عنوان الموضوع : بطاطا سوتي على الطريقة اللهلوبية من مطبخي
مقدم من طرف منتديات العندليب




توت ,,,,,,, توت ,,,,,,,,,,,, توت ,,,,,,,,,,,,,, راهي وصلت البطاطا اللهلوبية وجدو رواحكم من اليوم يبدى العد التنازلي واللي نحكمها دور في المنتدى وماطبقتش الوصفة خلات عليها كل وحدة تحاسبني بصحنها نشوفو

هذي البطاطا راهي ساهلة وسريعة واقتصادية يعني ماعندكم حتى حجة باش ماطبقوهاش زيادة على هذا بنينة وتحمر الوجه وطبق مرافق رائع للسمك والدجاج واللحوم والسلطة وحتى وحدة يتكل بنين ممممممممممممممممم


Pomme de terre sautée à l'ail&herbes fines

المكونات :

3- حبات بطاطا كبار مقطعة مكعبات متوسطة الحجم
1- حبة بصل متوسطة مقطعة شرائح
4 - فصوص ثوم كبار مقطعة شرائح
3- ملاعق كبيرة زيت
1- ملعقة كبيرة زبدة
التوابل:
ملح
فلفل أسود
فلفل أحمر
كمون
ثوم بودرة
الأعشاب العطرية:
زعيترة
معدنوس مقطع رقيق
اكليل الجبل

الطريقة :

أولا : نقشر البطاطا ونقطعها مكعبات متوسطة الحجم ماشي صغيرة باش ماتتفتتش وماشي كبيرة بزاف باش طيب من داخل وجي بنينة وباهية في التقديم
نحط البطاطا المقطعة في ماء بارد ونغسلها رايحة تطلق النشاء نتاعها والماء يتعكر لذلك نصفيها من هذاك الماء ونبدلو بواحد آخر صافي وبارد ونخليها على الأقل نصف ساعة هكذا من بعد كي نحطها في المقلاة ماتلصقش في المقلاة وماتلصقش في بعضاها



ثانيا : في الوقت اللي تترقد فيه البطاطا وجدو باقي المكونات : قشرو الثوم وقطعوه ونقيو المعدنوس وقطعوه و قشرو البصل وقطعوه شرائح
سيدتي إذا عندك حاجة في خاطرك أبكي بردي قلبك واللي يسقسيك قوليلو راهو البصل


ثالثا : قطري البطاطا من الماء مليح لازم تكون ناشفة تماما من الماء باش ماتلصقش ,
أنا حطيتها في هذي اللي نشفو فيها السلطة أكيد كامل عندكم كيفها


واللي ماعندهاش هذيك ممكن تنشف البطاطا بمنديل نظيف



رابعا: نحط مقلاة كبيرة وواسعة تسخن على نار قااااااوية ( أنا حطيتها على الكانون الكبير وقويت للنار على الآخر )
سخنو المقلاة بصح ماشي حتان تولي دير في الدخان
كي تسخن نحط الزيت والزبدة يسخنو مليح بصح ماشي حتان يتحرقو ويديرو الدخان لالا يسخنو مليح باش البطاطا كي نرميها ماتلصقش


خامسا : نرمي شوية ملح حوالي نص مغرفة صغيرة و نرمي البطاطا في المقلاة وما لازمش نكثر بزاف بطاطا بحيث تكون متراكمة فوق بعضاها ثلاث حبات كبار مرة وحدة يكفي باش طيب مليح وتتحمر كامل مليح لانو كمية الزيت قليلة وعلى هذي قلتلكم مقلاة كبيرة وواسعة ومن الاحسن تكون ثقيلة المقلاة باش البطاطا طيب مليح وماتتحرقش



لاحظو النار راهي قااااااااوية ماتنقصوش للنار

في الخمس الدقائق الأولى مانحركش البطاطا غير نحرك من ذراع المقلاة باش ماتلصقش البطاطا

سادسا : بعد عشر دقائق نضيف البصل لانو يتحرق بسرعة مانحطوش من الاول


والآن نبدى نحرك كل شوية نحرك والنار قاوية هنا الهدف انو البطاطا تتحمر وتكتسب لون مايهمش طيب من داخل
هذه المرحلة تتطلب حوالي ربع ساعة

سابعا : كي تتحمر البطاطا نضيف الأعشاب العطرية كاملة والتوابل كاملة والثوم شرائح وننقص للنار خلااااااااااااااااااااص يعني أقل درجة ممكنة نار هااااااااادئة جدا ونحرك المكونات باش تتخلط مع بعض وتكتسب النكهات من بعض
في هذي المرحلة تكون البطاطا راهي قريب طيب ، هنا تكمل طيابها وترجع طرييية وبنينة مممممممممممم
نحرك بالشوية لانو البطاطا راهي الآن طرية بزاف ممممممممممممممم
هذه المرحلة تأخذ حوالي خمسة حتى عشر دقائق
نذوق الملح إذا ناقصة نزيد الملح حسب الذوق




ثامنا : تقدم مباشرة مع دجاج ، سمك ، سلطة ......................... الخ راهي بنة عظيمة وحتى اللي مايحبش الأعشاب العطرية هذو تعجبو

صدقوني رووووووووعة هذي البطاطا وتغيير عن المألوف وخاصة رانا على أبواب الصيف والوجبات الخفيفة مطلوبة بزاف في السخانة ,

من فضلكم طبقو الوصفة بكل حذافيرها وماتخافوش راهم الأعشاب العطرية في هذي الوصفة ملاح عائلتي ما تحبش التوابل والأعشاب العطرية وعجبتهم بزاف والله العظيم حطيتهالهم مع جاج محمر خلصو البطاطا وبقالي الجاج



عن قرب شوفو البنة والطراوة تذوب في الفم ممممممممممممممممممممم


هنا قدمتها مع دجاج بصح ماكانش عندي البصل مالقيتش والزعيترة لقيتها تعفنت في الخزانة عليها راهي فرطاسة خخخخخخخ قدمتها مع دجاج محمر مممممممممممممممممممممم




طبقوووووووووووووووووها راهي بنينة


ملاحظة مهمة نسيتها :
إذا قليتو مثلا مرقاز أو اسكالوب أو كوطليط ممكن تقليوها في هذاك الزيت مممممممممممممممممم جي بنيييينة


ملاحظة أخرى : جربتها في الكوكوط ماتصلحش تلصق في الكوكوط وماطيبش مليح حتى البنة ناقصة ماشي كيما نتاع المقلاة

مع تحياتي اللهلوبية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مممممممممم وييييييي أنا الأولى تشهي ممبعد نرجع نمعن فيها مليح و نوعدك نجربها كي تجي البطاطا خطرش لاصتلي اليوم هههههه
يعطيك الصحة لهلوبة الفحلولة

__________________________________________________ __________

>>>> الرد الثاني :

اممممممممم تهبببببببببل تهببببببببل هاااايلة وتعرفيني ملييييح كلي ثقة في وصفاتك وكيما قلتي مقاديرها متوفرة في كل بيت اذا انتظري تطبيقي
ربي يجازيك كل خير ياااااااااااااااااااارب

__________________________________________________ __________

>>>> الرد الثالث :

يعطيك الصحة اللهلوبة على الطبخة العضيمة ان شاء الله نجربها بصح وشنه هو اكليل الجبل قالتهولي وحدة ونسيت وشكرا مرة اخرى

__________________________________________________ __________

>>>> الرد الرابع :

امممممممممممممممم فعلا تشهي
سالو جغاباتي على قول ام تاجو ههههههههه . اكيد نديروها تسلم ايديكي

__________________________________________________ __________

>>>> الرد الخامس :

شكرااااااااااااااااااااااااااااااااااااااااااااا لهلوووووووووووووووووووووووووووووبتي