عنوان الموضوع : قائمة الطعام الاسبوعية...لبيت متوسط الحال تدابير منزلية
مقدم من طرف منتديات العندليب

السلام عليكم ورحمة الله وبركاته
كل ربة بيت ديما تخمم , وساعات تلجأ لاولادها وزوجها
واش نديرو غداء؟واش نديرو عشاء؟
واش رايكم لوكان نديرو قائمة للطعام وتكون اسبوعية
كل وحدة فيكم تمدلنا اقتراحها ونحاولو نديرو قائمة تكون مناسبة للحالة المادية لكل وحدة وفي نفس الوقت تكون متنوعة وصحية
باه الواحد مايحكمهاش لوبيا وعدس وعدس ولوبيا ههههههه

.............خططي لقائمة طعام الاسبوع
تعجزين احيانا عن ايجاد الاطعمة المناسبة لتحضيرها عند الغداء؟
تلاحظين ان وجبة العشاء التي تتناولينها وعائلتك,تتضمن الطعمة ذاتها؟قد يجعلك ذلك تملين من تناول هذه الاطعمة.ويدخلك وعائلتك في الروتين اليومي .
لعدم الدخول في هذا الروتين وللحصول على اطعمة متنوعة,مغذية وصحية طيلة ايام الاسبوع.عليك بالتخطيط المسبق لقائمة طعام الاسبوع
الخطة:
1-كل وحدة تكتبلنا مختلف الاطعمة الي طيبها
2-على اساس هذه الاطعمة تكتب قائمة مختلف احتياجات المطبخ وكل شهر تشري رفيتايما ..باه توفر كل المستلزمات
3-نحاولو نرتبو مع بعض هذه الاطعمة على ايام الاسبوع.

لنبدا على بركة الله.
كل وحدة تكتبلنا مختلف الاطعمة الي طيبها
بلا ماننسو فطور الصباح وقهوة العشية



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يسعدني نكون اول من يرد على هذا الموضوع < متحمسة ههههه
انا عادة كل اول شهر نقضي كل المواد الغدائية اللي خاصتني ونخصص مبلغ كل اسبوع للحوم او سمك والخضر واحاول ان اضع قائمة طعام في حسابي. الغداء دائما نطيب شي يشبع مثل الشخشوخة او قراتان او نوع من الحبوب واكيد نعجن معاه كسرة لنو زوجي يحبها ويفضلها على الخبز.وبالنسبة للعشاء دائما اشياء خفيفة مثل الفريت وانواع السلطات بالخضر او بيتزا او سوفلي اصنعها بنفسي واحيانا محاجب. يعني ماعنديش قائمة محدده لأني اطبخ على حساب وش يتوفر عندي المهم اني انوع

__________________________________________________ __________

>>>> الرد الثاني :

اختي انا دائما اطبخ العشاء لان زوجي يروح للعشاء و ما يجيش للغذاء دائما ندير حاجة تاع كسرة زوجي لازم الكسرة و حاجة تاكل بيها ما يحبش الشخاشخ يحب المراقي حنا نقضيو بالجمعة يجيب قفة نجيب جمعة كاملة وانا نفرز نهار الجمعة ندير بربوشة تعجبني الخضرة جديدة و من بعد ساير الايام ندير بوكلو زاليقو كرنب جاردينيار بيون..ضرك كاين السلق كي تخلص الخضار نردها حبوب و سعات مقارونات في الفور **

__________________________________________________ __________

>>>> الرد الثالث :

والله انا معاك اختي لكن احنا فالغرب ما ناكلوش العجائن كثير
رايحة نحاول نحط اكلاتي وانتم خيرو واش تحبو
والى اتفقنا على برنامج نتبعوه والله دائما نتمنى يكون عندي برنامج ماشي حتى ندخل للمطبخ راسي يوجعني من كثر ما نخمم غدا واش عشا واش وكذلك حتى القهوة انتاع العشية لازم نخخممو عليها

__________________________________________________ __________

>>>> الرد الرابع :

والله موصوع هايل

__________________________________________________ __________

>>>> الرد الخامس :

المشاركة الأصلية كتبت بواسطة أنوثة شرقية
يسعدني نكون اول من يرد على هذا الموضوع < متحمسة ههههه
انا عادة كل اول شهر نقضي كل المواد الغدائية اللي خاصتني ونخصص مبلغ كل اسبوع للحوم او سمك والخضر واحاول ان اضع قائمة طعام في حسابي. الغداء دائما نطيب شي يشبع مثل الشخشوخة او قراتان او نوع من الحبوب واكيد نعجن معاه كسرة لنو زوجي يحبها ويفضلها على الخبز.وبالنسبة للعشاء دائما اشياء خفيفة مثل الفريت وانواع السلطات بالخضر او بيتزا او سوفلي اصنعها بنفسي واحيانا محاجب. يعني ماعنديش قائمة محدده لأني اطبخ على حساب وش يتوفر عندي المهم اني انوع


حاجة مليحة...انو يكون في الغداء العجائن او الحبوب اليابسة وفي العشاء تكون وجبات خفيفة.
لانها مفيدة للصحة وليبقى الجسم في رشاقتو...وفي العشاء باه ما يكونش الاكل ثقيل على المعدة ومنو الواحد يرقد وهو مرتاح