عنوان الموضوع : رولي الدجاج بالمرقاز طريقة جزائرية
مقدم من طرف منتديات العندليب

السلام عليكم ورحمة الله وبركاته


وصفتى اليوم هى رولي الدجاج بالمرقاز هاااااايلة


.jpg][/url]

المقادير بسيطة
نحتاج
صدر دجاج او 2 يكون مرحى
كمية من المرقاز حبات فقط ماشي بزاااف
كمية من الزيتون الاخضر منزوع النوى ومنزوع الملح
بياض بيضة
3 ملاعق كبار من الخبز اليابس مرحى لاشابليغ
حبة بصل
سنة ولا 2 توم
ملح +فلفل اسود ولا ابيض +زنجبيل +اوراق زعيترة جافة او خضراء اختيارية



اول شي نقطع البصل مربعات صغار ونحمسها في مقلة مع شوية زيت +ملح +فلفل اسود ونخليها تذبل


هاد القطاعة هاااااااااااااااااااااااااااااااااااايلة






الان الخدمة في الروبو
نحط صدر الدجاج +البصلة + التوم + بياض البيض +الشابليغ+التوابل +الهريسة ملعقة اللي يحب الحار انا بحكم عندى ولادى صغار مانقدرش ندير



ونخلط كلش مليح حتى يتجانس وتتداخل المكونات
في نفس المقلة اللي حمسنا فيها البصل نحط حبات المرقاز ونخليهم يتقلاو نص طياب فقط
فيحين حنا نحكمو ورق الزبدة او ورق الطبخ ندهنوه بشوية زيت ونفرش فيه الخليط ونسويوه مستطيل السمك تاعو حوالي نصف سم ونحط فوقو المرقاز والزيتون وبواسطة الورق نروليوه حتى نتحصل على حربوش
نغلفوه بورق الطبخ ونحطوه في الكوشة على نار متوسطة من 20 حتى ل 30د كل وحدة والفرن تاعها كى يطيب نحيه وخليه شوية من 5الى 7د باه تقطعيه وقدميه مع واش تحبي اما فريت او ارز او أي شيئ
نخليكم مع الصور للتوضيح اكتر
هدا المرقاز في المقلة ماتديرولوش الزيت



وهنا فرشنا الخليط وفوقو حبات المرقاز فقط كى نستفوهم نثبتوهم يعنى نضغطو عليهم شوية باه يتثبتو داخل الدجاج




كى نروليوه زيرو شوية وامسحو السطح باه شكلو يخرج مليح












في الاخير نقولكم اولا ان شاء الله تعجبكم الوصفة ونكون وفقت في الشرح
تانيا اردودكم تشجعنا وتعلمنا وتخلينا نزيدو في العطاء فلا تحرمونا لا من ردودكم ولا من دعائكم ولكم بالمثل
تحياتلى للجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك اختي وصفة راءعة
يعطيك الصحه ����������

__________________________________________________ __________

>>>> الرد الثاني :

المشاركة الأصلية كتبت بواسطة أم إناس
بارك الله فيك اختي وصفة راءعة
يعطيك الصحه 👏👏👏🌹🌹

والله مرورك الاروع بارك الله فيك
حقا انا من عشاق حلوياتك ووصفاتك وطريقة تقديمك ماشاء الله وربي يكملك بخير

__________________________________________________ __________

>>>> الرد الثالث :

طريقة هايلة يعطيك الصحة
شفتها من قبل في واش طيبتي اليوم وكان عندي فضول باش نعرف الطريقة
بارك الله فيك

__________________________________________________ __________

>>>> الرد الرابع :

بعطيك الصحة

__________________________________________________ __________

>>>> الرد الخامس :

المشاركة الأصلية كتبت بواسطة oum radja
طريقة هايلة يعطيك الصحة
شفتها من قبل في واش طيبتي اليوم وكان عندي فضول باش نعرف الطريقة
بارك الله فيك

ايا الحمد لله راح الفضول وزال الغموض
شرفنى مرورك

المشاركة الأصلية كتبت بواسطة ام سراج وملاك
بعطيك الصحة

شكرا تسلمى