عنوان الموضوع : طرطة السلق طبخ جزائري
مقدم من طرف منتديات العندليب

مرحبا

العجينة:
3كيلات فرينة
كيلة ناقصة 2 صباع زيت
م ص ملح
ماء
التحضير :
خلطي الفرينة مع الملح مع زيت وبسيها مليح بيديك ثم طميها بالماء وجيك كما عجينة العرايش، ديريها داخل كيس وخليها ترتاح ساعتين.






الحشو:
السلق
لحم مرحي
بصل
معنوس
ملح وفلفل أكحل
بيض وحليب وفرماج
التحضير:
نقي السلق، أغسليه مليح وغليه حتى يطيب
قطعي البصل أرقيق وديريه في مقلاة مع الزيت، فلفل أكحل والملح، معدنوس وقليه مليح ثم زيديلو اللحم المرحي وخلطي مليح وفي الأخيز أرمي السلق بعد ما طاب وقطرتيه مليح
خليه على نار متوسطة حتى ينشف ثم طفي النار وخليه يبرد







خذي العجينة وقسميها على زوج، واحدة كبيرة على الثانية
خذي الجزء لكبير حليه بالحلال من الأحسن فوق ورق الطبخ وتكون العجينة رقيقة وديريها فوق السنيواة وطلعيلها الأطراف كما les tartes وقطعيلها فرماج من الفوق، ثم ديري الحشو.
في إناء خلطي البيض مع الحليب وملح وفلفل وفرغيهم فوق الحشو
خذي الجزء الثاني من العجينة وحليها رقيقة وديرها فوق الحشو حتى للأطراف وغلقيهم مليح





خلطي صفار البيض مع شوية حليب ودهني به وجه العجينة وجوزي بالفرشيطا من الفوق ودخليها للفرن تطيب تكوني سخنتيه من قبل حتى تطيب أمبعد شعليلها من الفوق وحمريها
أمبعد كولوها بصحتكم





ان شاء الله تعجبكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :




روووووعـــــــــــــــــــة بـــــــارك الله فيـــــــــك


__________________________________________________ __________

>>>> الرد الثاني :

بارك الله فيك الصور تبين شحال شابة ما شاء الله

__________________________________________________ __________

>>>> الرد الثالث :

تهبل بارك الله فيك

__________________________________________________ __________

>>>> الرد الرابع :

يعطيك الصحة تشهي

__________________________________________________ __________

>>>> الرد الخامس :

يعطيك الصحة باينة بنينة