شيفلور من مطبخي طبخ جزائري
عنوان الموضوع : شيفلور من مطبخي طبخ جزائري
مقدم من طرف منتديات العندليب
لبسسسسسسسسسسسسسسسسسسم الله الرححححححححمان الرححححيم
اليوم درت للغداء شيفلور وحبيت نوريهولكم واليكم الكيفية
طيبت صدر جاج في مرقة بيضاء وخليتو بجيه وبعد غليت الشيفلور في الماء و الملح مع ورقة رند وبعد ما طاب صفيتو مليح من الماء وعبزتو بالفرشيطة ودويتو مليح بشوية فلفل اكحل - لفاح - معدنوس - دبشة - حبة طماطم مرحية - عصير نصف حبة قارص - نوعين من الفرماج انا حطيت لافاش كيري شاف تاع الزيتون و الشيدر - كمية من الخبز المرحي وخلطي كلش مع بعض ودريهم صبيعات ومرغديهم في الفرينة واقليهم و حطيهم بجيه ونولي نقطع البطاطا مربعات صغيرة ونقليها ثم نحطها في صحن الفرن ونضع فوقها الصدر تاع الجاج بعد ما نفتوه ونزيدو الصبيعات تاع الشيفلورونزيد فوقهم الجاج وفوقهم المرق وشوية فرماج و معدنوس ولحيهم يطيبو وبصحة عليكم
والله جا روعة مع انو اختي ماتحبش الشيفلور لكنو عجبها وكلات
Photo0852.jpg (11.0 كيلوبايت, المشاهدات 526) Photo0851.jpg (11.1 كيلوبايت, المشاهدات 524) Photo0853.jpg (11.3 كيلوبايت, المشاهدات 521) Photo0854.jpg (10.7 كيلوبايت, المشاهدات 522)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شهيتيني و ان شاء الله نجربو
__________________________________________________ __________
>>>> الرد الثاني :
يعطيك الصحة
تاكلو بالصحة و الهناء
__________________________________________________ __________
>>>> الرد الثالث :
المشاركة الأصلية كتبت بواسطة looona 
شهيتيني و ان شاء الله نجربو
جربيه و انشاءالله يعجبك
__________________________________________________ __________
>>>> الرد الرابع :
الله يبارك
يعطيك الصحة
__________________________________________________ __________
>>>> الرد الخامس :
المشاركة الأصلية كتبت بواسطة remadna
يعطيك الصحة
تاكلو بالصحة و الهناء
الله يهنيك اختي رماضنة تسلمي
رد مع اقتباس
