باركات من مطبخي طبخ جزائري
عنوان الموضوع : باركات من مطبخي طبخ جزائري
مقدم من طرف منتديات العندليب
السلام عليكم ورحمة الله تعالى وبركاته
اللهم صلي على نبينا وحبيبنا محمد وعلى آله وصحبه اجمعين
اليوم جبتلكم وصفة بعجينة اقتصادية وسهلة
الباركات
مقادير العجينة
فرينة
2.5ملاعق صغار خميرة الخبز
4ملاعق صغار لحظة
فنجان تاي زيت
ملح وشوي سكر
وماء دافىء
نبداو على بركة الله
نحط الفرينة مع الملح واللحظة والزيت ونبسس مليح
م نضيف الخميرة والسكر وندير شوي ماء تذوب فيه الخميرة ونكمل نعجن نتوليطرية مليح كما راه موضح في الصورة3
نغطيها ونخليها تخمر في غرضها
نستف لي باركات تاعي في بلاطو
وكي تخمر عجينتي هكذا تبان بلي طلعت
ندير حرابش طوال هكذا
وبيدي نفتحهم في المول ونحفرهم بالفرشيطة
ولاكان عدك كيسات املايهم حجر البحر ولا حبوب وحطيهم في الوسط باه ما تتنفخ واما ديري كيما انا ندخلهم للفرنعلى نار عالية وغير يتنفخو نخرج نفشهم بيديا شغل نعاود نفرشهم عملية سهلة عادي وزيدي احفريهم
هم يطيبو ولاكانو نشفولك من تحت صايي متزيديش باه ماييباسوش من تحت افتحي من فوق ينشفو برك
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نجي للحشو 2علب كورند بف
والبصل مكرفش ومعدنوس وشويتح فلفل اسود
نحط البصل يتحمر في شوي زيت ونضيفلو الكورندبف ونخليه يقلي مع التقليب المستمر
وكي نطفي نضيف شوي فرماج رابي اختياري طبعا
في كسرونة نحط زيت طماطم معلب والي يحب الطماطم حب يديرو مكرفش في بلاص المرقد وملح وفلفل احمر وثوم مكرفش
ونمرق ونخليها تغلي على نار هادئة نتخثار ثم نرد الكورند بف على لاصوص
ونعمر الباركات تاوعي وندخلهم للفرن ونفتح من فوق برك كاين لييكلهم سخونين يعودو هشاش وكان ليسناهم يبردو يعودو يتقرمشو وتقدري الباركات تطيبي لابات قبل والحشو كي تعودي محتاجتهم
وهاهم ليك كي يخرجو
__________________________________________________ __________
>>>> الرد الثاني :
mmm yechaho yaetik al saha
__________________________________________________ __________
>>>> الرد الثالث :
روعة يشهو يعطيك الصحة
__________________________________________________ __________
>>>> الرد الرابع :
تسلم الايادي روووعة
__________________________________________________ __________
>>>> الرد الخامس :
مشكورة على الفكرة
رد مع اقتباس
