عنوان الموضوع : خبز الكسكاس من مطبخي مع شاورما
مقدم من طرف منتديات العندليب

بسم الله الرحمن الرحيم
اليوم حبيباتي رح نقدملكم خبز ليبي مع شاورما تركية
بالنسبة للعجينة :حطيت فرينة و 3 ملاعق حليب مجفف و مغرف سكر و مغرف خمارة تع الخبز .ملح و لميتها بالماء الدافئ و خليتها تخمر

بعدما خمرت نحلها هلى طاولة مرشوشة بالفرينة و نقطع دوائر بالكاس او البول تع الشربة و نزيد نخليها تخمر مليح




بعدما خمرت نقلب الكسكاس و نخليه يسخن على نار هادية و نبدا نطيب في الخبز نتاعنا غير يطيب نقلب للجهة الثانية




بالنسبة للشاورما:طيبت الجاج امبعد فتتو قطع صغيرة زائد بصلة مبشورة و 6 فصوص ثوم مرحية ،خل،عصير ليمون قرفة و ملح و فلفل اكحل و كنون و حمرتها شوية في الفرن مع التقليب المستمر








بعدها نحل الخبز يجي فارغ من الداخل و خفبف نديرورقة سلطة و شورما وبالتاكيد صوص الثوم اللي تعطيتها ذورق رائع و نقدمها






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رائع عزيزتي
ممكن المقادير
و شكرا

__________________________________________________ __________

>>>> الرد الثاني :





رح نعطيكم طريقتي في عمل صوص الثوم :
كاس ماء و ثلاث ملاعق نشا نخليهم فوق النار حتى تثقال
نحطوها بالخلاط نزيد ملعقة زيت الزيتون ،ً6 ملاعق مايونيز،5 فصوص ثوم وفلفل اكحل و نخلطهم مليح حتى تولي كي المايونيز و نقدمها مع الشاورما
اسمحولي اذا طولت عليكم لكن ننصحكم باه جربوه لانو خبز رائع و جديد ماشي معروف عندنا في المطبخ الجزائري هو خاص بالمطبخ اللليبي

__________________________________________________ __________

>>>> الرد الثالث :

الله يبارك روعة يسلم يديك حبيبتي ويصلح كسكاس تاع الحديد؟؟؟؟

__________________________________________________ __________

>>>> الرد الرابع :

الله يبارك ويكثر من الوصفات الجديدة تحياتي اختي الكريمة وربي يجازيك

__________________________________________________ __________

>>>> الرد الخامس :

++++++++
44444444
راكي فور
اتعيشي الكسكاس اتقلبيه فوق البرمة مقلوب هي اطيب بالبخار