عنوان الموضوع : البسطيلة من مطبخي طبخ جزائري
مقدم من طرف منتديات العندليب

البسطيلة اكلة مغربية معروفة تعمل بالحمام في الاصل
تقريب كل رمضان نديرها مرة ولا زوج
قلت نحطها لكم تشوفوا طريقتي
انا نديرها بالدجاج
مقادير وطريقة التحضير

دجاجة واحدة حجم صغير وايضا حسب افراد العائلة ادا كانوا قلال نصف يكفي
بصل تقريب من 6الى7حبات متوسطة الحجم
معدنوس ربطة -ملح -فلفل -سكنجبير -قرفة -زعفران-زبدة او سمن
لوز منزوع القشرة ومقلي في زبدة ومرحي
6حبات بيض-ديول
ناخد الدجاج ونرحي في روبو البصل خشين شوي +زبدة ملعقة كبيرة
ونحط التوابل كامل والمعدنوس مقطع رقيق نقلي ونمرق
ونغلق على كوكوط قد ما يطيب الدجاج
ننزعه ونفته بجيه وحده
والمرقه هاديك نضيف لها البيض بعد ما نشفوها مليح من المرق تجي خاثره
الان نحضر بالديول
نضع اوراق الديول ثلاثة في صينية دائرية نصفها في الداخل والنصف الاخر في الخارج الصينية
وندهن بالزبدة دائبة الي قلينا فيها اللوز
وندير طبقة تاع دجاج ونزيد ورقتين من الديول بينهما الزبدة
ثم المرق الخاثر بالبيض ثم ورقتين من الديول مدهون بالزبدة
ونزيد اللوز مطحون فيه شوي قرفة وسكر رطب تقريب 2م ك
ونضع ورقة من الديول ونغلق الحواف نلمهم وندهن بالزبدة
الورقة الاخيرة نضعها فوق الكل ونغطي الحواف بيها وندهنها بالزبدة
بالصور راح تفهموا مليح

.







هنا نزعت الدجاج ودرت البيض






.
.













راها طابت هي في الحقيقة تزين بالقرفة والسكر الرطب انا ما يحبوش



ارجو الرد والتقييم راني صراحة تعبت في الصور والتحميل



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

يعطيك الصحة باينة بنينة و شكلها بعد يشهي يعطيك الصحة باذن الله نجربها و نردك الخبر كالعادة دايما متميزة

__________________________________________________ __________

>>>> الرد الثالث :

الله الله عليك خمسة و خموس
بارك الله فيك حبوبة و ربي يجعلها في ميزان حسناتك

__________________________________________________ __________

>>>> الرد الرابع :

انا نحبها بزاف درتها شحال من مرة يعطيك الصحة الأمنيات علي الوصفة
بارك الله فيك ودمت بصحة وعافية

__________________________________________________ __________

>>>> الرد الخامس :

يعطيك الصحة الامنيات واله نموت عليها