عنوان الموضوع : بيض الكسكاس طبق جزائري
مقدم من طرف منتديات العندليب

السلام عليكم والله غير توحشتكم وتوحشت نكتب مواضيع في المنتدى بصح خانتني الصوارة فسدتلي مانحبش ندير مواضيع بلا صور
بصح ماقدرتش نصبر عليكم رحت حشمت وجهي وطلبت صوارة وجبتلكم هذي الكيفية
هي وصفة تقليدية كانو جداتنا يديروها كي ماكانش عندهم الفور
المهم اسم الوصفة بيض في الكسكاس نحتاجو ليها هذا المقادير
خمس بيضات ملح
فلفل اسود واحمر حار وبارد
دبشة
زيتون اخضر مقطع
حبة طماطم وزوج مغارف معجون الطماطم
كمون اخضر مغرفة كبيرة
وراس ثوم كامل وفلفل اخضر مقطع للحب الخار بزاف
ونص كاس زيت زيتون ومغرفة كبيرة خميرة تاع الخبز
وكاس سميد

ونحتاجو شوية كسكسي مشمخ باه نفرشوف في الكسكاس باه ماتسيحش الخلطة تاعنا


المهم نخلط كل المقادير مليح ومبعد نضيف السميد راح نتحصلو على خليط كيما تاع البسبوسة نفرغوه في الكسكاس ونغطيو عليه ونخلوها طيب لمدة 40دقيقة على الاقل كي نحبو نعرفو طابت ندخلو فيها موس اذا خرج شايح يسمى راه طاب البيض تاعنا

ذرك نخليكم مع الصور باه تفهمو اكثر على بالي مافهمتو فيها والو من الهدرة بزاف













وهنا راها تفور في الكسكاس ماتضحكوش على برمتي لازم تتحزم باه طيب هههههههههههههههههه






وهاليكم قطعوها وتاكلها بالصحة والهنا تاكل ساحنة من الافضل






وحبيت نزيدلكم هذي الفكرة
اللي تحب تحتفظ بالدبشة ولا معدنوس لمدة طويلو على الاقل سمانة
ماعليك غير تحطيه في بلارة تاع زجاج وحطيه في الفريجيدار بعد ماتكوني نقيتيه بصح ماتغسليهش غير كي تجي تستعملياغسلي

واش تحتاجي برك


هاوليك عندو كثر من عشرة ايام بقا كيما راهو محافظ على الزين تاعو ههههههههههههههههههههههههههههههههه






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

merciiiiiiiiiiiiiiiiiiiiiiiiiii

__________________________________________________ __________

>>>> الرد الثاني :

إن شاء الله تكونين بخير و كافة العائلة، عزيزتي أول مرة نسمع بهذه الاكلة باينة بنينة من إيديك تسلمين

__________________________________________________ __________

>>>> الرد الثالث :

المشاركة الأصلية كتبت بواسطة oum sabrina
merciiiiiiiiiiiiiiiiiiiiiiiiiii

الشكر ليك حنونة اللي نورتي موضوعي نتمنى تكون عجباتك الوصفة

__________________________________________________ __________

>>>> الرد الرابع :

المشاركة الأصلية كتبت بواسطة miri_27
إن شاء الله تكونين بخير و كافة العائلة، عزيزتي أول مرة نسمع بهذه الاكلة باينة بنينة من إيديك تسلمين

الله يسلمك ميري
الحمد لله بخير السوال عليك وين غايبة ان شاء الله خير

__________________________________________________ __________

>>>> الرد الخامس :

الله الله عليك يا ام اثري كل اصبع بصنعة ماشاء الله عليك