عنوان الموضوع : اسهل و اروع كعك من مطبخي
مقدم من طرف منتديات العندليب

السلام عليكم واش حوالكم ؟ ان شاء الله تكونو بخير
اليوم نفحتلي نخدم كاش حاجة لفطور الصباح خممت وقلت ندير الكعك خاصة انو مقاديرو متوفرة فهي بسيطة وموجودة في كل بيت
هذا وين خلصتو وسميتو كعك نص ليل هههههه
وغير خلصتو تفكرتم يا حراير الصفحة وقلت نفيدكم بالاك تنفحلكم في كعك نص ليل كيما انا خاصة اذا كنتو سهرانين بصح صدقوني راه يخرج بنين ياااسر خاصة مع الحليب ويحبوه ولادكم

المهم نمشيو للمقادير

نحتاجو الى
_3 بيضات
_ كاس ونص سكر انا عبرت بكاس اينوكس
_كاس زيت
_كاس حليب دافئ
_نصف كاس ماء الزهر
_3 ملاعق صغيرة خميرة الخبز
_قشور الليمون و قشور البرتقال
_زرارع (شنان-الجلجلان-بسباس-حبة حلوة ) من الاحسن مطحونين
_1 خميرة الحلوى
_ملح
_فرينة

طريقة التحضير
نخلط جميع المقادير طبعا نبداو بالسوائل انا خلطتهم بكف اليد جيدا من بعد نضيف الفرينة بشوية بشوية حتى نتحصل على عجينة طرية كوريها وحطيها في ليان وغطيها ببلاستيك وخليها ترتاح حوالى نصف ساعة ثم عجنيها بيدك مش تعجينيها يعني حركيها شوية برك
ثم شكليها الى اسوار يعني ديري حرابيش ولويها ثم ضعيها في صينية مدهونة بالزيت و بعديهم على بعضاهم لانهم رايحين يخمروا ويتضاعف حجمهم شوية
ثم ديرهم في مكان دافيء يخمروا لمدة 45 د
بعد ما يخمروا ادهنيهم بصفار البيض الممزوج بالنسكافيه و انثري عليهم الجلجلان من الفوق ثم ديريهم يطيبوا حتى يصبح لونهم احمر
وهذي صورتهم اعتذر من رداءة الصور لاني صورتهم نص ليل





نتمنى تجربوه وتدعولي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

https://www.djelfa.info/vb/showthread.php?t=1660900

__________________________________________________ __________

>>>> الرد الثاني :

اختي يعطيك الصحة تعرفي انا كليتو في مستغانم وكان روووعة لكن معرفتش الشنان مم تم يقولولو الشنان وللاسف كان خلاصلها الي دارتو على هذيك معرفتوش مم العطار معرفوش

__________________________________________________ __________

>>>> الرد الثالث :

شكرا ام سهام على الرابط ويظهر ان الوصفتين متشابهتين لحد ما فهذه من وصفات جدتي ربي يحفظها

__________________________________________________ __________

>>>> الرد الرابع :

شهيتينا اختي يعطيك الصحة

ولونهم هااااااااااايل

__________________________________________________ __________

>>>> الرد الخامس :



يعطيك الصحة رائع .قوليلى اختى واشى هو الشنان