عنوان الموضوع : لــــحمة في الصينية من مطبخي ممممممم طبخ جزائري
مقدم من طرف منتديات العندليب



اهلا كيفكم احبابي جبتلكم طبق يشهي يشهي وبنييين الله يبارك لحمة في الصينية أكلة سورية لذيذة باللحم المفروم والبطاطا حسب الذوق اذا تحبي وشرائح الطماطم صراحة لي يذوقو ما يشبعوش تبعوا معايا


نبدا بالمكونات والمقادير لي نحتاجها :

~ حوالي 400غ لحم مفروم
~ حبة بصل شوي كبيرة
~ ملح حسب الحاجة ، م ص فلفل أسود ، هريسة م ص ونصف
~ اصبع زبدة
~ شوي من الشحم (( اذا اللحم نتاعك فيه الشحم لاداعي لاضافة كمية الشحم أنا اللحم لي عندي ماشي مشحم ))
~ م ص عسل + 2 م ص عصير ليمون
~ حبة بطاطا صغيرة مقطعة شرائح رفيعة
~ حبة طماطم مقطعة شرائح




هذا العسل وعصير الليمون (( هذا الطبق يستعمل فيه دبس الرمان لكن حنا ماعندناش فمن الممكن تعويضه بالعسل والليمون ))


الان في روبو أو رحاية اليدوية ارحي البصل مع الشحم حتى ترجع رطبة كيما في الصورة


نضع اللحم والتوابل والبصل والعسل مع الليمون ونخلط بايدينا مليييح تعجنيه نوعا ما ويتجانس بالمليييح



ملاحظة :
البطاطا نصيحة مني اقليها احسن انا ماقليتهاش موالفة نقليها وهنا ماكفانيش الوقت مع رمضاان انا غمستها في الزيت وحطيتها لكن ماطيبش مليح فلذلك ننصحكم تقليوها يكووووون أحسن
وتكون شرائح رقيقة والطماطم كذلك




دورك ادهني المول بالمارغارين مليح


ولبسي المول باللحمة وحتى على الجوانب كيما في الصورة


حطي البطاطا كيما قلت اقليها خيير


والطماطم اقسمي الدائرة على 2 وصفيها فوق البطاطا



والـــــــــــــــى الفرن سخنية بــ20د يكون 250° الرف يكون في الوسط وخليها طيب
بعد شوي وهي طيب راح تتلق الماء ماتخافيش ماء البصل هاذاك


كيفاش تعرفي بلي طاب كي تنشف شوي من الماء وتبقى صوص خفيفة واللحم راح يكون احمر من فوق أي يبدا يحمار خرجيها من الفرن

وقدميها ممممممممممم بدون مبالغة هاييلة نتمنى تجربوها وان شاء الله تعجبكم
أنا نحبها مع الكسرة أي المطلوع





تقبلوا تحياتي دمتم بخييير





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بنيييييييين وي وي فكرتيني بباب الحارة منين يقولو لحمة بالصينية

__________________________________________________ __________

>>>> الرد الثاني :

ههههههههههههههه اييه دادو صح هوما يطيبوها عند الكواش هههههه

__________________________________________________ __________

>>>> الرد الثالث :

ماشاالله عليك اختي طبق شهي بارك الله فيك علي الوصفة وصح فطورك

__________________________________________________ __________

>>>> الرد الرابع :

بارك الله فيك اختي

__________________________________________________ __________

>>>> الرد الخامس :

واواو ليدي ايمان روووووووووووووووووووعة رانا في سوريا اليوم ههههه

عجبتني بصح الحم خلاصلي كنشري نجربها
يعطيك الصحة