عنوان الموضوع : صور من عرضتي لمرت سلفي ربي يهنيها المطبخ الجزائري
مقدم من طرف منتديات العندليب

السلام عليكم
في الحقيقة العرضة كانت قبل رمضان باسبوع بابا وماما عرضو سلفي وزجتو الجديدة وعجوزتي .......... المهم انا رحت لدارنا وطبخت
عملت اوردافر من ابداعي في الشكل والمضمون فيه خضر متنوعة ومبروشة بطريقة جديدة تجي مثل السباقيتي وفي الوسط ماعملتش ارز عملت مقارونة بابيون بالالوان مع شوية تونة ومايوناز وجات روعة وماشافوهاش من قبل.....حوحو يشكر روحو.... وعملت فولوفون محشي باللحم المفروم والفطر والجبن والبيشامال وعملت سلاطة خضراء وقدمتها مع اصابح الجبن لاخت ربي يجازيها وجاو روعة وعملت كريات كانت عملتهم اخت من المنتدى ربي ينورلها ايامها هي عملتهم اصابع فيهم التونة وبطاطا مبروشة ومقلية وشابلير انا قدمتهم مع باتي نتاع التونة قطعتو وردات وزيتون اخضر وكاشير قطعتو قلوب ولصقتهم بعود الاسنان جاو روعة وقدمت معاهم جزر وخيار ملفوفين ومحشيين كانت عملتهم واحد الاخت ربي يجازيها
وعملت كفتة بالزيتون والشامبينيون وفي الوسط نتاع الصحن قطعت شرائح من سويس رول اللحم المفروم والدجاج
وبلا ماننسا المهم عملت شخشوخة البرنوس بالحمص واللحم والدجاج
نخليكم مع الصور وراني اشرحتلكم بالتفصيل لاني مانحبش عنصر التشويق هههههههههههههههه
كاين حوايج ماصورتهمش لاني انا اللي كنت نوجد ونطيب ونحط في نفس الوقت المهم كامل عجبتهم العرضة وشيخي قالي راني بردت قلبي في الشخشوخة
الديسار والمشروبات ماصورتهمش






































>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

ماشاء الله كل شيئ رااااااااائع
المقبلات تحفة والسلطة جدا رااااااائعة
والطاجين هااااااااااايل
كنت كريمة واكيد مرت سلفك تستاهل
ربي يجعلها في ميزان حسناتك
بصحتكم

__________________________________________________ __________

>>>> الرد الثالث :

الله يبارك يعطيك الصحة

__________________________________________________ __________

>>>> الرد الرابع :

ya3tik seha chatra

__________________________________________________ __________

>>>> الرد الخامس :

لكان غير جييت مرت سلفك