عنوان الموضوع : *-* البسطيلة المغربية بأنامل جزائرية من كوزينتي*-* طبخ جزائري
مقدم من طرف منتديات العندليب




هذا الموضوع نهديه لعزيزاتي و غالياتي رائعات المنتدى أم محمد تاج ، أم ياسو ، أم إبراهيم ، أم آية أيوية (أوريسيا) ، أم ماجد ، لهومة الشعنونة برقوقة ، أم أنوس 69 نقوللها مبروك الإشراف تستاهلي كل خير ، و فراشات المنتدى أم كوثر و أم رامي
و اللي ما نسيت ما كتبتش اسمها ما تزعفش مني لأنو أكيد راكم كامل في القلب

طولت عليكم



البسطيلة هي من أشهر الأطباق المغربية.تحضر بالدجاج و اللوز أو بالحوت أو بغيره و تزين بالسكر المسحوق و القرفة
اليوم راح نحضروا البسطيلة لكن بطريقة جزائرية أو و مجالها مفتوح بحيث أنو الحشو راح يكون إختياري كل واحدة و ذوقها

في هذي الوصفة استعملت اللحم المرحي و البطاطا (المكون الأساسي في كل دار جزائرية)

المقادير:

مكوناتها سهلة و بسيطة
-تحتاجي مول دائري
- 5 أو 6 أوراق ديول
- زيت لدهن الأوراق

للحشو:
- بطاطا مفورة مهروسة بالشوكة و مملحة
- لحم مرحي طايب في شوية زيت و ملح و فلفل أسود مع حبة صغيرة بصل مفروم و كسبرة خضرا مفرومة
- 2 حبات بيض
- 2 إلى 3 قطع جبن
- بصل أخضر مقطع رقيق (إختياري)
وتقدري تغيري في الحشو كيما تحبي سواء تضيفي حوايج أو تغيري مثلا في مكان اللحم المفروم تستعملي تونة أو سردين أو الشيء اللي بغيتيه



التحضير :

اخلطي البيض مع البطاطا مع رشة ملح و فلفل أسود




راح تتحصلي على قوام قشدي


ادهني المول بالزيت وكذلك ورقة الديول الأولى



ضعيها على سطح المول بهذا الشكل



ادهني الورقة الثانية و ضعيها بحيث تغطي القليل من الورقة الأولى




نفس الشيء بالنسبة للورقة الثالثة



ثم ادهني كذلك الورقة الرابعة و ضعيها في الوسط كقاعدة



خذي خليط البطاطا و ضعيه في المول فوق الديول و سوي السطح
ضعي قطع صغيرة من الجبن على الوجه



أضيفي اللحم المرحي كطبقة ثانية



هنا وضعت البصل الأخضر بهذه الطريقة لأنو هناك من لا يحب البصل في الأكل




خذي الطرف الخارجي للورقة الثالثة و اطويه للداخل كما توضح الصورة



ثم اطوي نصفه الخارجي الآخر كذلك للداخل



نفس العملية للورقة الثانية ثم الأولى




خذي ورقة خامسة و ادهنيها كذلك بالزيت و ضعيها من فوق



حاولي إدخال الأطراف من التحت للمحافظة على الشكل الدائري و تماسك البسطيلة





هكذا تتحصلين في الأخير




ادهني الوجه بالزيت جيدا




و أثقبي في الوسط بواسطة سكين ليتمكن البخار من الخروج فلا يفسد الشكل و كذلك تتخلصي من الرطوبة الزائدة باش تحافظ على قرمشتها
ثم ضعيها في الفرن يكون مسخن مسبقا على 180° حتى تحمر من الأسفل ثم حمري الوجه من الأعلى




هذا شكلها بعدما حمرناها في الفرن



من الداخل امممممممممم
و من الخارج مقرمشة و رائعة و غير مشبعة بالزيت مثل البوراك المقلي




هنا قدمتها مع شربة فريك








الذوق ما نحكيلكش
نتمنى تجربيها و تعرفي وحدك الفرق



والسلام عليكم و رحمة الله تعالى و بركاته


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

روعة استفسار برك شربتك حمرة بزاف واش دارتيلها نقرعاج شوية ههههههههههههههههههههههه

__________________________________________________ __________

>>>> الرد الثاني :

يا سلام امممممممم هدية مقبولة وعودر موفقة لينا حنونة

__________________________________________________ __________

>>>> الرد الثالث :

نورتي الصفحة عزيزتي ناري مرحبا بيك و باستفساراتك

أنا الشربة عزيزتي زوجي ما يحبش فيها طماطم العلب بزاف على هذيك ما نكثرلهاش طماطم العلب غير قدر نصف ملعقة كبيرة و نديرلها 1 ملعقة كبيرة فلفل أحمر حلو يابس مرحي و إذا تحبي الحار كذلك ديريلها غير مغيرفة صغيرة برك باش ما تجيكش بزاف حارة
هذاك هوا اللي يحمرها

__________________________________________________ __________

>>>> الرد الرابع :

المشاركة الأصلية كتبت بواسطة أم ماجد
يا سلام امممممممم هدية مقبولة وعودر موفقة لينا حنونة

شكرا لك عزيزتي الغالية أم ماجد نتمنى تكوني و كل عائلتك بألف خير حبيبتي

__________________________________________________ __________

>>>> الرد الخامس :

بسطيلة هايللة
تسلم ايديك اختي