عنوان الموضوع : البريك التونسي لمن طلب الوصفة طريقة جزائرية
مقدم من طرف منتديات العندليب

السلام عليكن اخواتي

الاخوات اللواتي طلبن مني وصفة البريك تفضلن واعتذر عن التاخير

البريك التونسي
المقادير

لحم مرحي
ربطة معدنوس
 حبة بصل متوسطة
نصف ملعقة صغيرة سمن
ملح
فلفل اكحل
قصبر مطحون
ديول
بيض
جبن ابيض
زيت للقلي

طريقة التحضير
في مقلاة ما تلسقش نحط اللحم المرحي +المعدنوس مقطع رقيقاوراق واعراف +حبة بصل مقطعة رقيقة+ السمن +الملح والتوابل
نغطيها ونخليها على نار قليلةاطيب غير بلبخاروالماء الي تتلقوالمكونات
كيذبال البصل ووالمعدنوس ويطيب اللحم اتركيها تبرد
 في صحن صغير
خذي ورقة الديول اطويها على 2وما تقطعيهاش ثم حطيها بهذا الشكل فوق الصحن
ثم حطي الحشوة وعملي بيها حفرةوحطي الجبن فيها
 ثم حطيفي وسط الحشوة حبة البيض


ثم نغلقها بهذه الطريقة


بعد ما نسخن الزيت شويةنرفد البريك بالصحن ونحطها باليد الثانيةماشي نرفدها ولكن انزلقها


ثم نرمي فوقه الزيت بالملعقة

ثم نقلبها بالالوش
اطيب حوالي دقيقة من كل جهة اواكثر شوية حتى اطيب الحبة تع البيض على نار متوسطة
ثم ننزعها من الزيت بالالوش ونحطها فوق ورق يمتص الزيت ونقدمها
طريقة التقديم






ان شاء الله اجربوه وينال اعجابكم

لذيذ جدا
مع تحيات ام اية واسلام يوسف



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يخليلك اسلام واية يعطيك الصحة كنت نحوس على الطريقة

__________________________________________________ __________

>>>> الرد الثاني :

المشاركة الأصلية كتبت بواسطة أم ياسين الزهراء
الله يخليلك اسلام واية يعطيك الصحة كنت نحوس على الطريقة

منورة غاليتي ام ياسين واليك الطريقة تسلمي

__________________________________________________ __________

>>>> الرد الثالث :

يعطيك الصحة


__________________________________________________ __________

>>>> الرد الرابع :

يششششششششششهي يعطيك الصحة بارك الله فيك

__________________________________________________ __________

>>>> الرد الخامس :

يشهي يعطيك الصحة ام اسلام