزيت وطيبتو في المقلة مع بعض ومباعد خلطت معاه شوية فرماج قرويار
وقطعت البطاطا مربعات وقليتها
زدت 3 فرماج عادي وزيتون اسود واخضر قطعتهم رقيق ونخلط الكل ومباعد ندهن المول نتاعي بزيت ولا زبدة ونفرغ الخليط
ونصب فوقه 4 بيضات + نص كاس كريمة فراش +ملح وفلفل اسود ونفرغه على الخليط الاول وندخلهم الفرن وهام ليكم الصور بالتفاصيل والشرح ونتمنى يعجبكم وتجربوه




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة
انا نديرها بالدجاج شكرا على الوصفه

__________________________________________________ __________

>>>> الرد الثاني :

مممم يشهي تقريبا نفس طريقتي يعطيك الصحة


__________________________________________________ __________

>>>> الرد الثالث :

اممممممممممممممم الله يبارك نموت على الغراتان بصحتكم حابة نسقسيك على الكرام فراش السائلة قداه تقعد في الفريجيدار باه تفسد بيناتنا جامي جربتها ويناهي الي استعملتي تاع الجزائر ولا الخارج

__________________________________________________ __________

>>>> الرد الرابع :

يعطيك الصحة، انا تاني نديرها بصدر الدجاج، بصحتكم

__________________________________________________ __________

>>>> الرد الخامس :

روعة يعطيك الصحة