عنوان الموضوع : *-*الحسوة البسكرية من مطبخ أمــــــــي حبيبتي*-* طريقة جزائرية
مقدم من طرف منتديات العندليب




كانت سألتني أختنا الغالية طير الرحمة عن كيفية تحضير الحسوة البسكرية و وعدتها أني نجيبلها الوصفة الأصيلة و الأضلية من عند الوالدة الكريمة

كذلك وعدت عزيزتي أريج المسك أني نحط الوصفة في موضوع و الحمد لله أني وفيت بوعدي لك عزيزتي

الحسوة البسكرية تتسقى كيما الشخشوخة البسكرية يختلفوا في المرق
و المرق نتاع الحسوة أنواع كاين اللي تجي بالفريك نتاع الحسوة (فريك رطب) أو بالسميد أو بالفرينة و كامل يجيو هايلين و يطيبوا بنفس الطريقة

الحسوة نتاع اليوم دارتها أمي الغالية ربي يحفظهالي و يشفيها بالسميد و الكرشة نتاع الخروف


الكرشة إختيارية


لنبدا على بركة الله






المقادير:

- كرشة نتاع خروف مغسولة جيدا و مقطعة

- حبة طماطم كبيرة أو 2 متوسطين
- 6 فصوص ثوم متوسطين أو 8 إذا كانو صغار
- 3 م ك طماطم مصبرة
- 1 م ص فلفل أحمر مرحي حلو و أخرى حار (الحار إختياري)
- 2 م ص راس الحانوت
- 3 م ك زيت نباتي
- 2 حبات فلفل حار و واحد مقطع (الفلفل إختياري)
- 2 م ص ملح (حسب الذوق)
- كرافس مقطعة
- قرعة (الصورة توضح ماهي القرعة)
- نصف ليمونة مقشرة مقسومة إلى جزئين
-كسبرة خضرا مقطعة
و

- الرقاق أو النعمة (طريقة تحضيره راح نحطهالكم عن قريب إن شاء الله)

ملحوظة:
المرق يجي فيه الحمص و الفول اليابس و لأني كنت مزروبة باش نوفي بوعدي لطير الرحمة و أريج المسك عملناها بدون ذلك
الحمص لازم يكون مشمخ و يضاف هو و الفول إلى الكرشة من الأول باش يطيب
و ممكن تستغني عليهم كذلك



[IMG][/IMG]

[IMG][/IMG]

[IMG][/IMG]

[IMG][/IMG]


[IMG][/IMG]

[IMG][/IMG]



[IMG][/IMG]


[IMG][/IMG]



[IMG][/IMG]


[IMG][/IMG]




التحضير:

أولا نضع الكرشة لوحدها في طنجرة الضغط حتان تعود قريب تطيب

في هذه الأثناء نبشر القرعة كما توضح الصورة و ننزع اللب و نقطعها إلى أنصاف دوائر (الشكل إختياري)
ثم نرحي الطماطم في الخشن و نهرس الثوم مع الملح أو نرحيه ناعم و نضيفه للطماطم مع الفلفل الأخضر و التوابل المذكورة و الزيت و الكرافس

نضيف القرعة أولا للكرشة و ندعها حوالي ربع ساعة بلا ما نغلق الطنجرة نغطيها فقط
كي نطيب القرعة نص طياب نضيف خلطة الطماطم و ندعها حوالي 10د ثم نضيف السميد حوالي نصف كاس و نخلط و ندعها حوالي 20 د إلى 30د حتان تخثار مليح و يطيب السميد ثم نطفي
ثم ضفيلها قطع الليمون

قطعيلها شوية كسبرة خضرا و ضفيها للمرق قبل ما تسقي و بعد ما تسقي للتزيين

[IMG][/IMG]



[IMG][/IMG]

هذي هي الحسوة البسكرية من إيدين أمي الغالية ربي يحفطهالي سالمة هي و أبي الغالي و يجعلهم و أمهاتكم و آباءكم من أهل الجنة


:1 9:

[IMG][/IMG]


[IMG][/IMG]


بصحتكم


ترقبوا وصفات أخرى غير الحسوة و الشخشوخة نسقسو بيها الرقاق من مطبخي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



__________________________________________________ __________

>>>> الرد الثاني :

بصحتكم أختي أول مرة نسمع بيها بارك الله فيك

__________________________________________________ __________

>>>> الرد الثالث :

امممممممممممممممممم ام اياد روعة شهيتينا

__________________________________________________ __________

>>>> الرد الرابع :

طبق جديد عليا يام اياد تقريبا تشبه الشخشوخه والرقاق هما لفتات الي نديرو بيه الشخشوخه صح
بالنسبه للكرشه منحبهاش في المرق نقدر نستغنى عليها اختي وشكرا لكي على الطبق باين لذيذ من ايد الوالده سلميلي عليها وقلها يعطيك الصحه

__________________________________________________ __________

>>>> الرد الخامس :

المشاركة الأصلية كتبت بواسطة la princesse


شكرا لك عزيزتي بارك الله فيك

المشاركة الأصلية كتبت بواسطة miri_27
بصحتكم أختي أول مرة نسمع بيها بارك الله فيك


الله يبارك فيك عزيزتي شكرا لتواجدك في الصفحة

المشاركة الأصلية كتبت بواسطة ouricia
امممممممممممممممممم ام اياد روعة شهيتينا

ربي يحفظك أوريسيا نورتي الصفحة بوجودك عزيزتي

المشاركة الأصلية كتبت بواسطة omnadjem.10
طبق جديد عليا يام اياد تقريبا تشبه الشخشوخه والرقاق هما لفتات الي نديرو بيه الشخشوخه صح
بالنسبه للكرشه منحبهاش في المرق نقدر نستغنى عليها اختي وشكرا لكي على الطبق باين لذيذ من ايد الوالده سلميلي عليها وقلها يعطيك الصحه

أنعم إيه الرقاق هو اللي نديرو بيه الشخشوخة البسكرية ماشي نتاع قسنطينة عزيزتي
و الكرشة إختيارية ممكن تستغني عليها عزيزتي