عنوان الموضوع : الماسيدوان كيفاه يتحضر طريقة جزائرية
مقدم من طرف منتديات العندليب

السلام و عليكم حبيباتي طبخات منتديات العندليب حبيت نعرف كيفاش يديرو المااااسيدوان و الله راه في خاطري و ما عرفتش كيفاش نديرو و يجيني مليحة كيما نتاع المطاعم ارجوووووووكم قولولي كيفاااااه



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي اختي هذي طريقتي وتجي تهبل
ديري بطاطا وجزر قطعيهم مربعات صغار مشي بزاف
جلبانة فوريهم كامل حتى يطيبو
والبطاطا هي الاخيرة لانها تتفتت حذاري
وغلي الارز حتى يطيب
لما يطيبوا كامل حضري كمية لاباس بيها من الفينيقرات
زيت زيت زيتون خل قارس ملح سكر ومعدنوس
وخلطي الكل وحطيها فوق الخضر تتشربها والى الثلاجة
وحد الساعة تكون بردت وشربت اجبديها وديري المايونيز
وزينيها كيما تبغي
نشاله تكوني فهمتيني

__________________________________________________ __________

>>>> الرد الثاني :

يعطيك الصحة اختي و الله درتي لي مزية ما ننساهالكش راهي في خاطري عندها مدة و نقول نحط الطلب نتاعي هنا و التفنين يديني

__________________________________________________ __________

>>>> الرد الثالث :

مرحبا اختي الفاضلة .اتمنى اني نفيدك بوصفتي تاع الماسيدوان .اولا لازم يكون نوع الارز الي عندك ما يعصدش يكون من النوع الجيد مثل sos طيبيه عل نار هادئة +زبدة+ملح كي يطيب ديري عليح الماء البار باح يتفرز خليه يبرد .فوري جلبانة +جزر+بطاطا كيطيبو + مع الارز+طون +الماييز+طماطم مكعبات+فينيقرات(خل+زيت+ملح+مايونازفلفل اسود او ابيض) الماسيدوان تحب المايونازبزاف ونتي والذوق تاعك نتمني تجربيها وتعجبك ومانكونش طولت عليك.تقدري تديري الارز+ماييز+طون تاع الزيت اكيد+مايوناز معا الفينقرات تجيك بنبن ساهلةواقتصادية.

__________________________________________________ __________

>>>> الرد الرابع :

يا عيك الصحة اختي ز يزو أفادتك ليا و ربي يجعلها في ميزأ حسناتك الف شكر ليك

__________________________________________________ __________

>>>> الرد الخامس :

اختي طريقتي كيما الاخوات بالضبط
الماسيدوان تحب الفيناقرات و المايونيز بزااااااف
ويمكن تاني اديري مع الارز فرمااااااج يعطيها ذوق هايل

هذي صور من عندي... مالغري راهي بسيطة جدااا