عنوان الموضوع : كيش باللحم المفروم من مطبخي
مقدم من طرف منتديات العندليب

السلام عليكم ورحمة الله تعالى وبركاته

صح فطوركم اخواتي

كيش باللحم المفروم

العجينة بريزي
250غ فرينة + 120 غ زبدة نخلطوهم باليد حتى تدخل الزبدة في الفرينة



من بعد نديرو 4 مغارف ماء بارد مليح مع مغرف صغيرة سكر + مغرف صغيرة ملح


ونخلطوهم باش تتلم العجينة فقط بلا مانعجنوها
بعد مانلموها ندخلوها للثلاجة ترتاح ساعة على الاقل


ونوجدو الحشو تاعنا
نذبلو البصلة ونزيدوها لحم مفروم + دبشة + ملح + فلفل كحل+توابل


ونخلوهم يتقلو على نار خفيفة حتى يطيب اللحم المفروم
نحوه نزيدولو قطعة جبن
وبما اني نحب الدجاج زدتلو شوي بعد ماقليتو في شوي زيت وفتتو


نخلطو حتى يذوب الفرماج


ونزيدو 4 حبات بيض وشوي معدنوس وفنجال حليب


ونخلطهم مليح


نخرجو العجينة من الثلاجة
نحلوها بشكل دائري


ونحطوها في المول بعد ما ندهنوه شوي ونطلعولها الحاشية ونثقبوها


وندخلوها طيب نص طياب ( كي نخرجوها تكون ناشفة شوي ماتبقاش طرية


نفرغو الخليط على لابات تاعنا


ونزيدو فرماج رابي ونعاودو ندخلوها طيب


حتى يتحمرو لحواشي وينشف الخليط وتكون



نحوها من المول




ونقصوها





وتقدم بالصحة





ان شاء الله تعجبكم الوصفة
ماتنسونيش من دعوة خير



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

merci beaucoup

__________________________________________________ __________

>>>> الرد الثاني :

ammmmmmmmmmmmmm ychahi
et tres beau comme plat
nchallah njarbou had lyamet
merciiiiiiiiiiiiiiiiiii pour la recette

__________________________________________________ __________

>>>> الرد الثالث :

anbalek ejbetni bezafff ou rayha njarabha merçi beaucoup okhti rabi ykalik ou rabi yehmik nchallah

__________________________________________________ __________

>>>> الرد الرابع :

الله يعطيك ماتتمناي

صح فطورك

__________________________________________________ __________

>>>> الرد الخامس :

allah yahafdhak