اللحم لحلو بالتفاح من مطبخي من مطبخي
عنوان الموضوع : اللحم لحلو بالتفاح من مطبخي من مطبخي
مقدم من طرف منتديات العندليب
السلام عليكم اخواتي
اليوم جبتلكم طريقتي في طبخ
اللحم لحلو الي هو شباح الطاولة الرمضانية
المقادير
اللحم غنمي مقطع صغير
زبيب مشماش مجفف وبرقوقة او العينة مجففة
سكر من 200الى 250 غ او حسب الكمية تع الفواكه الجافة
2ملاعق زبدة
ماء الزهر
عود قرفة
ماء
طريقة التحضير
حطي في قدر اللحم والقرفة والزبدة
مرقي بحوالي 3كؤوس ماء +50 غ سكر باش ميقساحش اللحم ويجي يابس
ثم حطيه اطيب
الفواكه الجافة حطي عليهم قليل من الماء الزهر و الماء الساخن اتركيهم ساعة باش يطراو
قشري التفاح وفوريه دقائق فقط قيس مايدخلو اطياب وانزعيه او قطعيه شرائح
صفيهم وحطيهم اطيبو وزيدي كمية السكر المتبقية بعد ماطاب اللحم +كاس ماء الزهر
بعدين كيطيب حطي التفاح يغلي غلية وطفيه ماصورتوش
طريقة التقديم
حمصي في مقلة شوية لوز مع الزبدة حتى ياخذ اللون وزين بيه
ام اسلام واية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة يالفحلة
تعيشي راني ديت هذا
نخليه للفطور
__________________________________________________ __________
>>>> الرد الثاني :
يعطيك الصحة والله غير شهيتيني
__________________________________________________ __________
>>>> الرد الثالث :
بارك الله فيك أختي روعة ربي يحفظك
__________________________________________________ __________
>>>> الرد الرابع :
ممممم يعطيك الصحة و الله يا عزيزتي شهيتيني ربي يحفضك متعينا باطباقك سبيسيالموا في رمضان راني نسنا ٠٠٠٠٠صح فطورك وربي يحفظلك وليداتك اسلام آية و يوسف٠شكرا لكي
__________________________________________________ __________
>>>> الرد الخامس :
بارك الله فيك.
رد مع اقتباس
