عنوان الموضوع : عندى مشكل مكرهلى حياتى و هو الدبان تجاربي
مقدم من طرف منتديات العندليب

السلام عليكم و رحمة الله تعالى و بركاته من العنوان اعرفتو مشكلتى انا كنت نسكن فى مكان رحمة ربى ما عندى حتى حشرة ادور فى الدار و بعد ما ارحلت لمنطقة اخرى اغزانى الدبان و غير فى الصيف تصورو اسخانة و الدبان ياريت الى عندها الحل تلحقنى بيه و راح ندعيلها من قلبى فى هاد العواشر و شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صباح الخير اختي و صح رمضانك الدبان راهوا مشكلة اي وحدة فينا خصوصا كي تجي طيبي الفطور انا شخصيا الصباح نكمل شغلي بكري و مبعد نغلق كلشي و ندير مبيد الحشرات و نخلي الكليماتيزور يمشي اما العشية كي نكمل نحط الفطور يطيب و مبعد نمسح كل شيئ بالجافيل هكا ينقص خلاص و ان شاء الله نكون افدتك.

__________________________________________________ __________

>>>> الرد الثاني :

ما عليك غير بالجافيل امسحي مكان تواجده سواء البوتاجي أو الطابلا
وكذالك رشي الأرضية بالجافيل



__________________________________________________ __________

>>>> الرد الثالث :

اختي الذبان مشكلة موش غير عندك راو كي يلقى الضو وريحة الماكلة يزيد يكثر انتي ازربي طيبي وظلمي البيوت والجافيل امسحي بيه

__________________________________________________ __________

>>>> الرد الرابع :

شكرااخواتى على الردود لكن واقيلا الدبان الى عندى سامط ما نفع فيه لا جافل و لا مبيد

__________________________________________________ __________

>>>> الرد الخامس :

ان تاني عندي الدبان جربت وحد لي ساشي تاع الدبان ام سغار وتينى حطيهم في سحن فيه الماء الدبان كامل يتلم عليه علكيف جربيها وماتندميش أختي