عنوان الموضوع : أكبر مشكل في حياتي
مقدم من طرف منتديات العندليب

حبيت نحكيلكم على مشكلتي لي تسببت لي في عقدة أنا انتقلت ل3ثانوي شعبة علوم بمعدل 14 انا دخلت نقرا متأخرة بسبب عرس أختي و مالقيتش لبلاصة لخاطر في قسمنا كاين 30 بنت طارتلي لبلاصة ما قبل الاخير و زيد طاح فينا استاد تاع مات الله لا يشوفكم يجي يقولنا حلوا الكتاب في تمرين محلول ويديرونا ويروح كي نقولوا ما فهمناش يقلنا عادي ضيعنا ماديناش القاعدة عند وما كنتش قادرة نستوعب من هداك المكان وماحبوش يبدلولي الاساتدة كنت ندي في الفصلين 1 و 2 12 في المات و الفيزياء و العلوم وكان معدلي 12 ايضاو حسيت روحي جد ضعيفة اما لفصل 3 قاراني جارنا و ديت معدل 14 مي ما كنتش مقتنعة بروحي في المادتين المات و العلوم اما الفيزياء كانت عندنا استادة في القمة راني خايفة على روحي العام القادم بكالوريا و انا ماراني فاهمة والوا في المات زعما نقدر نفهم دروس السنة العام القادم راني حاسة روحي ما كنت نفهم والوا وراني خايفة ادا نرجع نعاود نقرا دروس 2 ثانوي و العلوم كانت تصعبنا بزاف المواضيع على هادي ما كنتش نتعدى 12 زعما انا أثر عليا المكان وباش تقدروا تنصحوني انا في 1 ثانوي كنت نتحصل ع 15 ورجعت معقدة من روحي لوكان نلقى واحد وما يهدرليش على 2 ثانوي عانيت بزاف معاها انا متفوقة في جميع المواد وراني حاسة نقدر نكمل عدا المات و العلوم مارانيش فاهمة مليح وراني خايفة هدا الشي يأثر عليا نظرا للعلاقة بين دروس 2 و3 ثانوي ايه حبيت نقلكم استاد المات كان يمدلنا من راسوا نقاطي و 12 تع الفصلين ماشي نقطتي كان يمدها لجميع التلامد اما الفصل 3 مارضاش عليا مدلي 9 ونظن بلي خدمت كثر لاني فهمت الدوال عند جارنا كي يلقاك خدمتي مايمدلكش المعدل وكاين لي كان يمدلهم 16 بالمعريفة راني خايفة بزاف انصحوني اسمحولي طولت عليكم زعما لوكان يبدا استاد يقريني وحدي ليكور نقدر نفهم بدون صعوبة وراني خايفة هاد الاستاد يرجع يفريني لعام القادم واش ندير معاه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا جزيلا لكم واحد ما حبش يساعدني في مشكلتي

=========


>>>> الرد الثاني :

نورمـال , نعرف الي ماقراش خلاص وطلع في 2 بالدزان وفي الباك قرا صح وادا 14

=========


>>>> الرد الثالث :

في البكالوريا بإدن الله لاتهم نقاط الثانوية...اجتهدي بنفسك بالإضافة إلى الدروس الخصوصية في الرياضيات ، الفيزياء والعلوم -ان أمكن- ان شاء الله ستكونين مع الأوائل

=========


>>>> الرد الرابع :

khti ma tet9al9i ma walo
kayen nas nivou ta3hom na9es
mais 3eme anne jtahdou w jabo 16

=========


>>>> الرد الخامس :

شكراااااااااااااااااااااا لكم ربي يوفقكم

=========


السلام عليكم اختي نور العلى
و نحن ايضا عندنا استاذ في الثانوية بنفس المواصفات
لكن الحمد لله لم ندرس عنده هذه السنة ... ربي يهدي مثل هؤلاء الاساتذة
في الحقيقة دروس السنة الثانية مرتبطة كثيرا بدروس السنة الثالثة خاصة الرياضيات
لذلك ان لم تفهميها سيؤثر عليك هذا العام القادم ... لكنها ليست صعبة كما تتخيلين .. ستستطيعين فهمها
فقط عليك اختي ان تحاولي استدراك ما فاك في هذه العطلة و ان امكنك الالتحاق بدروس خصوصية
او الاستعانة بشخص ليفيدك و يساعدك
و منظنش الاستاذ يزيد يحكمكم العام القادم لان الادارة لن تخاطر بذلك
و ان درستم عنده فقط اخبري والدك ان يقدم شكوى للادارة مثلما نفعل
و الله يوفقك اختي


المشاركة الأصلية كتبت بواسطة زهور الأمل 95
السلام عليكم اختي نور العلى
و نحن ايضا عندنا استاذ في الثانوية بنفس المواصفات
لكن الحمد لله لم ندرس عنده هذه السنة ... ربي يهدي مثل هؤلاء الاساتذة
في الحقيقة دروس السنة الثانية مرتبطة كثيرا بدروس السنة الثالثة خاصة الرياضيات
لذلك ان لم تفهميها سيؤثر عليك هذا العام القادم ... لكنها ليست صعبة كما تتخيلين .. ستستطيعين فهمها
فقط عليك اختي ان تحاولي استدراك ما فاك في هذه العطلة و ان امكنك الالتحاق بدروس خصوصية
او الاستعانة بشخص ليفيدك و يساعدك
و منظنش الاستاذ يزيد يحكمكم العام القادم لان الادارة لن تخاطر بذلك
و ان درستم عنده فقط اخبري والدك ان يقدم شكوى للادارة مثلما نفعل
و الله يوفقك اختي

شكرا جزيلا لك أختي ربي معانا لكني انا رايحة نقرا ليكور عند استاد وحي يجي ليا لدار يقريني ان شاء الله وربي معانا

نقولك يا أختي أغتنمي الفرصة في هاذي العطلة و حاولي تفهمي الدروس تاع الرياضيات بأي طريقة لأنك رايحة تحتاجيهم في الباك ، أما العلوم والفيزياء فلا علاقة بين دروس السنة الثانية والثالثة ، ما تقلقيش روحك بيهم
و أيضا إذا ماقدرتيش تفهمي دروس الرياضيات للسنة الثانية ماشي مشكل لأنك في الباك رايحة تبداي كل شيء من جديد و لازم تحضري من أول يوم و تعاوني روحك بالدروس الخصوصية ، وما تأجليش عمل اليوم الى الغد ، هكذا ما يفوتكش الحال
يعني لازم تعرفي برك كيفاش تنظمي وقتك
ونصيحة من عندي : ركزي على الدروس داخل القسم مع الأستاذ و أعطيها قيمتها أكثر من الدروس الخصوصية اللي أعطاوها الناس قيمة بزاف
و ربي يوفقك ان شاء الله

السلام عليكم و رحمة الله الي راكي فيه ماهو مشكل ماوالو نتيا لي تقرري مصيرك بيدك

انا المشكل نتاعك صرالي في البكالوريا

دخلت روطار بسسب انتقالنا لمدينة اخر
طارتلي بلاصة الاخيرة

ماكان حتى استاذ يصلح مش غير نتاع المات و هكاك خدمت على روحي و درت ليكور
وجيت انا الاولى على مستوى ثانويتنا و انا ادرس طب اسنان حاليا

ماتقلقيش روحك و ركزي مليح و اجتهدي و الباقي على ربي

المشاركة الأصلية كتبت بواسطة manel dima
نقولك يا أختي أغتنمي الفرصة في هاذي العطلة و حاولي تفهمي الدروس تاع الرياضيات بأي طريقة لأنك رايحة تحتاجيهم في الباك ، أما العلوم والفيزياء فلا علاقة بين دروس السنة الثانية والثالثة ، ما تقلقيش روحك بيهم
و أيضا إذا ماقدرتيش تفهمي دروس الرياضيات للسنة الثانية ماشي مشكل لأنك في الباك رايحة تبداي كل شيء من جديد و لازم تحضري من أول يوم و تعاوني روحك بالدروس الخصوصية ، وما تأجليش عمل اليوم الى الغد ، هكذا ما يفوتكش الحال
يعني لازم تعرفي برك كيفاش تنظمي وقتك
ونصيحة من عندي : ركزي على الدروس داخل القسم مع الأستاذ و أعطيها قيمتها أكثر من الدروس الخصوصية اللي أعطاوها الناس قيمة بزاف
و ربي يوفقك ان شاء الله

شكرا لك ربي يوفقك

المشاركة الأصلية كتبت بواسطة cherry pop
السلام عليكم و رحمة الله الي راكي فيه ماهو مشكل ماوالو نتيا لي تقرري مصيرك بيدك

انا المشكل نتاعك صرالي في البكالوريا

دخلت روطار بسسب انتقالنا لمدينة اخر
طارتلي بلاصة الاخيرة

ماكان حتى استاذ يصلح مش غير نتاع المات و هكاك خدمت على روحي و درت ليكور
وجيت انا الاولى على مستوى ثانويتنا و انا ادرس طب اسنان حاليا

ماتقلقيش روحك و ركزي مليح و اجتهدي و الباقي على ربي

شكرا لك ربي يوفقك و يخليك