عنوان الموضوع : اللي يدير البركوكش بالحليب يتفضل المطبخ الجزائري
مقدم من طرف منتديات العندليب

اخواتي العزيزات لاحظت انه ماكانش اللي يدير الحليب في البركوكش احنا نديروه واللي يقولو عليه ناس بركوكس احنا نقولولو محمصة لانه احنا البركوكش يفور كيما الكسكسي وبعد يسقى بالصوص حمرة وعاقدة انا شخصيا نمعس فيها البطاطا به تعقد مليح وبعد نديرو البركوكش بعد مافورناه ودرنالو شوية زبدة في صحن ونجيبو لاصوص ونديو فيها حليب يكون خاثر نخلطوه مع لاصوص ونسقو بيها وقادريكون بالدجاج واللحم والقديد واحسن بركوكش تاع القديد والي عندها طريقة اخرى تتفضل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا ام دودة هدي الوصفة يموت عليها زوجي ربي يبارك فيك

__________________________________________________ __________

>>>> الرد الثاني :

في عنابة كل واحد و ذوقه
كاين اللي يدير كيما انتي الحليب مع المرقة باه يزيد البنة و يخثار و كاين اللي ما يديرش بعد ما يفور يرميه في المرقة منه فيه
كل واحد وش يسميه البركوكش ولا العيش
اما المحمصة او البركوكس كل واحد وكيفاش
العبرة في الاخير كي تكون الغميقة تشهي باللحم و باهية هههههههههههه شخصيا نحب ناكله باللحم و شوية حار
فكرتينا فيه
شكرا عالطرح المميز تحياتي ام دودة

__________________________________________________ __________

>>>> الرد الثالث :

المشاركة الأصلية كتبت بواسطة سولين دودو
شكرا ام دودة هدي الوصفة يموت عليها زوجي ربي يبارك فيك

ديرو نفس الطريقة واذا كانت نفس الطريقة راجلك منين

__________________________________________________ __________

>>>> الرد الرابع :

المشاركة الأصلية كتبت بواسطة gatta.annabia
في عنابة كل واحد و ذوقه
كاين اللي يدير كيما انتي الحليب مع المرقة باه يزيد البنة و يخثار و كاين اللي ما يديرش بعد ما يفور يرميه في المرقة منه فيه
كل واحد وش يسميه البركوكش ولا العيش
اما المحمصة او البركوكس كل واحد وكيفاش
العبرة في الاخير كي تكون الغميقة تشهي باللحم و باهية هههههههههههه شخصيا نحب ناكله باللحم و شوية حار
فكرتينا فيه
شكرا عالطرح المميز تحياتي ام دودة

الله اعلم انه حتى في عنابة يقولو بركوكش مشي بركوكس

__________________________________________________ __________

>>>> الرد الخامس :

صح البركوكش وكاين اللي يسميه العيش كل واحد وتسميته


البركوكس هو المحمصة الصغيرونة
واحد يقول محمصة و الاخر بركوكس اذواق و اسامي تختلف من بيت لبيت