عنوان الموضوع : تابع فرحة العروس مشكلة
مقدم من طرف منتديات العندليب

تابع https://www.djelfa.info/vb/showthread.php?t=951825

أخواني أخواتي قريتو موضوعي الأول وكاين لي لام عليا وكاين لي نصحني بطاعة زوجي وكاين لي نصحني بالقران والاستغفار وعندو الحق لي قال حنا الرجال كيما هكدا نتوسوسو وحبيت نوضح فقط أني قبل أي خطوة كنت قد قرأت كل الأحكام الشرعية التي أكدت أنني في الحلال الحلال الحلال
لكن عندي بعض الأسئلة أرجو واحد منكم يلقالي أجوبتها
لمادا الرجل الجزائري يتوسوس حتى من زوجتو حلالو شرعا ؟
كيف ونحن في هدا الوقت أين تخرج الألاف من المغريات في الشوارع وأقولها المغريات وليس البنات وتنادي للحرام هل من طريقة أخرى غير الحلال؟
الغلطة مني اني قبلت بانسان ماعندوش باش يخطب اليوم يزوج غدوة ؟ وكون ماقبلتش به تقولو ماترياليست
الكلام سهل واللوم أ سهل حتى أنا كنت كيفكم نتشوكا كي نسمع حكاوي غيري ماحسيت بالجمرة غير كي عفست عليها
الان اين هو الحل زواجي بعد بضعة أشهر وهو الان يتحكم في مصيري وبمستقبلي ويريدني أن اترك عملي وأعيش مع أهله وأقبل بالذل وأنا المدللة في بيتنا لماذا لأنني تقيدت بالشرع والحلال وماكونتش ماترياليست وساعفتو وحبيت نعاونو حتى في السكن هو الان يقولو لي مانسحق منك والو وتعيشي أمة تحت رجلي


أين هو العدل أريد حلا وليس مواعظ
يااااااااااااااااااارب ضاقت بي السبل فمن لي سواك يفرجها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اذا كان انسان متدين يقوم بصلاتو وشايفى فيه بلي ميدورش عليك وميكرهلكش حياتك اومبعد توكلي على ربي وكملي
بصح اذا كنتي مش ضامنة في اخلاقو ومش حيكون اب صالح وزوج صالح متغامريش
وقبل كل هذا عليك بالاستخارة فهي حلك الاكيد

__________________________________________________ __________

>>>> الرد الثاني :

نعطيك حل أختي بما أنه هو يقول هكا كما قلتي كذالك انت قلتي انك مدللة وراكي تحبسي العمل وتعيشي معه أهله


بصراحة نشوف تفتارقو كل واحد يروح الحالو انت مزالك مش عروستو يعني بينكما عقد فقط لأنه الحين اصبح يشوفك بين يديه ولا تستطيعي فعل شيء


صدقيني أختي مهما تخسري كي تسرعي في ترك هذا الرجل مش راح تكون بعد الزواج وانت استخيري ربي خصوصا إذا هو لا يحترمك ولا يقدرك فكيف بعد الزواج خصوصا راح تسكني انت مع أهل زوجك وانت قلتي عن نفسك انك مدللة عند اهلك صدقيني مش راح تقدري تصبري



استخيري ربي وشوفي مع روحك

هذا رأي الخاص تقبلو مروري

__________________________________________________ __________

>>>> الرد الثالث :

يا أختي المفروض من الأول تكون الشروط يعني العمل و السكن و غير ذلك
أما إن اتفقتم على هذه الأمور و نقض العهود فلا خير فيه و لا خير في رجل يقول لك أنك أمة تحت رجله
هذا رأيي


__________________________________________________ __________

>>>> الرد الرابع :

أختي الفساد بين الناس ماش مليح ...
لكن الي من أولها و قبل الزواج يقول لك راكي امة تحت رجلي
غير ما تقربيش ليه , مالا بعد الزواج واش يقول وواش يعمل
استغفر الله العظيم....

__________________________________________________ __________

>>>> الرد الخامس :

يا اختي انتي راكي تتمسخري

واتمنى ان لا تحذف مشاركتي هذه

كيفاش تخليه يلمسك قبل العرس؟؟؟



ماتقوليلي حلال

ماتقوليلي علماء

ماتقوليلي فتاوى

ماتقوليلي راجلي ماوالو



حتى زوجك لي عقد عليك في البلدية و فتّح عليك و اعطاك المهر

ما يلمسكش قبل العرس


و يتوسوس منك لان هذا تمسخير