عنوان الموضوع : تشيشة الفريك البسكرية طريقة جزائرية
مقدم من طرف منتديات العندليب


قدمت لكم الأخت رماضنة تشيشة المرمز البسكريةhttps://www.djelfa.info/vb/showthread.php?t=740852
و انا نقدملكم تشيشة الفريك البسكرية
المقادير و التحضير:
* حطي في قدر دجاج مقطع مع البصل المفروم و الثوم والزيت و الملح
* ضيفي راس الحانوت (مجموعة من التوابل البسكرية مرطبة )
* زيدي حبات طماطم طايبا و محية و ملعقة أو 2 طماطم مصبرة
* كي تغلي البرمة ضيفي كاس تشيشة فريك ( تكون أخشن من اللي نطيبوها في الجاري أو شربة فريك )
* كي يعود نصف طياب لوحي كاس حمص طايب
* و في ال5 دقائق الأخيرة ضيفي فلفلات حاري و سنات ثوم مهرسين و أطفئي النار و قطعي نصف ربطة دبشة و سقي بيها الفطير ( المسمن ) مفتت






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة سخفتيني
تبان هايلة

__________________________________________________ __________

>>>> الرد الثاني :

يطيك الصحة ختي و هذي أول مرة نشوف شربة فريك بهذي الطريقة و تبان تشهي تاكلوها بالصحة
نسقسيك ختي على حساب الصورة تبان بلي المرق قاع مفيهاش تجي ناشفة ؟ و لا كيسقيتي بيها المسمن تشربو ؟
بارك الله فيك مرة ثانية

__________________________________________________ __________

>>>> الرد الثالث :

المشاركة الأصلية كتبت بواسطة my lamis
يطيك الصحة ختي و هذي أول مرة نشوف شربة فريك بهذي الطريقة و تبان تشهي تاكلوها بالصحة
نسقسيك ختي على حساب الصورة تبان بلي المرق قاع مفيهاش تجي ناشفة ؟ و لا كيسقيتي بيها المسمن تشربو ؟
بارك الله فيك مرة ثانية

هاذي تجي مسقية كيما الشخشوخة يعني فطير مسقي بالمرقة اللي كتبناها الفوق

__________________________________________________ __________

>>>> الرد الرابع :

المشاركة الأصلية كتبت بواسطة janna
هاذي تجي مسقية كيما الشخشوخة يعني فطير مسقي بالمرقة اللي كتبناها الفوق

خسارة معنديش شربة فريك و كان جربتها و الله شهيتيني بارك الله فيك ختي و تعجبني بلادنا كل منطقة و خدمتها و الحمد لله مع هذا المنتدى نرفدو طبايع بعضانا
المرة الثانية نقولك تسلم إديك و مشكورة على الرد

__________________________________________________ __________

>>>> الرد الخامس :

يعطيك الصحة جبتيها تاع بساكرة صح انا كنت قبل الزواج نعملها بنفس الشئ لكن عدلتها بعد الزواج لما شفت حماتي تحب تحط الحار فيها عجبتني اكثر,شوفي :انا نحط اللحم سواء احمر او دجاج و نحط عليه بصلة مقطعة براج يعني مش شرط رقيقة ثم نقطع حبات طماطم بنفس الطريقة و شوي ثوم و زيت و فلفل احمر {عكري}و راس حانوت و شوي فلفل اسود و نحط الماء حتى يتغطى اللحم فقط يعني يطيب في دواه على نار هادية و بعد مايطيب نحيه و نصفي المرق و نحط طماطم معلبة و الدشيشة و نزيد الماء و فلفل اخضر و صدقيني طعم رااااائع.